Juan 1:34 - Lalang Hu Dios

³⁴ Iman naahà kud daw maikagi kud en inyu ha iyan gayed haini Batà hu Dios.”

Juan 1:34 Σταυροειδείς Αναφορές

Mateo 11:27

Dayun minikagi si Jesus duun hu mga etaw, “Insalig en kanak hu Dios ha Amay ku sa alan. Iyan dà haena nakakilala kanak daw iyan a dà daan nakakilala kandin daw iyan dà daan sa mga etaw ha agkabayaan ku ha makakilala kandin.

Mateo 16:16

Tuminubag si Simon Pedro, “Iyan ka su Misiyas sa Batà hu bubuhay ha Dios.”

Mateo 17:5

Su tag-ikagi pa si Pedro amin tagpangaluanlag ha gabun ha nakabungkus kandan, daw amin lageng ha napuun duun ku gabun ha tagyanaen, “Iyan en haini pinalanggà ku ha Batà ha tigkabayà-bayà ku. Magpaliliman kaw kandin.”

Mateo 26:63

Ba si Jesus hurà en magtubag. Minikagi dà paman su tungkay labaw ha sinaligan hu paghalad, “Duun hu atubangan hu Dios ha bubuhay ipanumpà nu daw ikagiyi kay ku iyan kad ba su Misiyas ha Batà hu Dios.”

Mateo 27:40

“Kagi nu man ha agkagasen nu sa Timplu ta agbalayen nu dà duun hu tatulu ha aldaw. Ku laus ka ha Batà hu Dios libriya sa kaugalingen nu daw lugnà ka duun tayan ha krus.”

Mateo 27:43

Iyan man kun hayan Batà hu Dios daw tagsalig duun hu Amay din. Aman ku agkabayaan hu Dios ipalibri en kandin.”

Mateo 27:54

Su mga sundalu daw sa kapitan dan ha migbantay ki Jesus nangahaldek gayed su magedam dan sa linug daw su maahà dan sa duma pa ha nahitabù daw nakaikagi sidan, “Laus gayed ha Batà haini hu Dios.”

Mateo 3:17

Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Mateo 4:3

Dayun si Jesus inubayan hu Manunulay daw ikagiyi, “Ku Batà ka hu Dios ikagiyi haini sa mga batu ha mabuhat ha supas.”

Mateo 4:6

daw ikagiyi, “Ku Batà ka hu Dios sabay ka duun taini ta sa insulat ha lalang hu Dios tagyanaen, ‘Suguen hu Dios sa mga balinsuguen din hu pagbantay ikaw daw tamuken ka kandan ta daw harì ka mabugel.’”

Mateo 8:29

nakapangulahì sidan ha tagyanaen, “Inu sa labet nu kanay sikaw sa Batà hu Dios? Agpasipalahan kay ba ikaw iman bisan ku kenà pa haini panahun?”

Marcos 1:1

Iyan haini puunaan hu Maayad ha Tultulanen mahitenged ki Cristo Jesus sa Batà hu Dios.

Marcos 1:11

Amin lageng ha napuun diyà ta langit ha tagyanaen, “Iyan ka gayed pinalanggà ku ha Batà ha tigkabayà-bayà ku.”

Lucas 1:35

Ba inikagiyan hu balinsuguen, “Mabedes ka pinaagi hu Balaan ha Ispiritu daw sa gahem hu Dios ha Magbabayà hu alan iyan mag-ulin ikaw. Iyan haini hinengdan ha sa batà nu asem ngaranan ha balaan ha Batà hu Dios.

Lucas 3:22

daw migbulus diyà ta kandin sa Balaan ha Ispiritu ha agkailing hu salapati. Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Juan 1:18

Hurà gayed etaw ha nakaahà hu Dios, ba sa bugtung ha Batà din ha dayun dà tagduma kandin iyan migpakilala kanuy hu Amay din.

Juan 1:49

Dayun uminikagi si Natanael, “Manunudlù, iyan ka gayed Batà hu Dios. Iyan ka haena sa tagsalapen day ha magharì hu mga kaliwatan hi Israel.”

Juan 10:30

Siak daw sa Amay ku sabuwa kay dà.”

Juan 10:36

imbà nuy agkaikagi ha tagtameyesen ku sa Dios ku ikagiyen ku ha Batà a kandin sa labaw a pa man dì kandan ta pinilì a hu Dios ha impadini ta kalibutan?

Juan 11:27

Tuminubag si Marta, “Hee, Ginuu, agtuu a ha iyan ka su Misiyas ha Batà hu Dios ha intagnà ha dumini ta kalibutan.”

Juan 19:7

Saena ha mga etaw minikagi, “Sumalà hu kanay ha Kasuguan kinahanglan ha himatayan hayana ta tag-ikagiyà ha Batà kun hu Dios.”

Juan 20:28

Dayun nakaikagi si Tomas, “Ginuu daw Dios ku.”

Juan 20:31

Ba insulat haini ta daw makatuu kaw ha si Jesus iyan su Misiyas ha Batà hu Dios, daw pinaagi hu pagtuu nuy kandin mailahan kaw gayed hu kinabuhì ha hurà din katapusan.

Juan 6:69

Iman agtuu kay ikaw ta natun-an day ha iyan ka su sinugù hu Dios.”

2 Corinto 1:19

Ta si Cristo Jesus sa Batà hu Dios ha insangyaw day ki Silas daw ki Timoteo kasaligan gayed daw harì tagbidù

Hebreo 7:3

Sa kapuun hi Melchizedek hurà katun-i daw sa mahitenged hu kamatayen din. Iling hu Batà hu Dios ha hurà din puunaan daw sa pagkasinaligan din hu paghalad harì en agkatapus.

1 Juan 2:23

Sa etaw ha harì agtuu hu Batà hu Dios harì daan pakakilala hu Dios ha Amay taw, ba sa etaw ha tumuu hu Batà hu Dios pakakilala hu Dios ha Amay taw.

1 Juan 3:8

Ba sa etaw ha tagpadayun duun hu salà sakup hi Satanas ta si Satanas tagpadayun duun hu salà sugud dà su anay. Sa hinengdan ha duminini sa Batà hu Dios ta kalibutan iyan sa daetan din sa mga buhat hi Satanas.

1 Juan 4:9

Impaahà kanuy hu Dios ha palanggà kuy kandin ta impadini din ta kalibutan sa sabubuwa dà ha Batà din ta daw mailahan kuy kandin hu kinabuhì ha hurà din katapusan.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.

2 Juan 1:9

Bisan sin-u sa harì dumayun duun hu katudluanan hi Cristo suminuway duun hu Dios, ba saena ha tagpadayun duun taena ha katudluanan iyan nakigsabuwa duun hu Dios ha Amay taw daw hu Batà din.

Impadayag 2:18

“Isulat nu daan haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Tiatira, ‘Iyan a su Batà hu Dios ha sa mata ku bà su hapuy ha tagkalegdeg daw sa paa ku iling hu galang ha tagsinlang. Taini sa mga lalang ku inyu.