Juan 3:31 - Lalang Hu Dios

³¹ Sa diyà napuun ta langit iyan labaw hu alan, ta sa etaw ha dini dà ta kalibutan kalibutanen dà sa tagsubayen din. Ba saena ha diyà napuun ta langit iyan labaw hu alan.

Juan 3:31 Σταυροειδείς Αναφορές

Mateo 28:18

Dayun uminubay si Jesus diyà ta kandan daw minikagi “In-ila kanak sa kagahem hu pagharì diyà ta langit daw dini ta kalibutan.

Juan 1:15

Iyan haini intultul hi Juan duun hu kaet-etawan su umikagi hu madaging ha tagyanaen, “Iyan en haini su tagsubayen ku, ‘Amin pa makadini ha labaw dì kanak ta duduun en su hurà a pa ibatà.’”

Juan 1:27

Saena hudiyan dì kanak ba iyan labaw ta bisan sa paghukad hu sapatus din kenà a gayed angayan duun.”

Juan 1:30

Iyan haini tagsubayen ku, ‘Amin pa makadini ha labaw dì kanak ta duduun en su hurà a pa ibatà.’

Juan 3:30

Kinahanglan ha iyan iman haena mabantug ba siak ipaus-us a.”

Juan 6:33

Ta sa kalan-enen ha ig-ila hu Dios iyan sa agkapuun diyà ta langit ha iyan pakaila duun hu kaet-etawan hu kinabuhì ha hurà din katapusan.”

Juan 6:51

Iyan a kalan-enen ha diyà napuun ta langit ha makaila hu kinabuhì. Sa kumaen taena amin din gayed kinabuhì ha hurà din katapusan. Sa kalan-enen ha ig-ila ku iyan en sa lawa ku ta daw sa kaet-etawan mahimu ha amin dan kinabuhì ha hurà din katapusan.”

Juan 8:23

Ba inikagiyan sidan hi Jesus, “Dini kaw dà napuun ta kalibutan ba siak diyà a napuun ta langit.

Mga Buhat 10:36

Sa Maayad ha Tultulanen ha insangyaw kanay sikay sa mga kaliwatan hi Israel iyan haini sa magmalinawen kuy pinaagi ki Cristo Jesus sa Ginuu hu alan.

Roma 9:5

Mga bantugan daan sa mga gin-apuan dan daw bisan su magpakaetaw si Cristo imbatà ha Judio. Aman dayeen hu hurà din katapusan si Cristo sa Dios ha iyan labaw hu alan.

Hebreo 9:1

Duun ku daan ha kasabutan amin mga balaud mahitenged hu pagsimba daw kabuhata hu Tabirnakulu.

1 Pedro 3:22

ha duminiyà en ta langit daw duun iman tagpinuu hu kawanan hu Dios, daw iyan haena tagbayà hu mga balinsuguen hu Dios daw hu alan ha amin din kagahem diyà ta kalangitan bisan sa mga ginsakupan hi Satanas.

1 Juan 4:5

Sa biduen ha manunudlù kenà gayed tumutuu daw sa tignau dan iyan sa kalibutanen aman agtuuwan daan sidan hu kenà mga tumutuu.

Impadayag 19:16

Duun hu pinaksuy din daw diyà ta bubun din sinulatan, “Harì hu alan ha mga harì daw Magbabayà hu alan ha mga magbabayà.”