1 Corinto 4:9 - Lalang Hu Dios

⁹ Ba sikay sa mga apustulis iman bà su tigpadayag hu Dios ha iyan kay kinahudiyanan hu alan ta iling kay taena ha mga etaw ha hinukuman daw aghimatayan en duun hu atubangan hu alan ha mga etaw dini ta kalibutan daw duun hu mga balinsuguen diyà ta langit.

1 Corinto 4:9 Σταυροειδείς Αναφορές

Mga Buhat 19:29

Aman amin kagubut ha nakalekep taena ha banuwa. Dayun migdengan sidan hu pagdakep ki Gayo daw ki Aristarco sa taga-Macedonia ha mga duma hi Pablo hu paghipanaw din daw pinangguyud dan sidan duun hu tigumanan.

Mga Buhat 19:31

Amin din daan mga amigu ha upisyal diyà ta Asia ha migpasugù diyà ta kandin hu paghangyù ha harì dumuun ku tigumanan.

Roma 8:36

Ta sa insulat ha lalang hu Dios tagyanaen, “Tumenged hu pagsunud day ikaw sigi kay dà tagsalap hu kamatayen iling hu karniru ha laus en ag-iyawen.”

1 Corinto 15:19

Ku iman taini ha panahun amin taw hinam pinaagi ki Cristo ba bidù diay haena iyan kuy tungkay pinakahaluhid-u ha mga etaw.

2 Corinto 11:23

Ku ipasigalbu dan ha suluguen sidan hi Cristo labaw a pa dì kandan. Agkailing a iman hu buang-buang ha tag-ikagi taini. Adagi pa sa kanak ha trabahu dì kandan daw kapila a pa gayed kaprisu. Harì en maiyap ha piglagkutà a daan daw kapila ad en daan hapit en patay.

2 Corinto 6:9

Bà su harì kay kandan agkakilala bisan ku agkakilala kay ngaay duun hu bisan hindu. Apit kay en pamamatay ba bubuhay kay gihapun. Impaagi kay hu Dios duun hu mga malegen ba hurà kay pamamatay.

1 Tesalonica 3:3

ta daw harì kaw magluya tumenged hu mga pasipala. Natun-an nuy en ha iyan haini agkapayanan-an hu mga tumutuu

Hebreo 1:14

Sa mga balinsuguen bà dà sinugù hu Dios hu pagbulig taena ha agluwasen.

Hebreo 10:33

Amin panahun ha pigpagagayhaan kaw duun hu atubangan hu mga etaw daw pigpasipalahan kaw kandan. Usahay pakalagkes kaw hu duma nuy ha pigpasipalahan dan.

Hebreo 11:36

Sa duma mig-antus hu mga pagtameyes daw hu mga paglagkut, sa duma pigpusasan daw naprisu.