Juan 18:32 - Lalang Hu Dios

³² Nahitabù haena ta daw matuman sa inikagi su anay hi Jesus ku agkainu-inu sa kamatayen din.

Juan 18:32 Σταυροειδείς Αναφορές

Mateo 20:19

daw itugyan a daan kandan duun hu mga etaw ha kenà Judio ha iyan magtameyes daw maglagkut kanak. Dayun ilansang a kandan duun hu krus ba duun hu ikatulu ha aldaw mabanhaw a dà.”

Mateo 26:2

“Natun-an nuy ha makaduwa iman iyan en pagsaulug hu Aldaw hu Paglabay daw siak sa Batà hu Etaw itugyan a duun hu mga etaw ta daw makalansang a kandan duun hu krus.”

Marcos 10:33

ha tagyanaen, “Tagdiyà kuy en iman ta Jerusalem. Siak sa Batà hu Etaw itugyan a duun hu mga labaw ha sinaligan hu paghalad daw hu mga manunudlù hu Kasuguan. Hukuman a kandan hu kamatayen daw itugyan a daan kandan duun hu mga etaw ha kenà Judio

Juan 10:31

Su mapaliman haena hu mga Judio nangamul en paman sidan hu mga batu ta agbatuwen dan ngaay.

Juan 10:33

Tuminubag sidan, “Kenà day iyan igbatuwa ikaw sa mga belenganen ha binuhat nu ba tumenged ta tagtameyesen nu sa Dios, ta imbà ka tag-ikagiyà ha sabuwa kaw dà hu Dios ha etaw ka dà man hu ikaw?”

Juan 13:18

“Sa inikagi ku kenà mahitenged hu alan inyu ta natun-an kud sa mga henà-henà taena ha mga pinilì ku. Ba amin sabuwa inyu ha maglimbung kanak ta daw matuman sa lalang hu Dios ha tagyanaen, ‘Sa etaw ha makigsalu kanak iyan daan magkuntra kanak.’

Juan 18:31

Saena ha mga agalen hu Judio bà dà inikagiyi hi Pilato, “Uwita nuy dà diyan daw iyan kaw en maghukum kandin sumalà hu inyu ha Kasuguan.” Ba tuminubag sidan, “Hurà itugut kanay ha hukuman day sa etaw hu kamatayen.”

Juan 21:19

Saena pag-ikagi hi Jesus mahitenged hu kamatayen hi Pedro ha makadayè hu Dios. Dayun inikagiyan hi Jesus si Pedro, “Sunud ka kanak hangtud en hu kamatayen nu.”

Juan 3:14

Su duun pa si Moises hu pinakabulung-bulung ha lugar intaud din sa bunsalagan ha binuhat hu galang duun hu kayu daw ipatangkaw ta daw sa etaw ha umahà taena harì gayed matay. Iling daan taena ha sa Batà hu Etaw kinahanglan ha itaud duun hu kayu daw ipatangkaw

Juan 8:28

Aman inikagiyan sidan hi Jesus, “Siak sa Batà hu Etaw ku itaud a duun hu kayu daw ipatangkaw human nuy en kakilala ku sin-u a, daw matun-an nuy en ha hurà ku gayed mahimu hu kanak dà ha gahem ba sa tag-ikagiyen ku iyan gayed su intudlù kanak hu Dios ha Amay ku.

Mga Buhat 7:59

Su tagbatuwen dan en si Esteban mig-ampù haena ha tagyanaen, “Jesus ha Ginuu ku, dawata nu sa ispiritu ku.”

Galacia 3:13

Ba natun-an taw en ha hurà gayed makatuman hu alan ha Kasuguan. Ba bisan ku masupak taw sa Kasuguan linibri kuy hi Cristo ta iyan en haena sinilutan para kanuy pinaagi hu kamatayen din duun hu krus, ta sa insulat ha lalang hu Dios tagyanaen, “Sa etaw ha aghimatayan daw igbitay duun hu kayu sinilutan hu Dios.”