Juan 16:27 - Lalang Hu Dios

²⁷ ta palanggà kaw daan kandin tumenged ta palanggà a inyu daw tuminuu kaw ha diyà a napuun ta kandin.

Juan 16:27 Σταυροειδείς Αναφορές

Mateo 10:37

“Bisan sin-u sa tungkay din palanggà sa mga laas din daw sa mga batà din dì kanak kenà angayan ha sumusunud ku.

Juan 14:21

Bisan sin-u sa magpaliliman hu mga kasuguan ku daw magtuman taena palanggà a kandin. Saena ha tagpalanggà kanak palanggà daan hu Amay ku daw palanggà ku daan daw igpakilala ku kandin ku sin-u a.”

Juan 14:23

Tuminubag si Jesus, “Bisan sin-u sa tagpalanggà kanak tagtuman hu tigtudlù ku. Palanggaen haena hu Amay ku ta siak daw sa Amay ku diyà kay en tagtimà ta kandin.

Juan 16:30

Natun-an day en iman ha natun-an nud sa alan daw hurà en kinahanglan ha amin pa manginginsà ikaw ta daan nud natun-an sa mga ig-insà day ngaay. Aman agtuuwan day en ha duun ka gayed napuun hu Dios.”

Juan 17:23

Sidan daw siak sabuwa kay dà ta siak daw sikaw sabuwa ki dà daan. Magsabuwa sidan ta daw matun-an hu kaet-etawan ha sinugù a gayed ikaw daw palanggà nu daan sidan iling hu pagpalanggà nu kanak.

Juan 2:11

Saena ha binuhat hi Jesus diyà ta Cana ha sakup ta Galilea iyan nauna ha belenganen ha binuhat din. Pinaagi taena nakapaahà din sa pagkagamhanan din aman nakatuu kandin sa mga tinun-an din.

Juan 3:13

Amin ba nakadiyà ta langit daw luminugnà dini hu pagpanunultul hu naahà din diyà? Hurà gayed, ba siak sa Batà hu Etaw diyà a napuun.

Juan 7:29

Ba siak nakilala ku ta diyà a napuun ta kandin daw iyan daan migsugù kanak.”

Juan 8:42

Ba inikagiyan sidan hi Jesus, “Ku iyan pa amay nuy sa Dios palanggaen a ngaay inyu ta diyà a napuun ta kandin daw sa pagdini ku kenà kanak dà ha pagbayà ba sinugù a kandin.

Roma 8:3

Tumenged hu makasasalà ha kinaiya taw harì kuy pakahimu hu pagtuman hu Kasuguan, ba linuwas kuy hu Dios ta sinugù din sa Batà din ha magpakaetaw isip ha halad. Aman nalibri kuy kandin hu pagkaulipen taw hu salà

1 Corinto 15:47

Sa nauna ha Adan binuhat hu Dios pinaagi hu bugtà, ba sa ikaduwa ha iyan si Cristo diyà napuun ta langit.

1 Corinto 16:22

Silutan gayed hu Dios sa alan ha harì tagpalanggà kandin. Maayad ku laus en lumikù sa Ginuu.

2 Corinto 5:14

Sa pagpalanggà kanay hi Cristo iyan pakapadasig kanay ta natun-an day ha si Cristo migpakamatay para hu kaet-etawan daw pinaagi taena bà su alan kuy en namamatay.

Galacia 4:4

Ba su makauma en sa natugun ha panahun impadini hu Dios sa Batà din ta kalibutan ha imbatà hu bahi daw nasakup hu Kasuguan

Efeso 6:24

Sinyu sa mga suled ha hurà gayed kabalhin sa pagpalanggà nuy ki Cristo Jesus ha Ginuu taw, panalanginan kaw alan hu Dios.

1 Timoteo 1:15

Saini ha mga lalang kasaligan gayed daw kinahanglan tuuwan hu kaet-etawan ha si Cristo Jesus duminini ta kalibutan pagluwas hu mga makasasalà. Iyan a gayed labaw hu alan ha makasasalà,

Hebreo 12:6

Ta sa alan ha palanggà ku daw inisip ha batà ku agbaldengen ku gayed.”

1 Pedro 1:8

Bisan pa ku hurà nuy haena kaahà ba pinalanggà nuy daw tinuuwan nuy en, aman iyan haini adagi ha kalipay nuy ha harì en gayed agkaasuy

1 Juan 4:19

Pinalanggà taw sa Dios ta iyan nauna ha migpalanggà kanuy.

Impadayag 3:19

Sa alan ha pinalanggà ku agbaldengen ku. Aman paniguru kaw gayed daw hinulsuli sa mga madaet ha buhat nuy.

Impadayag 3:9

Su mga tagpasibù-sibù ha mga Judio ba mga sakup hi Satanas ipaluhud ku gayed duun hu atubangan nuy daw matun-an dan ha palanggà ku gayed inyu.