Juan 1:45 - Lalang Hu Dios

⁴⁵ Aman sagunà inelegan hi Felipe si Natanael daw ikagiyi, “Naahà day en haena sa etaw ha sinubay hu mga prupita daw sa sinubay daan hi Moises duun hu Kasuguan. Iyan haena si Jesus sa batà hi Jose ha taga-Nazareth.”

Juan 1:45 Σταυροειδείς Αναφορές

Mateo 10:3

si Felipe daw si Bartolome, si Tomas daw si Mateo sa manunukut hu buhis, si Santiago sa batà hi Alfeo daw si Tadeo,

Mateo 13:55

Kenà ba batà man hayana hu panday daw sa inay din iyan man si Maria, sa mga suled din iyan si Santiago daw si Jose, si Simon daw si Judas,

Mateo 2:23

dayun diyà en sidan migtimà ta banuwa ha tagngaranan ta Nazareth. Pinaagi taena natuman sa inikagi hu mga prupita ha si Jesus ngaranan ha taga-Nazareth.

Mateo 21:11

Tuminubag haena sa namanduma ki Jesus, “Iyan en haini si Jesus ha prupita ha diyà napuun ta Nazareth ha sakup ta Galilea.”

Marcos 14:67

Su maahà din si Pedro ha taghidadang pigtengtengan din haena daw ikagiyi, “Iyan ka man diay duma hi Jesus ha taga-Nazareth.”

Marcos 6:3

Kenà ba batà hayana hu panday daw sa inay din iyan man si Maria, sa mga suled din iyan si Santiago daw si Jose, si Judas daw si Simon, daw dini dà daan tagtimà sa mga atebay din?” Tumenged taena hurà dan dawata sa intudlù din.

Lucas 18:37

Inikagiyan dan, “Ag-agi en dini si Jesus ha taga-Nazareth.”

Lucas 2:4

Si Jose sa diyà napuun ta Nazareth ha sakup ta Galilea duminiyà daan ta Bethlehem ha sakup ta Judea ta sa Bethlehem iyan banuwa ha duun imbatà si David sa gin-apuan din.

Lucas 2:48

Su maahà en haena hi Jose daw hi Maria nangabeleng gayed sidan. Aman inikagiyan hi Maria, “Imbà nu buhata haini dini ta kanay ta sikay ki Jose nasamukan gayed hu pagpan-ahaay ikaw?”

Lucas 24:27

Dayun insaysay hi Jesus diyà ta kandan sa mahitenged hu kaugalingen din ha nakasulat duun hu lalang hu Dios pinaagi ki Moises daw hu alan ha mga prupita.

Lucas 24:44

Inikagiyan din sidan, “Iyan en haini inikagi ku inyu su anay ha tagduma-dumahà kuy ha kinahanglan matuman gayed sa alan ha nakasulat mahitenged kanak duun hu Kasuguan hi Moises daw hu mga insulat hu prupita daw duun hu mga Salmo.”

Lucas 3:23

Su katluan en sa tuig hi Jesus suminugud haena hu pagtudlù. Sumalà hu paghenà-henà hu mga etaw si Jesus iyan batà hi Jose. Si Jose batà hi Heli.

Lucas 4:22

Sa alan ha nakapaliman kandin migdayè kandin daw nabeleng daan sidan hu maayad ha lalang hi Jesus aman nanginginsà sidan, “Kenà ba batà dà man hayana hi Jose?”

Juan 1:44

Si Felipe taga-Bethsaida ha tagtimaan daan hi Andres daw hi Pedro.

Juan 12:21

Hinangyù dan si Felipe sa taga-Bethsaida ha sakup ta Galilea hu kagi dan, “Agkabayà kay pakiglalang ki Jesus.”

Juan 14:8

Minikagi si Felipe, “Ginuu, ipaahà nu kanay sa Dios ha Amay nu. Iyan dà haini agkinahanglanen day.”

Juan 18:5

Tuminubag sidan, “Iyan si Jesus ha taga-Nazareth.” Inikagiyan sidan hi Jesus, “Iyan ad en su tagpan-ahaen nuy.” Si Judas ha iyan taglimbung kandin duma en daan kandan.

Juan 18:7

Aman inisaban sidan ininsaan hi Jesus, “Sin-u man diay sa tagpan-ahaen nuy?” Tuminubag gihapun sidan, “Iyan labi si Jesus ha taga-Nazareth.”

Juan 19:19

Sa sampaw ta ulu hi Jesus pinasulatan hi Pilato, “Si Jesus ha taga-Nazareth sa Harì hu mga Judio.”

Juan 21:2

Naamul diyà si Simon Pedro daw si Tomas ha tagngaranan hu Saleping, si Natanael ha taga-Cana ha sakup ta Galilea daw sa daruwa ha batà hi Zebedeo, daw amin pa daan daruwa ha tinun-an hi Jesus.

Juan 6:42

Minikagi sidan, “Kenà ba iyan haini si Jesus ha batà hi Jose? Daw agkakilala day dà daan sa amay daw sa inay din. Imbà tag-ikagiyà ha diyà napuun ta langit?”

Juan 6:5

Su maghelaw-helaw si Jesus naahà din sa kaet-etawan ha tagdiyà ta kandan aman ininsaan din si Felipe, “Hindu kuy gid makatimù hu igpakaen taw tayana ha mga etaw?”

Juan 6:7

Ba tuminubag si Felipe, “Bisan pa pila ha gatus sa ipalit taw hu supas daw ilahan taw sidan hu tig-atiyù ba harì pa gayed sidan tukidan.”

Mga Buhat 10:38

ha pigpaulinan hu Dios si Jesus ha taga-Nazareth hu Balaan ha Ispiritu daw ginaheman din. Aman migduun-duun si Jesus hu mga banuwa daw binuligan din sa taglised daw naulian din daan sa pinasipalahan hi Satanas ta sa Dios tagduma gayed kandin.

Mga Buhat 2:22

“Sinyu sa mga duma ku ha kaliwat hi Israel, palilimani nuy haini sa ag-ikagiyen ku ha si Jesus sa taga-Nazareth sinugù hu Dios. Sa timaan taena iyan sa pagkagamhanan din daw sa mga belenganen ha impabuhat kandin hu Dios. Natun-an nuy en haini ta nahitabù en diyan ta inyu.

Mga Buhat 22:8

“Aman tuminubag a, ‘Sin-u ka man, Ginuu?’ “Dayun uminikagi haena, ‘Iyan a si Jesus ha taga-Nazareth sa tagpasipalahan nu.’

Mga Buhat 26:9

“Su anay abi ku daan ha agkabayaan hu Dios ha buhaten ku sa pagpasipala taena ha mga etaw ha tuminuu ki Jesus ha taga-Nazareth.

Mga Buhat 3:6

Ba inikagiyan haena hi Pedro, “Hurà day salapì ba ku inu sa dini ta kanay iila day ikaw. Aman pinaagi hu ngaran hi Cristo Jesus ha taga-Nazareth hipanaw ka.”