Juan 20:16 - Lalang Hu Dios

¹⁶ Ba minikagi si Jesus diyà ta kandin, “Maria.” Sagunà nakasinalu si Maria diyà ki Jesus daw ikagiyi hu madaging, “Raboni” saini inikagiyan ha Hebreo ha tagkahulugan hu Manunudlù.

Juan 20:16 Σταυροειδείς Αναφορές

Mateo 14:27

Ba inikagiyan sidan hi Jesus, “Pandayai nuy sa gahinawa nuy daw harì kaw agkangahaldek ta iyan a haini.”

Marcos 10:51

Ininsaan hi Jesus su buta, “Inu man sa agkabayaan nu ha buhaten ku diyan ta ikaw?” Su buta tuminubag, “Manunudlù, makaindan a ngaay.”

Lucas 10:41

Ba si Jesus tuminubag, “Marta, imbà nu agkasamuki sa madakel ha trabahu?

Juan 1:38

Su lumingì si Jesus naahà din su taglupug kandin aman ininsaan din sidan, “Inu sa agkabayaan nuy?” Tuminubag sidan, “Hindu ka tagtimà, Rabi?” ha sa kahulugan taena Manunudlù.

Juan 1:49

Dayun uminikagi si Natanael, “Manunudlù, iyan ka gayed Batà hu Dios. Iyan ka haena sa tagsalapen day ha magharì hu mga kaliwatan hi Israel.”

Juan 10:3

Saena igpaseled hu bantay hu pultahan daw agpalilimanan hu mga karniru sa lageng din. Umawen din sa mga ngaran taena ha mga karniru daw igpaguwà din sidan.

Juan 11:28

Su maikagi haena hi Marta luminikù diyà ta balay dan daw muymuyahi si Maria, “Tagdini en labi sa Manunudlù na dumiyà ka kun ta kandin.”

Juan 13:13

Iyan nuy tig-umaw kanak sa Manunudlù daw Ginuu na laus gayed hayana.

Juan 20:28

Dayun nakaikagi si Tomas, “Ginuu daw Dios ku.”

Juan 3:2

Su masukilem en duminiyà haena ki Jesus daw ikagiyi, “Manunudlù, natun-an day ha iyan ka manunudlù ha sinugù hu Dios ta sa mga belenganen ha tagbuhaten nu iyan dà pakahimu duun sa etaw ha tagdumahan hu Dios.”

Juan 5:2

Diyà ta Jerusalem amin linaw ha ubay duun hu pultahan ha tagngaranan hu Pultahan hu mga Karniru. Sa ngaran taena ha linaw duun hu Hebreo ha inikagiyan iyan sa Betsata. Duun hu kilid taena ha linaw amin duun lalima ha sihungà.

Juan 6:25

Su maahà en hu mga etaw si Jesus diyà ta layun ininsaan dan, “Manunudlù, kan-u ka pa nakauma dini?”

Mga Buhat 10:3

Amin panahun ha su agkabalalay en sa aldaw amin din panan-awen ha tagdiyà ta kandin sa balinsuguen hu Dios ha minikagi, “Cornelio.”

Mga Buhat 9:4

Aman naligid haena diyà ta bugtà dayun napaliman din sa lageng ha tagyanaen, “Saulo, imbà a man ikaw tagpasipalahi?”