Tsitè 1:8 - Bible Dzùùngoo Unicode

⁸ Ŋà è bà mòdzin, nìi tɔnɔnladɔnbaa, goowùɔ dzi à ra, à akiritsi, à tereòn, à fɛnɛ, è bà dziɔ̀ e yɛr'la.

Tsitè 1:8 Σταυροειδείς Αναφορές

Lukì 2:25

Àyìwà, kpiri sɔn na ni Yerusalɛmùn yè bà à kir'là ci Simeyɔn. Tɔ̀ kpir'la na tereòn, è bà shia Ŋaablà jɔun. Ŋaablà na à làyiri seòn, ci wò Jaara Moo rìi nà Isirayɛlì mòdzin neè tsi, Simeyɔn na tɔ̀ rii màshua. Ŋaablà re Dzi Fɛnɛɛ na ni à ɲan.

Kɛɛradzin neè faadziɛ 24:25

Ŋà, tɔ̀ goomaa doùn, mòo wù è re jaamabee fa fau'n kur'liì rà, è bà jaamabe wùù Ŋaablà re, mòo wù è dzi e yɛrɛ dzuun nìi tsuru, ko Ŋaabla nà kitsi riì kùnùn mòdzian sapɛ dzyeèma tsɛ sii sɔn see, Polì dzii yè wɔ tɔ̀ sapɛ tsɛ. Àwà, Fèlisì dziu twɛy gooma reè myɛ̀n min niì, è shi, è dzin Pol'là ci: «Ke raà wù nèe tsuru, a dzia a kpɛyn sèè. Min na waatsi kpɛrɛ tàrà, mun nà wo kiri kɔn.»

Tesalonikika reè jɔ̀naà 2:10

Ye ɲe shɛɛrɛ, Ŋaablà sa yeè bà ɲe shɛɛrɛ, ci ye ɲɛynamoo rèè kàjaa tsɛ, ɲe yè e re jaamabee fau fyɛu tsɛ, ɲe y'à fa terenbe tsɛ, jààma to naà ni ɲe ra.

Tsìmotè jɔ̀naà 3:2

Ŋà, fɔ ɲɛynamoo kur'là kààwɔbaà yè bà mòdzin, jààma na ni nìi rà waa, è bà tààn dzìn sòòtsi, è bà e yɛrɛ kuàn, è bà akiritsi, à sɔ̀bɛ̀n modzìn, à tɔnɔnladɔnbaa, è bà dzia mòdzian kàràn.

Tsìmotè jɔ̀naà 4:12

Maà à to mòò pɛn y'à dzyɛnbe ci a dziinkòòmɛ̀yn waa. Ŋà bà jaakpadeyra rìì ɲɛynamoo rèè rè, goomaa kàjaa tsɛ, jaamabee fau'n kur'la kàjaa tsɛ, kɛ̀nbààbee kàjaa tsɛ, ɲɛynaà kàjaa tsɛ, ko duunfyɛɛ̀ kàjaa tsɛ.

Tsìmotè jɔ̀naà 6:11

Ŋà nìi wo, Ŋaablà re mòdzian, vwɛ̀yn twɛy goo rèè jɔun. A gban nìì reè kpɛyn, tɔ̀ rii yɛ terenbee, ko Ŋaablà jɔun shiɲaanbee, ko ɲɛynaà, ko kɛ̀nbààbee, ko mɔ̀ɲɔɔn, ko vununmadzibeè.

Tsìmotè fiiraa 2:22

Vwɛ̀yn dzunwɛynbeè kur'la goo reè jɔun. Nìì reè yè e vu boò Tsìfaà rà ko duun fyɛ ka, e terenbee, ko ɲɛynaà, ko kɛ̀nbààbee, ko jaanciàn gaa twɛy ka.

Tsìmotè fiiraa 3:3

Mòò ɲììɲii na e kuàn, è na matsur'la, è mòdzìn fìvyɛbaa ì, è na dzia e yɛrɛ kun, è ɲinmatààn, è na gaa goowùù ra,

Tsitè 2:7

Goò sapɛ doùn, wo yɛ̀r'la sa yeè bà jaakpadeyra wùù faadzii wuɔ kajaa tsɛ. Sɔ̀bɛ̀nbee ko blàbee yè jà kàr'nà doùn.

Yùxanà jɔ̀naà 3:14

Ɲe y'à tɔ̀ ci ɲe bou saàn ɲàn, ɲe yè dɔ̀n jaamabee ɲàn, è ɲɛn à tsɛ, ɲe yè e neema reè kɛ̀niɔ̀n. Mòò riì na e neemaa kɛ̀niɔ̀n waa, tɔ ni saàn ɲàn.

Yùxanà jɔ̀naà 5:1

Mòò o moò ɲɛɛn à ra ci Yesù Ŋaablà Jaara Modzìàn, tɔ kere boo Ŋaablà re. Mòò o moò to dzin faà kɛ̀ɛn, tɔ dziàn sa kɛɛn.