1 Juan 2:19 - Lalang Hu Dios

¹⁹ Saini ha mga etaw suminuway dini ta kanuy tumenged ta kenà taw duma, ta ku mga duma taw pa ngaay sidan hurà ngaay sidan suway kanuy. Ba tumenged ta suminuway en man sidan kanuy natun-an taw ha kenà taw gayed sidan mga duma.

1 Juan 2:19 Σταυροειδείς Αναφορές

Mateo 24:24

Ta makauma sa mga biduen ha mag-ikagi, ‘Iyan ad en su Misiyas’ daw ‘Iyan ad prupita’ daw magpaahà daan sidan hu mga timaan daw belenganen ta daw bisan sa mga pinilì hu Dios ku mahimu malimbungan dan pa gayed.

Marcos 13:22

Ta makauma sa mga biduen ha mag-ikagi, ‘Iyan ad en su Misiyas’ daw ‘Iyan ad prupita’ daw magpaahà daan sidan hu mga timaan daw belenganen ta daw bisan sa mga pinilì hu Dios ku mahimu malimbungan dan pa gayed.

Lucas 8:13

Su binhì ha duun dà nakatanà hu batuwen iyan su mga etaw ha nakapaliman hu lalang hu Dios daw sagunà duminawat taena ha malipayen ba harì agpanggamut sa pagtuu dan. Tuminuu hu mabàbà dà ha panahun ba ku makauma sa pagsulay ag-endà dà sidan hu pagtuu.

Juan 15:2

Sa mga panga ha harì mamunga awaen din, ba sa mga panga ha agpamunga limpyuwan din ta daw mamunga hu madakel.

Juan 4:14

ba saena ha uminum hu wahig ha ig-ila ku harì en gayed malauwan. Ta sa wahig ha ig-ila ku iyan mahimu ha tuburan ha makaila kandin hu kinabuhì ha hurà din katapusan.”

Mga Buhat 15:24

Napaliman day ha amin duminiyan ha mga Judio ha napuun dini ta Jerusalem ha migsamuk inyu pinaagi hu pagtudlù dan daw nalibeg sa henà-henà nuy, ba hurà day sidan sugua.

Mga Buhat 20:30

daw diyan dà daan kapuun ta inyu sa magtudlù hu nakasuway duun hu kamatuuran ta daw makabig dan sa mga tumutuu en.

Roma 9:6

Hurà haini magpasabut ha hurà katuman hu Dios sa insaad din, ba saini migpadayag ha amin mga kaliwat hi Israel ha kenà laus ha mga etaw hu Dios.

1 Corinto 11:19

Ba kinahanglanen haini ta daw makilala taw ku sin-u inyu sa laus ha tumutuu.

2 Timoteo 2:10

Aman antusen ku sa alan ta daw sa mga pinilì hu Dios makaangken hu kaluwasan pinaagi ki Cristo Jesus daw makaambit daan sidan hu pagkagamhanan ha hurà din katapusan.

2 Timoteo 2:19

Ba henhenaa ha sa kamatuuran harì gayed tagkahalin-halin ta saena nakasulat en duun hu lalang hu Dios ha tagyanaen, “Sa Ginuu natun-an din sa alan ha mga sakup din” daw inikagi daan, “Sa tag-ikagi ha tumutuu hu Ginuu kinahanglan ha umendà pagbuhat hu madaet.”

2 Timoteo 3:9

Ba saena ha tagsupak hu kamatuuran harì gayed mag-uswag ta natun-an en hu mga etaw ha buang-buang gayed sidan iling ki Janes daw ki Jambres.

Hebreo 10:39

Kenà kuy duma taena ha agpaman-endà daw agsilutan ta amin taw pagtuu aman naluwas kuy.

2 Juan 1:7

Nakalekep en dini ta kalibutan sa mga biduen ha manunudlù ha tag-ikagi ha si Cristo Jesus hurà magpakaetaw. Saini sidan iyan maglimbung hu kaet-etawan daw mga kuntra sidan hi Cristo.

Judas 1:1

Iyan a si Judas ha suled hi Santiago daw suluguen daan hi Cristo Jesus, sa migsulat taini. Sinulatan ku inyu sinyu sa hinimu ha tumutuu hu Dios sa Amay taw. Pinalanggà kaw kandin daw binantayan kaw daan hi Cristo Jesus.

Judas 1:19

Saini ha mga etaw iyan makabengkag hu maayad ha pagdapità nuy daw kalibutanen dà gayed sa taghenhenaen dan ta sa Balaan ha Ispiritu hurà diyà ta kandan.