Juan 3:2 - Lalang Hu Dios

² Su masukilem en duminiyà haena ki Jesus daw ikagiyi, “Manunudlù, natun-an day ha iyan ka manunudlù ha sinugù hu Dios ta sa mga belenganen ha tagbuhaten nu iyan dà pakahimu duun sa etaw ha tagdumahan hu Dios.”

Juan 3:2 Σταυροειδείς Αναφορές

Mateo 22:16

Aman sinugù dan diyà ki Jesus sa mga sakup dan daw sa mga sakup hi Herodes. Dayun saena sidan uminikagi diyà ki Jesus, “Manunudlù, natun-an day ha matareng ka gayed daw iyan nu dà tigtudlù sa kamatuuran mahitenged hu Dios. Harì ka agkauwit hu mga henà-henà hu mga etaw ta hurà nu kandan igpalabi.

Mateo 23:7

Agkalipay daan sidan ku tahuran hu mga etaw duun hu baligyaanan daw ikagiyen sidan ha Manunudlù.

Mateo 23:8

“Ba harì nuy tugutan sa mga etaw ha umawen kaw kandan ha Manunudlù ta migsusuled kaw dà daw iyan a dà Manunudlù nuy.

Marcos 12:14

Su makauma su mga sinugù inikagiyan dan si Jesus, “Manunudlù, natun-an day ha matareng ka gayed. Harì ka agkauwit hu mga henà-henà hu mga etaw ta hurà nu kandan igpalabi daw iyan nu dà tigtudlù sa kamatuuran mahitenged hu Dios. Aman ikagiyi kay ikaw ku igtugut ba hu Kasuguan taw ha magbayad kuy hu buhis diyà ki Cesar.”

Juan 1:38

Su lumingì si Jesus naahà din su taglupug kandin aman ininsaan din sidan, “Inu sa agkabayaan nuy?” Tuminubag sidan, “Hindu ka tagtimà, Rabi?” ha sa kahulugan taena Manunudlù.

Juan 10:38

Ba tumenged ta iyan haena tagbuhaten ku, bisan ku harì kaw tumuu kanak ba tuuwan nuy ngaay sa mga belenganen ta daw matun-an nuy gayed ha sa Dios ha Amay ku dini ta kanak daw diyà a daan ta kandin.”

Juan 12:37

Bisan pa ku madakel gayed sa binuhat hi Jesus ha belenganen ba hurà sidan tuu kandin.

Juan 14:10

Harì ka ba diay agtuu ha sa Amay ku dini ta kanak daw diyà a daan ta kandin? Bisan sa mga lalang ku inyu kenà duun dà napuun hu kanak ha henà-henà ta sa Amay ku ha dini tagtimà ta kanak iyan migbayà taena.

Juan 15:24

Harì ngaay sidan mag-isip ha mga makasasalà sidan ku hurà dan pa kaahà sa mga binuhat ku ha belenganen ha hurà kahimu hu bisan sin-u. Ba bisan ku naahà dan en haena kinuntra a gihapun kandan daw sa Amay ku.

Juan 2:11

Saena ha binuhat hi Jesus diyà ta Cana ha sakup ta Galilea iyan nauna ha belenganen ha binuhat din. Pinaagi taena nakapaahà din sa pagkagamhanan din aman nakatuu kandin sa mga tinun-an din.

Juan 20:16

Ba minikagi si Jesus diyà ta kandin, “Maria.” Sagunà nakasinalu si Maria diyà ki Jesus daw ikagiyi hu madaging, “Raboni” saini inikagiyan ha Hebreo ha tagkahulugan hu Manunudlù.

Juan 3:26

Duminiyà sidan ki Juan daw ikagiyi, “Manunudlù, natiman-an nu ba haena sa tagsubayen nu ha duma nu su diyà ka pa ta layun ta Jordan? Iman tagpamautismu en daan daw madakel sa mga etaw ha agdiyà ta kandin.”

Juan 4:31

Duun ku atabay inikagiyan si Jesus hu mga tinun-an din, “Manunudlù, kaen kad en.”

Juan 5:36

“Ba amin makapanistigus kanak ha labaw pa dì ki Juan ta sa tagbuhaten ku ha impabuhat kanak hu Dios ha Amay ku iyan en tistigus ha sinugù a gayed hu Dios.

Juan 6:2

Tungkay madakel sa mga etaw ha namanlupug kandin ta naahà dan sa mga belenganen ha binuhat din tumenged ta naulian din sa nangadaluwan.

Juan 7:31

Madakel ha mga etaw sa tuminuu kandin daw kagi dan, “Iyan en gayed haini su Misiyas ta hurà en makahimu hu labaw pa ha mga belenganen dì kandin.”

Juan 9:16

Sa duma ha mga Parisiyu minikagi, “Harì mahimu ha sinugù hu Dios sa agpamulung duun hu Aldaw hu Paghimlay ta saini supak hu Kasuguan.” Ba sa duma tuminubag daan, “Ku masinupaken pa ha etaw harì din ngaay mabuhat sa mga belenganen ha iling taena.” Aman hurà makag-iling sa mga henà-henà dan.

Mga Buhat 10:38

ha pigpaulinan hu Dios si Jesus ha taga-Nazareth hu Balaan ha Ispiritu daw ginaheman din. Aman migduun-duun si Jesus hu mga banuwa daw binuligan din sa taglised daw naulian din daan sa pinasipalahan hi Satanas ta sa Dios tagduma gayed kandin.

Mga Buhat 2:22

“Sinyu sa mga duma ku ha kaliwat hi Israel, palilimani nuy haini sa ag-ikagiyen ku ha si Jesus sa taga-Nazareth sinugù hu Dios. Sa timaan taena iyan sa pagkagamhanan din daw sa mga belenganen ha impabuhat kandin hu Dios. Natun-an nuy en haini ta nahitabù en diyan ta inyu.

Filipos 1:14

Tumenged daan taena sa kadakelà ha mga suled taw duun hu pagtuu nadasig pagsalig hu Ginuu daw mig-iseg daan sa pagsangyaw dan hu lalang hu Dios ha hurà dan gayed kahaldek.