Matsiyù 5:4 - Bible Dzùùngoo Unicode

⁴ Nìì reè vunuun kɔɔ̀n, twɛy raa wùbeu, kàtsu Ŋaablà nà è vunun cin.

Matsiyù 5:4 Σταυροειδείς Αναφορές

Lukì 16:25

Ibraximà yè dzin à ra tɔ̀ rii ɲàn ci: "N dzin kpiri, a taa to, ci wo na ni dziɲantsiɛ doùn waatsi riì bwèy, xɛɛrɛ na ni wo tsɛ fɔ è bè geren. Ŋà, Lazarì do, tɔ̀ yeè e raa jaamabee sapɛ fau byɛnbee rìì ɲàn. Àwà, dòònuùn tɔ̀ jaayuà tsɛ̀u mìin, wo yè bà byɛɛn.

Lukì 6:21

Dzuà ni ye nìì reè rà dòònuùn, ye raa wùbeu, kàtsu, ye nà ɲwɛɛ̀n jà, y'a ɲɔn yeè cɛn. Ye nìì reè ni gɛɛ rà dòònuùn, ye raa wùbeu, kàtsu, ye nà jiran.

Lukì 6:25

Ye nìì reè cɛɔn dòònuùn, byɛnbe ye nìn, kàtsu dzuà nà ye kun sii sɔn see. Ye nìì reè ni jirangoo rà dòònuùn, byɛnbe ye nìn, kàtsu, jisee ni jisee ra, ye taama nà bà ŋunun, ye yè gɛyn jaayu she fiɛ̀ rà.

Lukì 7:38

Taàn nàu wɔ, è dɔ̀n Yesù bonè, è bè e kunun gban à sàn nèè tɛyn, è maa è gɛɛ. È gɛyn fɔ à jaayuà yè bè Yesù sàn nèè fyee. Tà shɔ̀ùn, è kungwɛ̀ɛn ka à sàn nèè tsùsa, è mà nùù nùù. Tɔ̀un, è ɲin'nà kon à sàn nèè tsɛ.

Lukì 7:50

Tà ko e sa ra, Yesù yè dzin taàn nà ci: «Wo ɲɛn niì fau mun na, tà wo tsiu. Bèe ! Ŋaa yè b'à ko xɛɛrɛ tsi !»

Yàkubà 1:12

Àwà, mòò riì byɛnbee tsià e ma e sɔn màsiinkɔɔn waatsi rɔn, tɔ̀ tsìfa raà wùbeu. À raà wùbeu, kàtsu à sɔ̀n màsiin dòumaà shɔ̀ùn, Ŋaabla nìi làyiri seòn e kɛnbaa rèè rè, tɔ̀ yeè bà jaamabe dziù dòbɛɛ màsà baanflaa, à nà tɔ̀ tàrà.

Goo kpàdèuma rèè 21:4

À nà è jaa ra jaayuà sapɛ tsɛ. San fa bà ni dɛ, shìgoo fa bà ni dɛ, gɛyn vu fa bà ni dɛ, ɲìnìnbe to fa bà ni dɛ, kàtsu goo jɔna reè sapɛ gereun.»