Juan 19:4 - Lalang Hu Dios

⁴ Minisab guminuwà si Pilato daw ikagiyi sa mga Judio, “Ahaa nuy, igpaatubang ku inyu haini sa etaw ta daw matun-an nuy ha hurà ku naahà ha salà din.”

Juan 19:4 Σταυροειδείς Αναφορές

Mateo 27:19

Su duun en si Pilato taena ha pinun-ayà hu maghuhukum nakauma daan sa sulat hu asawa din ha tagyanaen, “Harì ka maglabet-labet taini ha etaw ha hurà din salà ta ganina ha daleman mig-antus a hu damugu ku mahitenged kandin.”

Mateo 27:24

Su matun-an hi Pilato ha hurà en pulus hu pag-ikagiyà din ta agkagubut en sa mga etaw tuminimù haena hu wahig daw henawi sa alima din duun hu atubangan taena ha mga etaw hu kagi din, “Inyu en haini ha salà aman sa langesa taini ha etaw diyan en ta alima nuy ta nangenaw ad en hu kanak.”

Mateo 27:4

daw minikagi, “Nakasalà a gayed ta piglimbungan ku sa etaw ha hurà din salà.” Ba saena ha mga agalen tuminubag, “Hurà day en labet ta ikaw dà hayana ha kasamuk.”

Mateo 27:54

Su mga sundalu daw sa kapitan dan ha migbantay ki Jesus nangahaldek gayed su magedam dan sa linug daw su maahà dan sa duma pa ha nahitabù daw nakaikagi sidan, “Laus gayed ha Batà haini hu Dios.”

Lucas 23:4

Inikagiyan dayun hi Pilato sa mga labaw ha sinaligan hu paghalad daw sa kaet-etawan, “Hurà ku naahà ha salà taini ha etaw.”

Lucas 23:41

Sikit sa daruwa angayan ha silutan ta laus ha nakasalà ki ba hurà gayed salà taini ha duma ta.”

Lucas 23:47

Su maahà ku kapitan hu mga sundalu sa nahitabù dinayè din sa Dios, “Laus gayed ha saini ha etaw hurà din salà.”

Juan 18:33

Sumineled si Pilato diyà ta balay din daw ipaatubang kandin si Jesus dayun ininsaan din, “Iyan ka ba Harì hu mga Judio?”

Juan 18:38

Ba minikagi si Pilato, “Inu en paman hayana ha kamatuuran?” Dayun sagunà guminuwà si Pilato daw inikagiyan din sa mga Judio, “Hurà ku naahà ha salà din ha angay hukuman.

Juan 19:6

Su maahà si Jesus hu mga labaw ha sinaligan hu paghalad daw hu mga bantay taena ha Timplu namangulahì sidan, “Ilansang hayan duun hu krus.” Ba inikagiyan sidan hi Pilato, “Iyan kaw en maglansang kandin ta hurà ku naahà ha salà din.”

2 Corinto 5:21

Si Cristo sa hurà din salà iyan sinilutan hu Dios tumenged hu mga salà taw ta daw pinaagi hu pagpakigsabuwa taw kandin mabuhat kuy iman hu Dios ha matareng iling kandin.

Hebreo 7:26

Si Jesus iyan tungkay labaw ha sinaligan hu paghalad ha tagkinahanglanen taw gayed ta himpit daw hurà makasaway kandin tumenged ta kenà iling hu etaw ha makasasalà daw impatangkaw haini labaw hu alan.

1 Pedro 1:19

ba iyan sa tungkay gayed mahal. Saena iyan si Cristo sa migpaagas hu langesa din ha inhalad iling hu nati hu karniru ha hurà gayed madaet duun.

1 Pedro 2:22

Saena hurà gayed makasalà daw hurà daan magbidù.

1 Pedro 3:18

Si Cristo kasabuwa dà magpakamatay daw iyan haena matareng ha migpakamatay para hu kenà matareng ta daw mabuhat kuy ha mga etaw hu Dios. Migpakamatay haena ba bubuhay pinaagi hu Balaan ha Ispiritu

1 Juan 3:5

Ba natun-an nuy en ha migdini si Jesus ta kalibutan pagpalas hu mga salà taw ta hurà din gayed bul-ug salà.