Matsiyù 5:9 - Bible Dzùùngoo Unicode

⁹ Nìì reè y'à gaa jaancin yè bà ni, twɛy raa wùbeu, kàtsu, è nà kiri Ŋaablà dzin ì.

Matsiyù 5:9 Σταυροειδείς Αναφορές

Matsiyù 5:45

Ye tɔ̀ fa, sànko ye bà ni ba e Fa Ŋaablà dzin ì, tɔ̀ riì ni jìrànxɔ rɔ̀n, è bà e re bwèè boò mòdzìn ɲan reè ko mòdzin wuu reè sa re, è ŋaà nàa mòdzin tereunma rèè, ko terenbɛy reè sa re.

Matsiyù 5:48

Àwà, ye bà mòdzin dziitsyɛunma ì, a ci ye Fà rìi ni jìrànxɔ rɔ̀n, tɔ̀ dzii tsyɛɔ̀n nìi tsuru.»

Lukì 20:36

È fa san dɛ, è nà bà a ci mɛ̀rɛ̀kɛ rèè. È nà bà Ŋaablà dzin ì, kàtsu è saun, yè sèè kpunan.

Lukì 6:35

È ba ye, ye e ɲan rèè kɛ̀n, ye goowùɔ fa. Ye tsìì wɔ mòò rà, e maà e ɲɛyn ji tsuù tɔ̀ tsɛ waa. E ye tɔ̀ fa, e naà bàràji bla tarà. Tɔ nà à kpàdè mòdzian nà sa, ci Ŋaablà riì ni jìran nɔ̀n, ye tɔ̀ dzin ì. Wò rii wù mùn sapɛ dzyeèmaa ka, goowuu tɔ bɛy sen ɲɛn mòdzìn ɲan tsɛ.

Kɛɛradzin neè faadziɛ 7:26

Tɔ̀ raa gbey kɔn, Musà nàu bè, ci wo bèe e re mòò rèè siin, è b'a jà, ye re mòò rèè mòkun fii yè e si baan. Musà yè dɔ̀n è fi tɔ̀ rii ɲàn, ci wo nà è sòròn, yè byɛ̀n soo ma. À ci è ra ci: "N neema ì, feera ye yè bà nèe goo terenbɛy ree faa e si ra, n ci ye sa wò soo rii ?"

Ɔ̀rɔ̀mùnka reè 12:18

È be dàn e ma, y'a to jaancin yè bà ni e ko mòdzian sapɛ fi, è ba dzia fa.

Ɔ̀rɔ̀mùnka reè 8:14

Àwà, Ŋaablà re Dzia nìì reè sapɛ kuru kuɔn e re jaamabee doùn, twɛy sapɛ Ŋaablà dzin ì.

Ɔ̀rɔ̀mùnka reè 8:16

Tɔ̀ Dzi niì Ŋaablà re Dzia, tɔ̀ yɛ̀r'la y'à shɛɛrɛbee faa ɲe akir'là rè, ci ɲe Ŋaablà dzin ì.

Ɔ̀rɔ̀mùnka reè 8:19

Àwà Ŋaablà re gè ɲɛunma rèè sapɛ kɔɔtɔɔ nìi rà, yè bà à màshua, tɔ̀ rii yɛ, Ŋaablà dzin nèè yè kpàdè.

Korɛntsika reè jɔ̀naà 6:6

Ŋà è bè wɔ fɔ neemaa sɔn yeè e neemasi kitsia, à to na min kpɛrɛ fɔ ɲɛynabɛy reè bììn !

Korɛntsika reè fiiraa 13:11

Dòònuùn n neema ì, ye taama dzibe, ye fààn wɔ e si ɲan, ye e si màxɔ̀n, ye byɛ̀n soo ma, ye jaamabee fa jaancin doùn. Tɔ̀ tsuru, kɛ̀nbààbee ko jaanciàn Ŋaabla nà bà ni ye ka.

Korɛntsika reè fiiraa 5:20

È geren tɔ̀ sapɛ tsɛ, ɲe Kirisà rè kɛɛradzin ni, à to ni a ci Ŋaablà yɛr'la rìì ye màxɔ̀ɔn, è bo ɲe dzu. Kirisà tsoo ra, ɲe ye màfyɛ̀ɛn nì ye e yɛrɛ to, y'a to e ko Ŋaablà fia la yeè mɔ̀nɔ̀n.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Efɛsika reè 4:1

Àyìwà, mun nìi kàsòdzin Tsìfaà kamà, m'a gaa e re ci e kiriɔ è ɲɛn kùn nìi tsɛ, ye maxɔbe ye re jaamabee fa, è kòrò tɔ̀ ka.

Filipika reè 4:2

M'a gaa neema taan Evodzì rè, m'a gaa neema taan Sɛntsishì rè, ci yè e maxɔbe, yè byɛ̀n soo ma Tsìfaà ɲàn.

Kolosika reè 3:13

Ye e si re goo ku. Sɔn to y'a jà ci sɔn dɔɔ̀n wò gàsin ɲan, ye e yɛrɛ to e si re. Tsìfaà yè e yɛrɛ tou ye re nìi tsuru, e sa yeè e yɛrɛ to e si re tà tsuru.

Dzyèèsìbee mòdzin neè 12:14

Ye e maxɔbe, jaancin yè bà ni e ko mòdzian sapɛ fi. Ye e yɛrɛ fɛnɛbe, ye bà Ŋaablà raa. Tɔ̀ ma fa fyeu, mòò pɛn jaa fa ɲɛn Tsìfaà mà waa.