Juan 13:34 - Lalang Hu Dios

³⁴ “Amin ku bag-u ha kasuguan inyu ha iyan sa magpinalanggaay kaw. Iling hu kanak ha pagpalanggà inyu kinahanglan ha magpinalanggaay kaw daan.

Juan 13:34 Σταυροειδείς Αναφορές

Mateo 5:44

Ba ikagiyen ku inyu ha palanggaa sa mga kuntra nuy daw iampù nuy haena sa tagpasipala inyu

Juan 15:17

Iyan haini igsugù ku inyu ha kinahanglan magpinalanggaay kaw gayed.

Juan 17:21

Amay ku, tig-ampù ku haena ta daw masabuwa dà sidan iling ha nasabuwa ki daan. Masabuwa sidan dini ta kanit ta daw makatuu sa kaet-etawan ha sinugù a gayed ikaw.

Roma 12:10

Magpinalanggaay kaw isip ha migsusuled daw magpatahud-tahurà kaw gayed.

Roma 13:10

Sa amin din pagpalanggà harì tagpasipala hu duma din, aman sa pagpalanggà iyan igkatuman hu alan ha Kasuguan.

Roma 13:8

Bayari nuy sa utang nuy ta daw harì nuy en haena mahenhenaan, ba sa pagpinalanggaay harì nuy gayed aglipati ta sa tagpalanggà hu duma din nakatuman hu Kasuguan.

Galacia 5:22

Ba agkakilala taw daan sa tagbayaan hu Balaan ha Ispiritu ta amin din pagpalanggà duun hu mga duma din daw dayun dà malipayen daw malinawen daan, mapailuben daw mahid-uwen, buutan daw matinumanen,

Galacia 5:6

Ta ku makigsabuwa kuy en ki Cristo Jesus sa pigsirkunsidahan daw sa hurà, mig-iling dà duun hu Dios. Iyan dà mahinengdanen sa pagtuu taw ki Cristo daw sa pagpinalanggaay taw ha iyan timaan taena.

Galacia 6:10

Aman duun hu bisan inu ha higayun buhaten taw sa maayad duun hu bisan sin-u labi en duun hu suled taw hu pagtuu.

Galacia 6:2

Magbinuligà kaw gayed duun hu mga kasamukan nuy ta pinaagi taena matuman nuy sa kasuguan hi Cristo.

Efeso 5:2

daw magpinalanggaay kaw gayed iling ha si Cristo pinalanggà kuy kandin daw migpakamatay para kanuy na sa kamatayen din iling hu mahumut ha inhalad duun hu Dios.

Colosas 1:4

ta napaliman day sa mabis-ay ha pagtuu nuy ki Cristo Jesus daw sa pagpalanggà nuy hu alan ha mga tumutuu.

1 Tesalonica 3:12

Ipaiseg hu Ginuu sa pagpalanggà hu mga duma nuy daw duun hu alan iling hu pagpalanggà day inyu

2 Tesalonica 1:3

Mga suled, kinahanglan gayed ha sigi kuy magpasalamat duun hu Dios mahitenged inyu tumenged ta tag-iseg pa gayed sa pagtuu daw sa pagpinalanggaay nuy.

Hebreo 13:1

Mga suled, dayuna nuy sa pagpinalanggaay nuy isip ha migsusuled kaw duun hu pagtuu.

Santiago 2:8

Ku tumanen nuy sa insulat ha lalang hu Dios ha tagyanaen, “Palanggaa sa duma nuy iling hu pagpalanggà nuy hu kaugalingen nuy” saena maayad gayed.

1 Pedro 1:22

Iman nahimpit kaw en pinaagi hu pagkamatinumanen nuy hu kamatuuran ta daw laus gayed sa pagpalanggà nuy duun hu mga duma nuy. Aman ipaiseg gayed sa pagpinalanggaay nuy

2 Pedro 1:7

sa pagkamaluluy-en isip ha migsusuled kaw daw sa pagpalanggà duun hu bisan sin-u.

1 Juan 3:11

Iyan haini napaliman nuy su anay kaw makatuu sa kinahanglan ha magpinalanggaay kuy gayed.

1 Juan 3:23

Iyan haini sugù kanuy hu Dios sa tuuwan taw si Cristo Jesus ha Batà din daw magpinalanggaay kuy ta iyan daan haini sugù kanuy su anay hi Jesus.

1 Juan 4:21

Iyan haini sugù kanuy hu Dios ha bisan sin-u ha tagpalanggà hu Dios kinahanglan daan ha magpalanggà hu mga duma din.

2 Juan 1:5

Saini ha insulat ku diyan ta inyu iman kenà bag-u ha sugù ta napaliman taw en haini su anay kuy makatuu ki Jesus ha magpinalanggaay kuy gayed.