Matsiyù 10:32 - Bible Dzùùngoo Unicode

³² Àwà mòò o moò ye e tsiì è dzin mòdzian jaa ra ci wo mun naa, mun sa nà n tsiì, min dzin n Fa Ŋaablà jaa ra, tɔ̀ riì ni jìrànxɔ rɔ̀n, ci mun tɔ̀ tsìfa raa.

Matsiyù 10:32 Σταυροειδείς Αναφορές

Matsiyù 25:34

Tà doùn, nìì reè ni màsà kpir'là sirama sia rè, à nà dzin twɛy rà ci: "Mun Fà Ŋaabla dzwɛ kuɔn ye nìì reè mà, ye nà. Màsà gane riì mabyɛ̀n tsùuŋnà ye re fɔ dziɲaan jɔ̀n bwey, ye nà dɔ̀n mɔn, y'a bà e re shɛn.

Lukì 15:10

Àwà, tɔ̀ fau'n kuru soo rà, mun nì ci e ra, mòò sɔn dzin soo ye seè bo e re gooɲaan kpɛyn, è re jaamabee fau'n kur'la lakere, Ŋaablà re mɛ̀rɛ̀kɛ rèè taamadzibe brìsi rìì faa tà tsìfa tsoo ra.»

Yùxanà 9:22

À ker'là gè rèè tɔ̀ dèu, kàtsu, è na shiɔ̀ Dzyèèsìbee mòdzin neè jɔundzin neè jɔun. Twɛy na byɛ̀n faɔ̀ à mà, ci mòò o moò ye e tsiì à ra, ci Yesù rìì Ŋaablà Jaara Modzìàn, tɔ̀ tsìfa nà kaa ŋaablabegbaà tsɛ.

Tsìmotè fiiraa 1:8

Tà doùn, maà seey e mùn Tsìfaà shɛɛrɛbe fa waa. A to mà seey mun ka, ci mun ni kàsoò rà à kamà waa. Kùnàgoo Dziɔ̀ byɛnbee rìì fa mun ka, è kòrò Ŋaablà re dzibaabee ka.

Yùxanà jɔ̀naà 4:15

Mòo o moò dziàn ci Yesù Ŋaablà Dzin Kpiri, Ŋaabla ni tɔ̀ ɲan, à sa yeè bà ni Ŋaablà ɲan.

Goo kpàdèuma rèè 2:13

Wo tsùuŋnà min niì, m'a tɔ̀. Sùtan'ne màsà gbaaniɛn ni mɔn nì. Wo shìuma tou mun na, wo na a dziira tsɛ mun na ɲɛynaà doùn waa. Arì Antsipasì, mun shɛɛrɛ vusootsià, tɔ vuu waatsi riì bwèy Sùtana tsùùmaà gàne rɔ̀n ye re mɔn, wo shìuma tou mun na.

Goo kpàdèuma rèè 3:5

Àwà, mòò riì ye ba dzibaa, tɔ̀ sa nà vya fyɛ ì wɔ tɔ̀ tsuru. Mun fa à tsoò tsùsa bo jaamabee sɛbɛɛn doùn waa, mun to nà n tsiì à ra n Fa Ŋaablà ko e re mɛ̀rɛ̀kɛ rèè jaa ra, ci m'a tsìfa tɔ̀.