Juan 13:5 - Lalang Hu Dios

⁵ Dayun hinudhudan din hu wahig sa palanggana daw pangenawi sa mga paa hu mga tinun-an din daw tarapuwi taena ha tualya.

Juan 13:5 Σταυροειδείς Αναφορές

Lucas 7:38

Luminuhud su bahi ha tag-agalà diyà ki Jesus aman nalemeg sa paa hi Jesus hu mga luhà din. Tinarapuwan din sa paa hi Jesus ta buhuk din daw hadeki dayun hudhudi hu pahumut.

Lucas 7:44

Dayun uminahà si Jesus duun ku bahi daw ikagiyi si Simon, “Naahà nu ba haini sa bahi? Sumineled a dini ta balay nu ba hurà nu buhata sa sumalà ha naanadan taw. Hurà a ikaw ilahi hu wahig ha ighenaw ku ta paa ku, ba saini ha bahi hinenawan din sa paa ku hu luhà din daw tinarapuwan din ta buhuk din.

Juan 13:10

Tuminubag si Jesus, “Saena ha nakaglanguy en kinahanglan ha iyan dà henawan sa paa din ta limpyu en sa lawa din. Nalimpyuwan kaw en ba amin sabuwa inyu ha mahugaw pa.”

Juan 13:6

Su mauma din en si Simon Pedro saena minikagi diyà ta kandin, “Ginuu, aghenawan nu ba daan sa paa ku?”

Juan 13:8

Minikagi si Pedro, “Harì mahimu ha iyan ka maghenaw ta paa ku.” Ba inikagiyan hi Jesus, “Ku harì ku mahenawan sa paa nu kenà kud en ikaw sumusunud.”

Juan 19:34

Ba amin sabuwa ha sundalu ha dinughang din hu bangkaw sa kilid hi Jesus, aman sagunà tuminulù duun sa langesa daw sa wahig.

Mga Buhat 22:16

Iman harì kad tagyawat. Panayù ka hu pasaylu duun hu Dios hu mga salà nu daw magpabautismu kad.’

1 Corinto 6:11

Sa duma inyu agkailing taini su anay. Ba iman nahenawan en sa mga salà nuy daw himpit kaw en iman ha etaw hu Dios. Nabuhat kaw daan ha matareng pinaagi ki Cristo Jesus ha Ginuu daw hu Balaan ha Ispiritu ha sinugù hu Dios.

Efeso 5:26

ta daw mabuhat kuy kandin ha mga etaw hu Dios ta nalimpyuwan kuy kandin pinaagi hu wahig daw hu lalang din.

1 Timoteo 5:10

Nakilala en ha maayad sa mga buhat din ta inalimahan din gayed sa mga batà daw matanul daan hu mga langyaw, mapainubsanen pagbulig hu mga tumutuu daw agbuligan din daan sa taglised daw iyan din dà gayed tagbuhaten sa maayad.

Hebreo 10:22

umubay kuy iman duun hu Dios pinaagi hu laus ha pagsimba daw kenà duwa-duwa ha pagtuu tumenged ta nalimpyu en sa henà-henà taw daw nabautismuhan kuy en ha iyan timaan taena.

1 Juan 1:7

Ba ku sa tagbuhaten taw iyan sa mga buhat duun hu kapawaan ha duun daan sa Dios amin taw pakigdapità daw sigi kuy taglimpyuwi duun hu mga salà taw pinaagi hu langesa hi Jesus sa Batà din.

1 Juan 5:6

Si Cristo Jesus duminini ta kalibutan daw nakilala taw haena pinaagi hu kabautismuhi kandin diyà ta wahig daw hu uminagas ha langesa din duun hu krus.

Impadayag 7:14

Saena tinubag ku, “Ikagiya nu kanak ta harì ku agkatun-an.” Dayun inikagiyan a kandin, “Sayana ha mga etaw iyan su nakaagi hu pinakahaluhaldek ha kasamukan diyà ta kalibutan. Maputì sa bisti dan ta hinenawan en hu langesa taena ha Nati ha Karniru.