Juan 13:13 - Lalang Hu Dios

¹³ Iyan nuy tig-umaw kanak sa Manunudlù daw Ginuu na laus gayed hayana.

Juan 13:13 Σταυροειδείς Αναφορές

Mateo 20:28

Bisan siak sa Batà hu Etaw kenà ku iyan indini ta kalibutan ta daw mabuligan a hu mga etaw, ba sa pagdini ku iyan sa pagbulig daw sa pagpakamatay ta daw malibri sa kaet-etawan ha naulipen hu salà.”

Lucas 10:28

Dayun minikagi si Jesus, “Laus hayan aman buhata haini daw amin nu kinabuhì ha hurà din katapusan.”

Lucas 6:46

“Imbà a inyu tagngarani ha Ginuu nuy ba harì kaw agtuu hu igsugù ku inyu?

Lucas 7:43

Tuminubag si Simon, “Iyan gid haena sa adagi sa sambay din ha linipatan.” Tuminubag daan si Jesus, “Laus hayan.”

Juan 11:2

Saini ha Maria ha agkadaluwan sa suled din ha maama iyan su bahi ha mighudhud hu pahumut duun hu paa hi Jesus daw tarapuwi ta buhuk din.

Juan 11:28

Su maikagi haena hi Marta luminikù diyà ta balay dan daw muymuyahi si Maria, “Tagdini en labi sa Manunudlù na dumiyà ka kun ta kandin.”

Juan 11:3

Pinaelegan ku daruwa ha bahi si Jesus daw ikagiyi, “Ginuu, agkatungkayan hu dalu sa palanggà nu ha amigu.”

1 Corinto 12:3

Aman ikagiyen ku inyu ha sa etaw ha inulinan hu Balaan ha Ispiritu ha sinugù hu Dios, harì mabaluy ha magpasipala ki Jesus. Daw hurà daan bisan sin-u ha makaikagi ha si Jesus na Ginuu taw ku hurà daan ulini hu Balaan ha Ispiritu.

1 Corinto 8:6

ba natun-an taw en ha sa Dios sabuwa dà gayed. Saena iyan Amay taw ha migtanghagà hu alan daw iyan sinimba taw. Amin daan sabuwa dà ha Ginuu taw ha iyan si Cristo Jesus. Pinaagi kandin tinanghagà sa alan daw iman amin taw bag-u ha kinabuhì.

Efeso 6:9

Sinyu sa mga agalen, iling daan taena pandayai gayed sa mga suluguen nuy. Harì sidan aghulgaa ta natun-an nuy ha sinyu daw sa mga suluguen amin nuy daan Agalen diyà ta langit ha hurà din igpalabi.

Filipos 2:11

daw sa alan makaikagi ha si Cristo Jesus na Ginuu gayed hu alan daw pinaagi taena madayè sa Dios ha Amay din.

Filipos 3:8

Laus gayed ha sa alan iman inisip kud ha hurà din en pulus ta nailisan en haena hu labaw pa kamahal ha iyan sa pagpakatuen ku mahitenged ki Cristo Jesus ha Ginuu ku. Tumenged kandin inendaan ku sa alan daw inisip ku haena ha bà dà mga putput ta daw maangken ku si Cristo

Santiago 2:19

Ku agtuu ka ha sa Dios sabuwa dà laus hayan, ba kenà pa hustu ha pagtuu ta bisan sa mga busaw agtuu daan daw aghugdunan sidan hu kahaldek dan.