1 Tesalonica 4:1 - Lalang Hu Dios

¹ Mga suled, tinudluan day en inyu hu batasan ha igkabayà-bayà hu Dios ha iyan en tagbuhaten nuy iman. Ba tumenged ta nakigsabuwa kuy en ki Jesus ha Ginuu taw hangyuen day inyu ha ipaiseg nuy pa gayed haena.

1 Tesalonica 4:1 Σταυροειδείς Αναφορές

Juan 15:2

Sa mga panga ha harì mamunga awaen din, ba sa mga panga ha agpamunga limpyuwan din ta daw mamunga hu madakel.

Mga Buhat 20:27

ta intudlù kud en inyu sa alan ha agkabayaan hu Dios.

Roma 8:8

Saena ha tagbayaan hu makasasalà ha kinaiya harì agkabaluy ha makapabayà-bayà sidan hu Dios.

1 Corinto 11:23

Iman igtudlù ku inyu sa intudlù daan kanak hu Ginuu ha su agpanihapun si Jesus duma hu mga tinun-an din duun taena ha daleman ha iyan daan kalimbungi kandin tuminimù hu supas

1 Corinto 15:1

Iman mga suled, agkabayaan ku ha henhenaen nuy gayed sa Maayad ha Tultulanen ha insangyaw ku diyan ta inyu ha tinuuwan nuy daw iyan daan haena nakapalig-en hu pagtuu nuy.

1 Corinto 15:58

Aman pinalanggà ku ha mga suled, harì kaw gayed magduwa-duwa ba lig-eni sa pagtuu nuy. Sigi nuy paniguruwi sa buluhaten hu Ginuu ta natun-an nuy en ha amin gayed bunga duun.

2 Corinto 10:1

Pinaagi hu pagkamaluluy-en hi Cristo amin ku ag-ikagiyen inyu ta amin tag-ikagi ha mabalaw a ku madiyù a ba gayhaan a ku diyan a ta inyu.

2 Corinto 13:11

Mga suled ku, iyan dà haini. Paniguru kaw ha mahimpit kaw gayed daw tumanen nuy sa salambagan ku inyu. Magsabuwa kaw hu henà-henà nuy ta daw magmalinawen sa pagdapità nuy. Ku buhaten nuy haini sa Dios ha iyan puunaan hu pagpalanggà daw kalinaw magduma inyu.

2 Corinto 5:9

Ku dini kuy ta kalibutan daw ku diyà kuy ba ta langit sa katuyuan taw iyan sa agkabayà-bayaan hu Dios.

2 Corinto 6:1

Tumenged ta nakigsabuwa kay hu Dios hu buluhaten din aghangyuen day inyu ha harì nuy bà dà agkalkali sa grasya din inyu,

Galacia 6:1

Mga suled, ku amin nuy duma ha natun-an nuy ha nakasalà sinyu sa tagbayaan hu Balaan ha Ispiritu iyan kaw magbulig kandin duun hu maluluy-en ha paagi ta daw makaghinulsul haena. Ba mag-andam kaw ta kan ku makasalà kaw daan.

Efeso 4:1

Siak sa naprisu tumenged hu pagsunud ku hu Ginuu aghangyuen ku inyu ha tumenged ta pighimu kaw hu Dios ha tumutuu sa pamatasan nuy angayan gayed hu tumutuu.

Efeso 4:20

Ba kenà iyan haini paagi ha ingkakilala nuy ki Cristo.

Efeso 5:17

Harì kaw magbuhat hu hurà din pulus ba sabuten nuy ku inu sa agkabayaan hu Dios ha buhaten nuy.

Filipos 1:27

Ba kinahanglan ha sa pamatasan nuy angayan gayed hu Maayad ha Tultulanen mahitenged ki Cristo ta daw ku makadiyan a daw ku harì, mapaliman ku ha malig-en gayed sa pagtuu nuy ta nasabuwa kaw ha madasigen duun hu paglaban hu Maayad ha Tultulanen

Filipos 1:9

Aman iyan tig-ampù ku ha mag-iseg gayed sa pagpinalanggaay daw sa pagpakatuen hu kamatuuran daw sa kaalam nuy

Filipos 3:14

Tagpadayun a duun hu daeganan ta daw matimù ku sa bales hu Dios ha iyan in-umawa din kanak pagseled hu tagharian din pinaagi hu pagpakigsabuwa ku ki Cristo Jesus.

Colosas 1:10

ta daw sa pamatasan nuy angayan hu tumutuu duun hu Ginuu daw iyan nuy dà gayed mabuhat sa agkabayà-bayaan din ha mamunga kaw hu maayad ha buhat daw mag-iseg daan sa pagpakatuen nuy mahitenged hu Dios.

Colosas 2:6

Tumenged ta dinawat nuy en si Cristo Jesus ha Ginuu dumayun kaw en duun hu pagpakigsabuwa kandin

1 Tesalonica 3:12

Ipaiseg hu Ginuu sa pagpalanggà hu mga duma nuy daw duun hu alan iling hu pagpalanggà day inyu

1 Tesalonica 4:2

Natun-an nuy en sa intugun day inyu ha napuun diyà ki Jesus ha Ginuu taw.

1 Tesalonica 5:12

Mga suled, aghangyuen day inyu ha tahura nuy gayed haena sa pinilì hu Ginuu ha agalen nuy ha agpaniguru hu pagtudlù.

2 Tesalonica 1:3

Mga suled, kinahanglan gayed ha sigi kuy magpasalamat duun hu Dios mahitenged inyu tumenged ta tag-iseg pa gayed sa pagtuu daw sa pagpinalanggaay nuy.

2 Tesalonica 2:1

Iman mahitenged hu paglikù ki Cristo Jesus ha Ginuu taw daw hu pagkaamul-amul hu pagtalagbù kandin aghangyuen day inyu, mga suled,

2 Tesalonica 3:1

Iman mga suled, i-ampu kay gayed inyu ha sa lalang hu Ginuu laus dà makalekep dini ta kalibutan daw dawaten haena hu mga etaw iling hu pagdawat nuy duun su diyan kay pa ta inyu.

2 Tesalonica 3:13

Mga suled, harì kaw gayed tagluya pagbuhat hu maayad.

1 Timoteo 5:21

Duun hu atubangan hu Dios daw hi Cristo Jesus daw hu mga pinilì ha balinsuguen din ikagiyen ku ha buhaten haini sa insugù ku ikaw ha hurà duun pagpalabi hu mga duma nu.

2 Timoteo 4:1

Duun hu atubangan hu Dios daw hi Cristo Jesus ha iyan maghukum hu mga minatay en daw mga bubuhay pa daw tumenged ta aglikù si Jesus hu pagharì, ikagiyen ku ikaw

Hebreo 11:6

Sa etaw ha hurà din pagtuu harì gayed pakapabayà-bayà hu Dios, ta saena ha ag-ubay diyà ta kandin kinahanglan ha tumuu gayed ha amin Dios daw balesan din haena sa tagpan-ahà kandin.

Hebreo 13:16

Harì nuy agbay-ani sa pagbuhat hu maayad daw sa pagkakalalagan ta iling haini hu halad ha agkabayà-bayaan hu Dios.

Hebreo 13:22

Mga suled, aghangyuen ku gayed inyu ha magpailub kaw taini ha salambagan ku ta saini ha sulat ku mababà dà.

2 Pedro 3:18

Kinahanglan ha tumubù gayed sa pagtuu nuy pinaagi hu grasya daw hu pagpakatuen nuy mahitenged ki Cristo Jesus ha Ginuu daw Manluluwas taw. Dayeen si Cristo Jesus iman hangtud hu hurà din katapusan.

1 Juan 3:22

Bisan inu sa panayuen taw ig-ila din kanuy ta tagtumanen taw man sa mga sugù din daw tagbuhaten taw sa igkabayà-bayà din.