Juan 12:23 - Lalang Hu Dios

²³ Tuminubag si Jesus, “Iyan en haini natugun ha panahun ha dayeen a siak sa Batà hu Etaw.

Juan 12:23 Σταυροειδείς Αναφορές

Mateo 25:31

“Siak sa Batà hu Etaw ku lumikù a dini ha tagpangaluanlag duma hu alan ha mga balinsuguen hu Dios minuu a duun hu trunu.

Mateo 26:45

Dayun linikuan din dà paman sa mga tinun-an din daw ikagiyi sidan, “Tagtidugahà kaw pa ba diay? Ahaa nuy, iyan en haini panahun ha siak sa Batà hu Etaw itugyan ad en duun hu mga makasasalà ha etaw.

Marcos 14:35

Su makadiyà en si Jesus ta unahan luminuhud daw dunghuy diyà ta bugtà daw mig-ampù ha tagyanaen, “Amay ku, agkahimu nu sa alan. Ku mabaluy ngaay harì a ikaw ipaagi duun taini ha mga alantusen. Ba iyan sa ikaw ha pagbayà matuman kenà iyan sa kanak.”

Marcos 14:41

Duun hu ikatulu ha paglikù din diyà ta kandan inikagiyan din sidan, “Tagtidugahà kaw pa ba diay? Pukaw kaw en ta iyan en haini panahun ha siak sa Batà hu Etaw itugyan ad en duun hu mga makasasalà ha etaw.

Juan 12:16

Duun taena ha panahun hurà katun-i hu mga tinun-an din sa kahulugan taena ha tagnà. Ba su lumikù en si Jesus diyà ta langit human dan natun-i ha saena ha insulat mahitenged man diay kandin daw natuman haena diyà ta kandin.

Juan 12:27

“Iman masakit tungkay sa gahinawa ku, ba harì mahimu ha hangyuen ku sa Dios ha Amay ku ha harì a kandin ipaagi duun hu tagsalapen ku ha tungkay malegen ta iyan indini ku ta kalibutan ta daw matuman haena.”

Juan 13:1

Su harì pa agsaulugen sa Aldaw hu Paglabay natun-an hi Jesus ha madani en sa natugun ha panahun ha ag-awà dini ta kalibutan ta ag-ulì en duun hu Dios ha Amay din. Pinalanggà din sa mga sumusunud din aman iman igpaahà din ku inu kaadagi sa pagpalanggà din kandan.

Juan 7:39

Ta sa wahig ha sinubay din iyan sa Balaan ha Ispiritu ha agkadawat hu bisan sin-u ha tumuu ki Jesus. Ba duun taena ha panahun hurà pa iila sa Balaan ha Ispiritu ta hurà pa ligtu si Jesus diyà ta langit.