Juan 14:12 - Lalang Hu Dios

¹² Laus gayed sa ag-ikagiyen ku inyu ha bisan sin-u sa tumuu kanak makahimu daan hu binuhat ku, daw labaw pa sa mabuhat din tumenged ta ag-ulì ad en duun hu Dios ha Amay ku.

Juan 14:12 Σταυροειδείς Αναφορές

Mateo 21:21

Tuminubag si Jesus, “Laus gayed sa ag-ikagiyen ku inyu ha ku amin nuy pagsalig duun hu Dios daw harì kaw gayed magduwa-duwa mabaluy nuy gayed daan haini sa binuhat ku duun taini ha kayu ha igira. Daw kenà haini iyan dà ta bisan pa ku ikagiyan nuy hayana sa bubungan, ‘Agbul ka diyà ta dagat’ saena matuman gayed.

Marcos 11:13

Diyà ta kadiyuan naahà din sa kayu ha igira ha malabung gayed aman inahà din ku amin ba taena bunga. Ba su makaubay en hurà din naahà ha bunga ta kenà pa haena tingpamunga.

Marcos 16:17

Saena ha agtuu magaheman ta daw makabuhat sidan hu mga belenganen. Pinaagi hu ngaran ku makabugaw sidan hu mga busaw daw makaikagi daan sidan hu harì agkasabut ha inikagiyan.

Juan 14:28

“Napaliman nuy sa inikagi ku ha ag-awaan ku inyu ba aglikù a dà dini ta inyu. Ku palanggà a inyu mabayà-bayà kaw gayed ta ag-ulì a duun hu Amay ku ha iyan labaw dì kanak.

Juan 16:7

ba laus gayed sa ag-ikagiyen ku inyu ha sa pag-awà ku dini makapaayad inyu. Ta ku harì a umawà dini harì dumini ta inyu sa Magbubulig, ba ku umawà a suguen ku haena diyan ta inyu.

Juan 4:37

Laus gayed sa lalang ha tagyanaen, ‘Agpamegas sa sabuwa na sa sabuwa iyan aglegtay.’

Juan 5:20

Adagi tungkay sa pagpalanggà kanak hu Amay ku daw igpaahà din kanak sa alan ha tagbuhaten din. Ba labaw pa dì taini sa igpabuhat din asem kanak ha mabelengan nuy gayed.

Juan 7:33

Ba minikagi si Jesus, “Harì en tungkay malugay ag-awaan kud inyu ta ag-ulì ad en duun hu migsugù kanak.

Juan 7:39

Ta sa wahig ha sinubay din iyan sa Balaan ha Ispiritu ha agkadawat hu bisan sin-u ha tumuu ki Jesus. Ba duun taena ha panahun hurà pa iila sa Balaan ha Ispiritu ta hurà pa ligtu si Jesus diyà ta langit.

Mga Buhat 10:46

ta napaliman dan haena ha nangakaikagi hu kenà kandan ha inikagiyan daw migdayè sidan hu Dios. Dayun inikagiyan hi Pedro su mga duma din,

Mga Buhat 16:18

Pila gayed ha aldaw sa kabuhata din taena. Hurà makaantus si Pablo aman luminingì taena ha bahi daw ikagiyi su busaw, “Pinaagi hu ngaran hi Cristo Jesus agsuguen ku ikaw ha umawà ka diyan ta kandin.” Sagunà uminawà su busaw.

Mga Buhat 19:12

Bisan sa manggad ha pakaugsak diyà ta lawa hi Pablo ku ag-uwiten duun hu agkadaluwan daw duun hu pinasipalahan hu busaw agkaulian haena.

Mga Buhat 2:33

Impatangkaw haena hu Dios daw diyà impapinuu ta kawanan din. Inilahan din daan hu katenged hu pagsugù dini hu Balaan ha Ispiritu sa insaad din. Aman sa naahà nuy daw sa napaliman nuy iman iyan en pagpaulin din hu Balaan ha Ispiritu.

Mga Buhat 2:41

Madakel sa tuminuu hu inikagi hi Pedro aman binautismuwan sidan. Mga tatulu ha libu sa nakatuu ha nakaisab kandan taena ha aldaw.

Mga Buhat 4:16

Kagi dan, “In-inuwen taw man iman haini ha mga etaw? Natun-an en hu alan ha tagtimà dini ta Jerusalem sa binuhat dan ha belenganen aman harì taw en haini makalimud.

Mga Buhat 4:33

Amin gayed gahem duun hu pagpanunultul hu mga apustulis mahitenged hu pagkabanhaw hi Jesus ha Ginuu aman adagi sa panalangin kandan.

Mga Buhat 4:4

Ba sa madakel ha nakapaliman tuminuu, lalima ha libu sa kadakelen hu mga maama.

Mga Buhat 5:15

Tumenged hu binuhat ku mga apustulis pinan-uwit duun hu mga dalan sa mga agkangadaluwan ha impamahidegà duun hu duyanan daw mga banig, ta sa henà-henà dan ha ku makaagi si Pedro diyà ta kandan bisan ku alung din dà sa makalambung kandan maulian en sidan.

Mga Buhat 6:7

Aman nakalekep sa lalang hu Dios daw migdakel gayed sa mga tumutuu diyà ta Jerusalem daw madakel daan sa mga sinaligan hu paghalad ha tuminuu ki Jesus.

Mga Buhat 8:7

Madakel sa mga pigket daw sa mga minatay en sa dibaluy ha lawa dan ha nangaulian. Nakapangulahì daan sa mga busaw su bugawen din en duun hu mga etaw ha tinaguan dan.

Mga Buhat 9:34

Inikagiyan haena hi Pedro, “Eneas, bangun kad en daw luluna sa banig nu ta maulian ka hi Cristo Jesus.” Sagunà haena migbangun.

Mga Buhat 9:40

Ba impaguwà sidan hi Pedro dayun luminuhud haena hu pag-ampù. Sumininalu duun ku minatay daw ikagi, “Tabita, bangun ka.” Guminimata si Dorcas na su maahà din si Pedro mininuu dayun.

Roma 15:19

sa mga timaan daan daw sa mga belenganen ha impaahà ku pinaagi hu Balaan ha Ispiritu. Sugud ta Jerusalem payanaen en diyà ta Ilirico naniguru a gayed hu pagsangyaw hu Maayad ha Tultulanen mahitenged ki Cristo.