Juan 5:18 - Lalang Hu Dios

¹⁸ Tumenged taena su mga agalen naniguru gayed ha mapatay dan si Jesus, ta kenà iyan dà sa pagsupak din hu Kasuguan mahitenged hu Aldaw hu Paghimlay ba tag-ikagiyen din daan ha Amay din sa Dios daw inisip din sa kaugalingen din ha Dios en daan.

Juan 5:18 Σταυροειδείς Αναφορές

Mateo 12:5

Daw hurà nuy pa ba diay daan kabasa duun hu Kasuguan ha sa mga sinaligan hu paghalad duun hu Timplu harì daan sidan taghimlay duun hu Aldaw hu Paghimlay? Ba hurà sidan makasalà.

Juan 1:19

Iyan haini intultul hi Juan su suguen hu mga agalen ta Jerusalem sa mga sinaligan hu paghalad daw sa mga kaliwat hi Levi ha mga magbubulig dan ha dumiyà ki Juan ta daw mainsaan dan ku sin-u.

Juan 10:30

Siak daw sa Amay ku sabuwa kay dà.”

Juan 10:33

Tuminubag sidan, “Kenà day iyan igbatuwa ikaw sa mga belenganen ha binuhat nu ba tumenged ta tagtameyesen nu sa Dios, ta imbà ka tag-ikagiyà ha sabuwa kaw dà hu Dios ha etaw ka dà man hu ikaw?”

Juan 14:23

Tuminubag si Jesus, “Bisan sin-u sa tagpalanggà kanak tagtuman hu tigtudlù ku. Palanggaen haena hu Amay ku ta siak daw sa Amay ku diyà kay en tagtimà ta kandin.

Juan 14:9

Tuminubag si Jesus, “Nalugay en sa pagduma-dumahà ku inyu na hurà nuy pa ba diay kakilala ku sin-u a? Bisan sin-u sa nakaahà kanak nakaahà en daan hu Amay ku, aman imbà nu kaikagi pa ha ag-ahaen nu sa Amay ku?

Juan 19:7

Saena ha mga etaw minikagi, “Sumalà hu kanay ha Kasuguan kinahanglan ha himatayan hayana ta tag-ikagiyà ha Batà kun hu Dios.”

Juan 5:15

Saena ha etaw luminikù duun hu mga agalen hu mga Judio daw ikagiyi sidan, “Iyan diay si Jesus migbulung kanak.”

Juan 5:16

Pigpasipalahan si Jesus hu mga agalen hu mga Judio ta agpamulung duun hu Aldaw hu Paghimlay.

Juan 5:17

Ba inikagiyan sidan hi Jesus, “Sa Dios ha Amay ku harì gayed taghimlay hu mga buluhaten din daw kinahanglan ha maniguru a daan magtrabahu.”

Juan 5:23

ta daw matahuran a kandan iling hu katahura dan kandin. Bisan sin-u sa harì magtahud kanak harì daan tagtahud hu Amay ku ha migsugù kanak.

Juan 7:1

Su maiwas haena duminayun si Jesus duun hu mga banuwa ha sakup ta Galilea. Tinuyù din gayed ha makadiyù diyà ta prubinsya ta Judea ta natun-an din ha aghimatayan diyà hu mga agalen hu Judio.

Juan 7:19

Si Moises mig-ila inyu hu Kasuguan ba hurà bisan sabuwa inyu ha tagtuman taena. Ta ku tagtuman kaw pa hu Kasuguan harì nuy ngaay mahenhenaan ha himatayan a inyu.”

Juan 8:54

Tuminubag si Jesus, “Ku dayeen ku sa kaugalingen ku hurà din pulus, ba sa tagdayè kanak iyan sa Dios ha Amay ku ha tag-angkenen nuy daan ha Dios nuy.

Juan 8:58

Tuminubag si Jesus, “Laus gayed sa ag-ikagiyen ku inyu ha su hurà pa ibatà si Abraham duduun ad en.”

Filipos 2:6

Bisan pa ku Dios haena ba hurà din henà-henaa ha makigtepeng hu Dios

Impadayag 22:1

Dayun impaahà daan kanak ku balinsuguen hu Dios sa wahig ha tag-ila hu kinabuhì. Saena tagsinlang ha agkailing hu salamin daw duun agkapuun ku trunu hu Dios daw hu Nati ha Karniru

Impadayag 22:3

Sa intungayaw hu Dios hurà en daan duun taena ha banuwa ta duun taena sa trunu hu Dios daw hu Nati ha Karniru. Sa mga suluguen din magsimba kandin.