Matsiyù 7:13 - Bible Dzùùngoo Unicode

¹³ Ye dɔ̀n dɔ̀nmàdzii kiɲaaniàn nà. Ye tɔ̀ fa, kàtsu shi niì bèe mòdzian barama nɔ̀n, tɔ̀ dziɛ̀ blà, à shia yè bà blà. Mòò giri to dɔ̀ɔn tɔ̀ rii lè, kàtsu à dɔn dzi.

Matsiyù 7:13 Σταυροειδείς Αναφορές

Matsiyù 23:13

Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.

Matsiyù 25:41

Tà shɔ̀ùn, nìì reè ni Màsà kpir'là ɲɔ̀nmà sì jaa rè, à nà dzin twɛy rà ci: "Ye dangauma rèè, ye bo n tɛyn, ye bè jeenà. Sà dzibɛy riì màbyɛ̀n tsùuŋnà Sànwɔbaa ko e re mɛ̀rɛ̀kɛ rèè rè, ye bè mɔn.

Matsiyù 25:46

Àwà twɛy mòdzin neè nà bè byɛnbe dobɛɛ ɲàn tɔ̀un. Mòdzin tereonma rèè, twɛy yè bè jaamabe dziù dòbɛɛ ɲàn.»

Matsiyù 3:2

À dziàn ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

Matsiyù 3:8

Ye goo rìì fa, nìi nà à kpàdè, ci ye yè e re jaamabee fau'n kur'la lakereò.

Matsiyù 7:14

Ŋà shi niì bèe jaamabee rà, tɔ̀ dɔ̀nmàdziɛ dzyɛ̀n à nɔ̀ɔ̀dzii yè bà ɲaan. Mòò bɛrɛ na tɔ̀ tàr'la waa.

Lukì 14:33

Tɔ̀ fau'n kuru soo tsuru, ye ɲan mòò o moò ma e ɲɛyn bo e suun ge reè sapɛ tsɛ, tɔ̀ tsìfa na dzia bà mun ne kàràndzin waa.»

Lukì 9:33

Twɛy kpiri fii rèè ci e ye bo Yesù tɛyn waatsi riì bwèy, yè bè, Piyɛrì yè dzin Yesù rà ci: «Kàrànfaà, mìn bà ni mìin tɔ wù dɛ. Mùn nà bùù gba vyama zhiigi kun, wo raa soo, Musà raa soo, ko Àliì raa soo.» Piyɛrì kpɛ̀yn na goomaa nì, ŋà, à naà à tɔ̀, wo nìi dèe waa.

Yùxanà 10:9

Mun nì dɔ̀nmàdziɛ, mòò riì ye dɔn mun ne, tɔ nà tsi. À tsìfa nà dɔ̀n, è bo e saoma, è dziira gaa ɲwɛyn jà.

Yùxanà 14:6

Yesù yè dzin à ra ci: «A y'a myɛ̀n shia ko sààbeen ko jaamabee, tɔ mun nì. Mòò pɛn na dzia nà Fà Ŋaablà ma nàu'n kuru pɛn na, è bà mun shɛn too waa.

Kɛɛradzin neè faadziɛ 3:19

Dòònuùn, ye sèè bo e re gooɲaan neè kpɛyn, ye e re jaamabee fau'n kur'la lakere, ye sèè na Ŋaablà ra, sànko e re gooɲaan tsìɛ̀ yè mɛɛy bo e vu ra.

Ɔ̀rɔ̀mùnka reè 9:22

Àwà, à na Ŋaablà sao, è re vununtaà ko e re dzibaabee kpàdè mòdzin ì nà, nìì reè kiriɔ vununtaà mòdzin neè. È na wɔɔ bara, ŋà, è mɔɲɔun è tɛyn cɛyn.

Korɛntsika reè fiiraa 4:4

Twɛy ɲɛynabɛy reè, nèe dziɲan ree ŋaablàa twɛy akir'là tsyeeŋna, gè riì ni à to è mà Kirisà, tɔ̀ niì Ŋaablà bosià, tɔ̀ nɔɔrɔɔ̀ Kùnàgoo Dziɔ̀ vyevyeè jà waa.

Korɛntsika reè fiiraa 6:17

È ɲɛn tɔ̀ tsɛ, Tsìfaà ci: «Ye bo è fi, ye e dan gbànbe è ra. E maà e dzyɛn gè nooŋma pɛn na. Tɔ̀un, mun nà n tsiì ye ra.»

Galatsika reè 5:24

Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.

Filipika reè 3:19

È lataan rìì yɛ, yè bara. È doòn rìì yè è re ŋaablà, goo rìi yè è seè goo, yè e yɛrɛ blabee tɔ̀ rii ka, è to na e kɛsɛɛ̀ gèsɔn pɛn na dzɔ̀nxɔɔ̀ tsɛ raa goo rèè tɛ̀y waa.

Yùxanà jɔ̀naà 5:19

Ɲe y'à tɔ̀ ci ɲe Ŋaablà raa, dziɲan ko e kur'la, tɔ̀ sapɛ ye bà ni Sùtana suun.

Goo kpàdèuma rèè 12:9

Kparan ɲan blaa yè maa bo jìrànxɔɔ̀ doùn tɔ̀un, tɔ̀ niì myɛn bɔrɔɔ, è bà kir'là Sànwɔbaà ko Sùtana, nìi mòdzian sàn fìr'la dzɔ̀nxɔɔ̀ tsɛ. À ko e kpɛyn mɛ̀rɛ̀kɛ rèè sa yeè maa dzɔ̀nxɔɔ̀ tsɛ.

Goo kpàdèuma rèè 13:8

Dzɔ̀nxɔɔ̀ tsɛ mòdzian sapɛ nà à blàbe. Sààtòmòìrii riì bàu saaka, nìì reè tsoo sɛbɛɔ̀n tɔ̀ re jaamabee sɛbɛɛn doùn fɔ dziɲaan jɔ̀n bwey, twɛy bàsɔùn nì fa à blàbe waa.

Goo kpàdèuma rèè 20:15

Mòò o moò tsoo sɛbɛunma na ja jaamabee sɛbɛɛn doùn, twɛy sapɛ yeè maa sà blà rɔn.

Goo kpàdèuma rèè 20:3

Tɔ̀un, à y'à maa dɔn bè kɔ̀ɔ̀ tsun gbloùntòò doùn, è dziɛ̀ tsyee à mà, è tàànmàshɛɛn tsùù tɔ̀ tsɛ, à mà nà to kun neè mòdzian sàn fìrì dɛ, fɔ jii gbaa soo yeè bè tsyɛn. Tɔ̀ ye tsyɛn gbaa nìi bwèy, à nà foro bàji kɔn, è waatsi dɛɛnin fa.