1 Corinto 9:3 - Lalang Hu Dios

³ Ku amin tagpanginginsà kanak iyan haini tubag ku.

1 Corinto 9:3 Σταυροειδείς Αναφορές

Lucas 12:11

“Ku uwiten kaw duun hu mga simbahan ta aghukuman kaw kandan daw ipaatubang kaw kandan duun hu mga agalen, harì kaw agkasamuk ku in-inuwen pagpangatarengan daw ku inu sa ipanubag nuy

Mga Buhat 22:1

“Mga suled ku daw sinyu sa mga magulang, palilimani nuy haini sa katarengan ku.”

Mga Buhat 25:16

Ba inikagiyan ku sidan ha sikuy sa mga sakup ta Roma kenà taw batasan ha hukuman taw sa etaw ku harì pa makapangatubang taena ha migsumbung kandin ta daw makapangatarengan.

1 Corinto 14:37

Ku amin diyan ta inyu taghenà-henà ha makasaysay hu igpaikagi hu Dios daw ku amin din pa lain ha katatau ha in-ila hu Balaan ha Ispiritu kinahanglan ha kilalahen din gayed ha saini ha insulat ku insugù hu Ginuu.

1 Corinto 9:2

Bisan pa ku kagi hu duma ha kenà a apustul ba makaikagi kaw ha apustul a gayed ta natun-an nuy haini ha pinaagi kanak nakatuu kaw duun hu Ginuu.

1 Corinto 9:4

Pinaagi hu pagtudlù day ki Bernabe hurà day ba diay katenged hu pagpanayù hu pagkaen daw hu mainum?

2 Corinto 13:10

Iyan haini insulat ku diyan ta inyu ta daw ku makauma a asem diyan harì ku magamit sa katenged ku hu pagsilut inyu, ta sa katenged ha in-ila kanak hu Dios kenà hu pagdaet inyu, ba iyan gayed sa pagpalig-en hu pagtuu nuy.

2 Corinto 13:3

ta iyan haini tagpamatuud ha diyà napuun ki Cristo sa inikagi ku. Sa alan ha binuhat hi Cristo diyan ta inyu tagpaahà ha gamhanan gayed.

2 Corinto 13:5

Susiya sa kaugalingen nuy ku laus ba gayed sa pagtuu nuy. Hurà nuy ba diay katun-i ha si Cristo Jesus didiyan en ta inyu? Ku hurà nuy katun-i kenà gayed laus sa pagtuu nuy.

Filipos 1:17

Ba sa katuyuan taena ha tagpalabaw-labaw kenà laus ta agapan sidan hu pag-uswag daw sa henà-henà dan ha saena makaisab hu pag-antus ku dini ta prisuhan.

Filipos 1:7

Angayan gayed ha palanggaen ku inyu alan ta nakabulig kaw hu impabuhat kanak hu Dios kenà duun dà hu pagkaprisu ba duun daan hu pagpangatarengan ku mahitenged hu Maayad ha Tultulanen ta daw mapamatud-an ha saini laus gayed.

2 Timoteo 4:16

Su anay ha mangatubang a duun hu hukmanan hurà gayed luminaban ta alan en sidan uminawà dini ta kanak. Ba in-ampù ku duun hu Dios ha pasayluwen din sidan.