1 Juan 3:20 - Lalang Hu Dios

²⁰ bisan ku sa henà-henà taw ha angayan kuy ngaay silutan. Ba aghingan-an kuy en iman ta natun-an taw ha sa paghukum hu Dios labaw gayed dì hu kanuy ha henà-henà ta natun-an din en sa alan.

1 Juan 3:20 Σταυροειδείς Αναφορές

Juan 21:17

Duun hu ikatulu ininsaan dà paman hi Jesus, “Simon ha batà hi Juan, palanggà a ba gayed ikaw?” Suminakit sa gahinawa hi Pedro ta katulu en insai ku palanggà din ba si Jesus. Ba tuminubag gihapun, “Ginuu, natun-an nud sa alan aman natun-an nu ha palanggà ku gayed ikaw.” Dayun inikagiyan hi Jesus si Pedro, “Alimahi nu sa mga karniru ku.

Juan 8:9

Su mapaliman dan haena sa inikagi hi Jesus uminawà sa tigsabuwa kandan, sa mga magulang iyan uminuna dayun namanlupug sa duma hangtud ha iyan dà nabilin su bahi diyà ta atubangan hi Jesus.

Mga Buhat 5:33

Su mapaliman haena ku mga labaw ha agalen nangapauk gayed sidan, aman agkabayaan dan en aghimatayi su mga apustulis.

Roma 8:34

Sin-u man sa makahukum pa kanuy hu silut? Hurà gayed ta si Cristo Jesus migpakamatay para kanuy ba nabanhaw dà daw duun en iman tagpinuu hu kawanan hu Dios ta iyan agpangatubang diyà ta kandin hu pag-ampù para kanuy.

1 Corinto 4:4

Bisan ku hurà ku natun-an ha sayep ku ba sa Dios nakatuen ku amin ku mga sayep, aman iyan dà gayed haena maghukum kanak.

Tito 3:11

ta siguru gayed ha sa etaw ha iling taena nakasuway en duun hu pagkamatareng daw makasasalà en gayed. Ba sa mga salà din iyan en maghukum kandin hu silut.

Hebreo 4:13

Hurà gayed makaheles duun hu Dios ta sa alan agkaahà din daw agpanubag kuy diyà ta kandin.

Hebreo 6:13

Su magsaad sa Dios diyà ki Abraham su anay nanumpà haena pinaagi hu kaugalingen din tumenged ta hurà en lain ha labaw pa dì kandin.

1 Juan 3:19

Ku buhaten taw haena iyan timaan ha duun kuy hu kamatuuran daw harì kuy magayhaan duun hu atubangan hu Dios

1 Juan 3:21

Pinalanggà ku ha mga suled, ku hurà en ikahukum kanuy hurà taw en kahaldek hu pagpanayù duun hu Dios.

1 Juan 4:4

Ba sinyu sa pinalanggà ku ha mga batà, iyan kaw iman etaw hu Dios daw nadaeg nuy en sa mga biduen ha manunudlù, ta sa Balaan ha Ispiritu ha uminulin diyan ta inyu mabis-ay gayed dì ki Satanas sa ag-tagu daan duun hu kenà mga tumutuu.

Impadayag 2:23

daw himatayan ku daan sa sumusunud din. Dayun matun-an hu alan ha mga tumutuu ha iyan a pakasusi hu henà-henà daw hu gahinawa hu etaw daw agbalesen ku sa kada sabuwa sumalà hu tagbuhaten din.