Juan 11:43 - Lalang Hu Dios

⁴³ Su makapenga en haena mag-ampù uminikagi hu madaging, “Lazaro, guwà ka duun tayan.”

Juan 11:43 Σταυροειδείς Αναφορές

Marcos 4:41

Sa mga tinun-an tungkay gayed nangahaldek daw migpainsaay, “Inu gid haini ha etawa ha bisan sa kalamag daw mga baled agtuu kandin?”

Juan 11:42

Natun-an ku ha dayun ka dà tagpaliliman kanak, ba tumenged taini ha mga etaw ha tagtiyadeg dini inikagi ku haini ta daw makatuu sidan ha sinugù a gayed ikaw dini ta kalibutan.”

Juan 11:44

Sagunà guminuwà si Lazaro ha nabungkusan pa sa lawa din hu maputì ha manggad daw nabungkusan daan sa weleng din hu panyù. Aman inikagiyan sidan hi Jesus, “Badbadi nuy hayana ta daw makahipanaw.”

Juan 12:1

Su haenem pa ha aldaw daw human agsauluga sa Aldaw hu Paglabay duminiyà si Jesus ta Betania ha tagtimaan hi Lazaro sa pigbanhaw din.

Juan 12:9

Su mapaliman hu madakel ha mga Judio ha si Jesus diyà ta Betania namandiyà dayun sidan. Ba sa tuyù dan kenà iyan dà si Jesus ba agsusiyen dan ku laus ba ha nabanhaw si Lazaro.

Mga Buhat 3:12

Su maahà hi Pedro su mga etaw inikagiyan din, “Sinyu sa mga duma ku ha kaliwat hi Israel, imbà nuy haini agkabelengi daw imbà kaw tag-ahaay dini ta kanay? Abi nuy gid ha pinaagi hu kanay ha pagkamatareng daw gahem sa impakahipanaw taini.

Mga Buhat 3:6

Ba inikagiyan haena hi Pedro, “Hurà day salapì ba ku inu sa dini ta kanay iila day ikaw. Aman pinaagi hu ngaran hi Cristo Jesus ha taga-Nazareth hipanaw ka.”

Mga Buhat 9:34

Inikagiyan haena hi Pedro, “Eneas, bangun kad en daw luluna sa banig nu ta maulian ka hi Cristo Jesus.” Sagunà haena migbangun.

Mga Buhat 9:40

Ba impaguwà sidan hi Pedro dayun luminuhud haena hu pag-ampù. Sumininalu duun ku minatay daw ikagi, “Tabita, bangun ka.” Guminimata si Dorcas na su maahà din si Pedro mininuu dayun.