2 Juan 1:12 - Lalang Hu Dios

¹² Madakel pa ngaay sa agkabayaan ku ag-ikagiya inyu, ba harì kud en igsulat ta taghinam a ha makadiyan a asem daw makaglalang kuy dà daw malipay kuy gayed.

2 Juan 1:12 Σταυροειδείς Αναφορές

Juan 15:11

Inikagi ku haini inyu ta daw sa kalipay ku makadiyan ta inyu daw malipayen kaw daan gayed.

Juan 16:12

“Madakel pa ngaay sa ag-ikagiyen ku inyu ba iman harì nuy pa haena masabut.

Juan 16:24

Hurà kaw pa makapanayù pinaagi kanak, ba iman manayù kaw en ta ilahan kaw kandin daw malipayen kaw gayed.

Juan 17:13

“Laus ad ag-ulì diyan ta ikaw ba ig-ampù ku sidan iman ha dini a pa ta kalibutan ta daw sa kalipay dan mailing hu kanak ha kalipay.

Juan 3:29

Sa agpangasawa iyan gayed pakaangken hu ag-asawahen din. Sa amigu din tag-angat kandin daw agkabayà-bayà ku mapaliman din sa lageng taena ha agpangasawa. Iling daan taena sa kalipay ku iman.

Roma 15:24

taghinam a gayed ha maahà ku inyu pag-agi ku diyan payanaen ta Espanya. Ku maiwas en sa mababà ha panahun hu pagtimà ku diyan mabuligan a daan inyu hu pagdayun ku hu paghipanaw.

2 Timoteo 1:4

Ku agkahenà-henà ku sa mga luhà nu agkabayà a gayed pakig-ahà ikaw ta iyan haena kalipay ku.

Filemon 1:22

Iman amin pa aghangyuen ku ha taganahi a diyan hu aghidegaan ku, ta tumenged hu pag-ampù nu ima ku ha makaguwà a dini ta prisuhan daw makadiyan a daan ta ikaw.

Hebreo 13:19

Aghangyuen ku gayed inyu ha iampù a inyu ta daw laus a dà makalikù diyan.

Hebreo 13:23

Agkabayaan ku ha matun-an nuy ha sa suled taw ha si Timoteo impaguwà en. Ku makaagpas haena dini agdumahen ku diyan hu pagpakig-ahà inyu.

1 Juan 1:4

Sinulatan day inyu ta daw tungkay kuy gayed malipay.

3 Juan 1:10

Aman ku makadiyan a asem ag-ikagiyen ku inyu sa alan ha binuhat din ta pigbutang-butangan a kandin. Kenà iyan dà haena ta harì din daan agdawaten sa mga suled taw ha tumutuu ku pakadiyan. Bisan haena sa agtanul ngaay kandan agbaldengen din daw sa tag-alima kandan igpaawà din diyan ta inyu ku tag-amul-amul kaw.