Juan 3:29 - Lalang Hu Dios

²⁹ Sa agpangasawa iyan gayed pakaangken hu ag-asawahen din. Sa amigu din tag-angat kandin daw agkabayà-bayà ku mapaliman din sa lageng taena ha agpangasawa. Iling daan taena sa kalipay ku iman.

Juan 3:29 Σταυροειδείς Αναφορές

Mateo 22:2

“Sa tagharian hu Dios agkailing hu harì ha nangandam hu kaamulan ta sa batà din agpangasawa.

Mateo 25:1

“Duun taena ha panahun sa tagharian hu Dios agkailing hu sampulù ha mga laga ha natukid hu mga sulù ta tag-angat hu agpangasawa.

Mateo 9:15

Tuminubag si Jesus, “Mabaluy ba diay ku amin kaamulan ha sa mga inimbita maglugul ku diyà pa ta kandan sa agpangasawa? Harì gayed haena mabaluy. Ba mauma sa panahun ha ipaawà en diyà ta kandan su agpangasawa daw human sidan agsalang hu pagkaen.

Lucas 15:6

Ku makaulì amulen din sa mga amigu daw sa mga silingan din daw ikagiyi sidan, ‘Magmalipayen kuy iman ta nalaag sa karniru ku ba naahà ku dà.’

Juan 15:11

Inikagi ku haini inyu ta daw sa kalipay ku makadiyan ta inyu daw malipayen kaw daan gayed.

Juan 16:24

Hurà kaw pa makapanayù pinaagi kanak, ba iman manayù kaw en ta ilahan kaw kandin daw malipayen kaw gayed.

Juan 17:13

“Laus ad ag-ulì diyan ta ikaw ba ig-ampù ku sidan iman ha dini a pa ta kalibutan ta daw sa kalipay dan mailing hu kanak ha kalipay.

Juan 3:30

Kinahanglan ha iyan iman haena mabantug ba siak ipaus-us a.”

2 Corinto 11:2

Agkasamukan ku gayed inyu iling hu kasamuk daan hu Dios ku sumuway kaw diyà ki Cristo, ta iling kaw iman hu laga ha insaad kud en ha igpaasawa hu sabuwa ha maama.

Filipos 2:2

magsabuwa kaw gayed hu henà-henà katuyuan daw hu pagpinalanggaay ta iyan haini igkalipay ku.

1 Juan 1:4

Sinulatan day inyu ta daw tungkay kuy gayed malipay.

2 Juan 1:12

Madakel pa ngaay sa agkabayaan ku ag-ikagiya inyu, ba harì kud en igsulat ta taghinam a ha makadiyan a asem daw makaglalang kuy dà daw malipay kuy gayed.

Impadayag 21:9

Dayun sa sabuwa duun ku pitu ha balinsuguen hu Dios ha tagbalabad hu yahung ha tinaguan hu mga alantusen inikagiyan a kandin, “Dini ka ta igpaahà ku ikaw sa tag-asawahen taena ha Nati ha Karniru.”