Juan 1:1 - Lalang Hu Dios

¹ Su hurà pa tanghagaa sa bisan inu duduun en haena sa tagngaranan hu Lalang, daw sa Lalang iyan duma hu Dios ha iling din dà daan.

Juan 1:1 Σταυροειδείς Αναφορές

Mateo 1:23

“Amin asem mabedes ha laga ha sa batà din maama daw sa ingaran duun Emanuel” ha sa kahulugan taena, “Uminamul en kanuy sa Dios.”

Lucas 24:53

Aldaw-aldaw agdiyà sidan ta Timplu hu pagdayè hu Dios.

Juan 1:14

Saena ha Lalang migpakaetaw daw uminamul kanuy hu mababà ha panahun. Naahà day sa pagkagamhanan ha in-ila kandin hu Dios ha Amay din tumenged ta iyan bugtung ha Batà din. Saena maluluy-en gayed daw natun-an taw en diyà ta kandin sa kamatuuran.

Juan 1:18

Hurà gayed etaw ha nakaahà hu Dios, ba sa bugtung ha Batà din ha dayun dà tagduma kandin iyan migpakilala kanuy hu Amay din.

Juan 1:2

Su hurà pa tanghagaa sa bisan inu sa Lalang duduun en duma hu Dios.

Juan 16:28

Duminini a ta kalibutan ba duun a napuun hu Dios ha Amay ku. Iman ag-awaan ku haini sa kalibutan ta ag-ulì a duun hu Amay ku.”

Juan 17:5

Iman, Amay ku himayaa a duma ikaw mailing hu himaya su diyan a pa ta ikaw su hurà pa daan tanghagaa sa kalibutan.

Juan 20:28

Dayun nakaikagi si Tomas, “Ginuu daw Dios ku.”

Juan 8:58

Tuminubag si Jesus, “Laus gayed sa ag-ikagiyen ku inyu ha su hurà pa ibatà si Abraham duduun ad en.”

Roma 9:5

Mga bantugan daan sa mga gin-apuan dan daw bisan su magpakaetaw si Cristo imbatà ha Judio. Aman dayeen hu hurà din katapusan si Cristo sa Dios ha iyan labaw hu alan.

Efeso 3:9

Pinilì a daan kandin hu pagpasabut duun hu kaet-etawan mahitenged hu katumanan taena ha henà-henà hu Dios. Sa Dios ha iyan migtanghagà hu alan miglilung taena sugud dà su anay

Filipos 2:6

Bisan pa ku Dios haena ba hurà din henà-henaa ha makigtepeng hu Dios

Colosas 1:15

Si Cristo Jesus iyan migpadayag hu harì agkaahà ha Dios daw iyan daan tagbayà hu alan ha mga tinanghagà.

Colosas 1:17

Si Cristo duduun en su hurà pa tanghagaa sa bisan inu daw iyan daan taggahem hu alan.

1 Timoteo 3:16

Laus gayed ha labaw pa hu alan sa kamatuuran ha impadayag dini ta kanuy daw iyan tagtuuwan taw. Si Cristo Jesus migpakaetaw daw saini pigtistigusan hu Balaan ha Ispiritu ha matareng. Nakilala daan hu mga balinsuguen hu Dios daw luminigtu diyà ta langit hu pagharì. Intultul daan duun hu alan ha kaet-etawan daw tinuuwan dini ta tibuuk kalibutan.

Tito 2:13

Buhaten taw haena iman ha tag-angat kuy pa hu pagdini hu gamhanan ha Dios ha si Cristo Jesus sa Manluluwas taw

Hebreo 13:8

Si Cristo Jesus harì agkabalhin sugud dà su anay iman daw duun hu hurà din katapusan.

Hebreo 7:3

Sa kapuun hi Melchizedek hurà katun-i daw sa mahitenged hu kamatayen din. Iling hu Batà hu Dios ha hurà din puunaan daw sa pagkasinaligan din hu paghalad harì en agkatapus.

2 Pedro 1:1

Iyan a si Simon Pedro ha suluguen daw apustul hi Cristo Jesus sa migsulat taini. Sinulatan ku inyu sa amin din pagtuu ha iling kamahal hu kanay ha pagtuu pinaagi ki Cristo Jesus sa matareng ha Dios daw Manluluwas taw.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.

1 Juan 5:7

Sa Balaan ha Ispiritu iyan tistigus ta iyan gayed haen kamatuuran.

Impadayag 1:11

ha tagyanaen, “Isulat sa agkaahà nu daw ipauwit duun hu pitu ha iglisia hu tagkaamul-amul ha mga tumutuu ha diyà ta Efeso, daw ta Esmirna, ta Pergamo, Tiatira, ta Sardis, daw ta Filadelfia, daw diyà daan ta Laodicea.”

Impadayag 1:17

Su maahà ku haena bà a su minatay en ha naligid duun hu atubangan din. Ba inibitan a kandin ta kawanan din daw migyanaen, “Harì ka agkahaldek ta iyan a su puunaan daw sa katapusan hu alan.

Impadayag 1:2

Aman insulat hi Juan sa alan ha naahà din, saini lalang gayed hu Dios daw kamatuuran ha intudlù hi Cristo Jesus.

Impadayag 1:8

Sa Dios ha gamhanan daw Magbabayà hu alan ha duduun en su hurà pa tanghagaa sa bisan inu daw duduun pa iman daw hangtud hu hurà din katapusan tagyanaen, “Iyan a puunaan daw iyan a daan katapusan hu alan.”

Impadayag 19:13

Sa pinaksuy din inteleb duun hu langesa daw sa ngaran din iyan sa Lalang hu Dios.

Impadayag 2:8

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Esmirna, ‘Iyan a su puunaan daw sa katapusan hu alan. Minatay ad en ba nabanhaw a dà. Taini sa mga lalang ku inyu.

Impadayag 21:6

“Natuman en iman sa alan. Iyan a puunaan daw iyan a daan katapusan hu alan. Bisan sin-u sa agkalauwan igpainum ku duun ku tuburan ha tag-ila hu kinabuhì ha hurà din bayad.

Impadayag 22:13

Iyan a puunaan daw iyan a daan katapusan hu alan.”

Impadayag 3:14

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Laodicea, ‘Iyan a su matinumanen daw agkasaligan gayed ta kamatuuran sa mga lalang ku daw pinaagi kanak tinanghagà hu Dios sa alan. Taini sa mga lalang ku inyu.