Juan 7:31 - Lalang Hu Dios

³¹ Madakel ha mga etaw sa tuminuu kandin daw kagi dan, “Iyan en gayed haini su Misiyas ta hurà en makahimu hu labaw pa ha mga belenganen dì kandin.”

Juan 7:31 Σταυροειδείς Αναφορές

Mateo 12:23

Sa alan ha mga etaw ha nakaahà taena tungkay nangabeleng daw nakaikagi sidan, “Iyan en gid haini su intagnà ha Misiyas ha Kaliwat hi David.”

Lucas 8:13

Su binhì ha duun dà nakatanà hu batuwen iyan su mga etaw ha nakapaliman hu lalang hu Dios daw sagunà duminawat taena ha malipayen ba harì agpanggamut sa pagtuu dan. Tuminuu hu mabàbà dà ha panahun ba ku makauma sa pagsulay ag-endà dà sidan hu pagtuu.

Juan 11:45

Madakel sa mga Judio ha namisita ki Maria sa nakatuu gayed ki Jesus su maahà dan sa binuhat din.

Juan 12:11

ta tumenged kandin madakel ha mga Judio sa nakabig diyà ki Jesus daw tuminuu.

Juan 12:42

Bisan pa taena amin gihapun mga agalen hu Judio ha nakatuu ki Jesus. Ba bà dan dà inheles ta agkangahaldek sidan hu mga Parisiyu ku harì sidan ipaseled duun hu simbahan,

Juan 2:11

Saena ha binuhat hi Jesus diyà ta Cana ha sakup ta Galilea iyan nauna ha belenganen ha binuhat din. Pinaagi taena nakapaahà din sa pagkagamhanan din aman nakatuu kandin sa mga tinun-an din.

Juan 3:2

Su masukilem en duminiyà haena ki Jesus daw ikagiyi, “Manunudlù, natun-an day ha iyan ka manunudlù ha sinugù hu Dios ta sa mga belenganen ha tagbuhaten nu iyan dà pakahimu duun sa etaw ha tagdumahan hu Dios.”

Juan 4:29

“Naahà kud labi su etaw ha natun-an din sa alan ha mga binuhat ku, aman diyà kuy en ta daw maahà nuy. Iyan en gid haena su Misiyas?”

Juan 4:39

Madakel ha mga taga-Samaria duun taena ha banuwa sa nakatuu ki Jesus pinaagi hu inikagi ku bahi, “Natun-an hi Jesus sa alan ha mga binuhat ku.”

Juan 6:2

Tungkay madakel sa mga etaw ha namanlupug kandin ta naahà dan sa mga belenganen ha binuhat din tumenged ta naulian din sa nangadaluwan.

Juan 7:26

Ahaa nuy ta kamulu en tagpanudlù duun hu mga etaw daw harì man agbaldengen hu mga agalen. Iyan ta ku natun-an dan en ha iyan haini su Misiyas.

Juan 9:16

Sa duma ha mga Parisiyu minikagi, “Harì mahimu ha sinugù hu Dios sa agpamulung duun hu Aldaw hu Paghimlay ta saini supak hu Kasuguan.” Ba sa duma tuminubag daan, “Ku masinupaken pa ha etaw harì din ngaay mabuhat sa mga belenganen ha iling taena.” Aman hurà makag-iling sa mga henà-henà dan.

Mga Buhat 8:13

Bisan si Simon tuminuu aman binautismuwan daan. Migduma en ki Felipe bisan hindu duun daw nabeleng gayed hu mga timaan daw belenganen ha naahà din.

Santiago 2:26

Aman sa pagtuu ha hurà dumahi hu maayad ha buhat agkailing hu etaw ha hurà din en gahinawa.