Juan 8:17 - Lalang Hu Dios

¹⁷ Nakasulat duun hu Kasuguan nuy sa tagyanaen, ‘Malig-en gayed sa pagpanistigus hu daruwa ha etaw.’

Juan 8:17 Σταυροειδείς Αναφορές

Mateo 18:16

Ba ku harì ka kandin palimanan tumimù ka hu sabuwa daw ku daruwa ba ha makapanistigus taena ha inikagi nu diyà ta kandin, ta ku amin sumbung kinahanglan gayed ha amin daruwa daw ku tatulu ha makapanistigus taena.

Juan 10:34

Inikagiyan sidan hi Jesus, “Hurà ba makasulat en duun hu Kasuguan nuy sa lalang hu Dios ha tagyanaen, ‘Iyan kaw mga magbabayà’?

Juan 15:25

Ba iyan haena katumanan hu insulat duun hu Kasuguan dan ha tagyanaen, ‘Bisan ku hurà dan gayed katarengan ha igkuntraha dan kanak ba kinuntra a gihapun kandan.’

2 Corinto 13:1

Iyan en haini ikatulu ha pagdiyan ku ta inyu. Ku amin diyan ta inyu taghenà-henà ha magsumbung kinahanglan ha amin din daruwa daw ku tatulu ba ha mga tistigus.

Galacia 3:24

Aman sa Kasuguan iyan panulù taw payanaen duun hu pagpakauma hi Cristo ta daw ku makauma haena mabuhat kuy ha matareng pinaagi hu pagtuu taw kandin.

Galacia 4:21

Sinyu sa agkabayà gayed ha masakup hu Kasuguan, natun-an nuy ba sa igpasabut hu Kasuguan?

Hebreo 10:28

Su anay sa etaw ha pakasupak hu Kasuguan hi Moises harì en gayed agkahid-uwan ta aghimatayan haena ku amin daruwa daw ku tatulu ba ha tistigus.

1 Juan 5:9

Tagtuu kuy hu duma taw ku agpanistigus, ba ayuwà pa ku iyan en sa Dios manistigus mahitenged hu Batà din.

Impadayag 11:3

Agsuguen ku sa daruwa ha manunultul ha magpinaksuy hu saku daw magsaysay sidan hu igpaikagi kandan hu Dios duun hu 1,260 ha aldaw.”