Juan 10:4 - Lalang Hu Dios

⁴ Ku humipanaw en sidan diyà ta guwà iyan tag-una sa magbalantay daw sa mga karniru aglupug kandin ta agkakilala dan en sa lageng taena.

Juan 10:4 Σταυροειδείς Αναφορές

Mateo 16:24

Dayun inikagiyan hi Jesus sa mga tinun-an din, “Bisan sin-u sa agkabayà agsunud kanak kinahanglan ha lipatan din gayed sa kandin ha agkabayaan daw antusen din sa alan ha mga malegen bisan duun hu kamatayen ta daw makasunud kanak.

Juan 10:16

Amin ku pa mga karniru ha hurà pa makaseled duun hu alad. Kinahanglan ha igpaseled ku pa daan sidan. Magpaliliman daan sidan kanak dayun makag-amulà dà sidan daw sabuwa a dà sa magbalantay dan.

Juan 10:27

Sa kanak ha karniru tagpaliliman hu lageng ku. Agkakilala ku sidan daw aglupug sidan kanak.

Juan 10:3

Saena igpaseled hu bantay hu pultahan daw agpalilimanan hu mga karniru sa lageng din. Umawen din sa mga ngaran taena ha mga karniru daw igpaguwà din sidan.

Juan 10:5

Harì gayed sidan lumupug hu lain ha etaw ta bà dan dà haena agpulaguyi tumenged ta harì dan agkakilala.”

Juan 10:8

Amin nauna dì kanak ba mga takaw sidan aman sa mga karniru hurà magpaliliman kandan.

Juan 12:26

Bisan sin-u sa agkabayà ha mahimu ha suluguen ku kinahanglan ha lumupug kanak daw bisan ku hindu a, duun en daan haena. Sa magtuman hu mga sugù ku madayè gayed hu Dios ha Amay ku.

Juan 13:15

Ta saena binuhat ku diyan ta inyu ta daw mailingan nuy.

Juan 18:37

Minikagi si Pilato, “Ku iyan hayan harì ka gayed diay.” Si Jesus tuminubag, “Laus sa inikagi nu ta siak Harì a gayed. Iyan hayana indini ku ta kalibutan ha migpakaetaw a ta daw matun-an hu kaet-etawan sa kamatuuran. Bisan sin-u sa agkabayà ha makatuen hu kamatuuran tagpaliliman kanak.”

Juan 3:29

Sa agpangasawa iyan gayed pakaangken hu ag-asawahen din. Sa amigu din tag-angat kandin daw agkabayà-bayà ku mapaliman din sa lageng taena ha agpangasawa. Iling daan taena sa kalipay ku iman.

1 Corinto 11:1

Aman ilingan a inyu iling ha inilingan ku daan si Cristo.

Efeso 5:1

Tumenged ta mga batà kaw hu Dios ha pinalanggà din ilingan nuy

Hebreo 12:2

Iyan taw dà gayed saligan si Jesus sa puunaan daw sa igkahimpit hu pagtuu taw, ta inantus din sa kalansanga kandin duun hu krus daw hurà gayed kagayhà taena tumenged hu kalipay din ku maiwas en haena. Iman duun tagpinuu hu kawanan hu Dios.

1 Pedro 2:21

Iyan en haini agkaul-ulahan taena ha hinimu hu Dios ha tumutuu, ta si Cristo mig-antus para kanuy daw iyan sampitan ha tagsunuren taw iman.

1 Pedro 4:1

Tumenged ta si Cristo mig-antus gayed mangandam kaw daan hu alan ha alantusen, ta sa etaw ha tag-antus harì en taghenà-henà hu pagbuhat hu salà.

1 Pedro 5:3

kenà daan pagpalabaw hu mga kaugalingen nuy duun hu mga etaw ha insalig inyu ba kinahanglan ha maayad kaw ha sampitan diyà ta kandan.