Matsiyù 10:2 - Bible Dzùùngoo Unicode

² Twɛy mòkun teeŋ fii nìì reè kiriu kɛɛradzin neè, twɛy tsoo rèè rìì siin nèe: jɔ̀naà tsoo Shimɔ̀n, à tsoò sɔn, ci Piyɛrì. Tɔ̀ raa tseyn nìi tsoo Andère, tɔ̀ yeè gban. Zhebedè dzin kpiri Yàkubà ko Yùxanà yè gban.

Matsiyù 10:2 Σταυροειδείς Αναφορές

Matsiyù 17:1

Àyìwà bwèy tsùnmɛn tà shɔ̀ùn, Yesù yè Piyɛrì, ko Yàkubà, ko tɔ̀ raa keresi Yùxanà kiri gban e ra, è bè tèyn è ka jèn gbààn sɔn tsɛ, yè bà ni mɔn e si.

Matsiyù 20:20

Tà doùn, nìi Zhebedè raa tààn, tɔ̀ yeè nà e kpɛrɛ̀ e dzin kpiri fiɛ̀ ka Yesù rà, è kunun gban à bììn, à y'à gaa à re, ci è goo sɔn fa wò re.

Matsiyù 26:37

À bèkɔɔn, è Piyɛrì ko Zhebedè dzin kpiri fii rèè kiri bà e tɛy. Tɔ̀un à taama yè nà e maa è ŋununbee, à duungoo yeè bà doò.

Matsiyù 4:18

Àwà sii sɔn see, Yesù jììkɔɔn Galile yu blàa dziire, è keresima mokun fii jà. Soo tsoo Shimɔ̀n, yè bà à kir'là sa Piyɛrì, soo tsoo yè bà Andère, Shimɔ̀n naa keresia. Twɛy na ni yɔ̀ maa rii là yu rɔ̀n, kàtsu è na jikunbaa ì rìì.

Matsiyù 4:21

È kpɛrɛ̀ bèu jɔun kɔn, è keresima fii kpɛrɛ jà. Soo tsoo Yàkubà, soo tsoo yè bà Yùxanà, è fàà tsoo Zhebedè. Twɛy na ni e fa Zhebedè ka konkor'na doùn, yè bà e re yɔ̀ rèè lamɔn'na. Tɔ̀un, Yesù yè è kiri.

Marikì 1:29

Àyìwà, Yesù bou tɔ̀un ŋaablabegbaà doùn, à ko kàràndzin neè yè dɔ̀n be Shimɔ̀n ko Andère re tsii, Yàkubà ko Yùxanà sa yeè bà ni è ka.

Marikì 13:3

Tà shɔ̀ùn, Yesù yè bè e tsuù oliviku rèè jèèn tsɛ, à jaa yè bà kereò Ŋaablà re gbà blàa rà. À ni mɔn, Piyɛrì, ko Yàkubà, ko Yùxanà, ko Andère yeè b'a tey e si.

Marikì 6:30

Àyìwà, kɛɛradzin neè daun yè bo jìɛ̀ rà, yè nà e ladzyèè Yesù tɛyn. È goo o goo fau jìɛ̀ doùn, ko è goo o goo kàraun mòdzian nà, yè tɔ̀ sapɛ lakɛ̀ɛ̀y à ra.

Lukì 11:49

Tɔ̀ rii y'à to, Ŋaablà re akiriblabeè doùn, è bà na à deò nèe tsuru ci: "Mun nà n ne kɛɛra ì, ko kɛɛradzin ì ka bè è re. È nà swey vu, yè swey byɛn."»

Lukì 22:14

Àyìwà, ɲwɛɛ̀n waatsi nàu wɔ, Yesù ko e re kɛɛradzin neè yè bè e tsuù ɲwɛɛ̀n nà.

Lukì 22:8

Tɔ̀ ɲan, Yesù yè Piyɛrì ko Yùxanà ka. È dzin è ra ci: «Ye bè Geren n tsɛɛ̀ sɛr'là ɲwɛyn goo jaa bo tsùù mùn ne.»

Lukì 5:10

Mòkun fii nìì reè na ni ko Shimɔ̀n ka, tɔ̀ na Zhebede tsoo sɔn naa dzin kpiri fii. Twɛy tsoo na Yàkubà ko Yùxanà. Twɛy sa ɲɛyn na shɛɔn tà tsuru. Tɔ̀un, Yesù yè dzin Shimɔ̀n nà ci: «Maà shi waa ! È sen dòònuùn nà, wo nà bà mòdzin ì nì gaa, yè bà Ŋaablà raa jàci wo na ji rèè kuàn nìi tsuru.»

Lukì 9:10

Àyìwà, kɛɛradzin neè sèè nau waatsi riì bwèy yè bo jìɛ̀ rà, è goo o goo fau jìɛ̀ doùn, yè nà tɔ̀ sapɛ lakɛ̀ɛ̀y Yesù rà. Tɔ̀un, Yesù yè fù è ka, è bo è ka mòdzian tɛyn, yè bè fɔ wɔ̀ sɔn kpakèrè ci Bɛtsisayidà.

Yùxanà 12:22

Kàràndzin neè ɲàn, nìi tsoo Andère, Fìlipù yè b'a jaa dè tɔ̀ ra. Tà shɔ̀ùn, è fiɛ̀ sa yeè dzi Yesù tsɛ, y'à jaa dè à ra.

Yùxanà 13:23

Tɔ̀ y'a tàrà, kàràndzin neè mòò sɔn na ni, Yesù na nìi kɛ̀niɔ̀n. È tsùuŋmaà ɲwɛɛ̀n nà yè e nɔnkɔ̀nma, tɔ̀ kàràndzian na sàraɔ̀ Yesù ra ceu.

Yùxanà 20:2

Tɔ̀un, è vwɛ̀yn be, è b'a jaa dè Shimɔn Piyɛr'là, tà ko kàràndzin niì goo na dzi Yesù rà. À ci è ra ci: «È Tsìfaà sen bou fùnkɔɔ doùn, ɲe to na à tɔ̀, y'à jiɔ̀ min niì waa.»

Yùxanà 21:2

Shimɔn Piyɛrì tà ko Tomà, tɔ̀ niì kir'là fìrìkàmaa ko Natanayɛlì è bo Kanà wɔ̀ rɔ̀n, Galile mar'la ɲàn, ko Zhebedè raa dzin kpir'leè ko kàràndzin fii kpɛ̀rɛ̀kuru ì twɛy sapɛ na ni esire.

Yùxanà 21:20

À yè è to tɔ̀ goomaa nà, Yesù kàràndzin niì kɛ̀niɔ̀n, Piyɛrì yè e jaa kere, è tɔ̀ nàkɔɔn ja è kpɛyn. Tɔ̀ kàràndzian nì na e kanman beò Yesù ɲìɛ̀ kpàkèrè ɲwɛyn ɲɔnma nɔ̀n, à y'à tey ci: «Tsìfaà, tsì rii wo jàànfabaà ?»

Yùxanà 21:24

Tɔ̀ kàràndzin soo rìì twɛy goo rèè shɛɛrɛbe faa, wò rii to yè sɛbɛɔ̀n. Ɲe sa y'a tɔ̀, ci à re shɛɛrɛbee sààben.

Yùxanà 6:67

Tà doùn, Yesù yè e re kàràndzin teeŋ fii rèè sa tey ci: «Ye do, à na ni ye sa duùn ye y'à waa gbɛ ?»

Yùxanà 6:70

Yesù yè dzin è ra ci: «Mun nì na ye mòkun teeŋ fiɛ̀ sa bo n jaa ra ɔ ? Ŋà, mòò sɔn ni ye ɲan, tɔ Sànwɔbaà rè mòdzin !»

Yùxanà 6:71

À re kàràndzin neè ɲàn, nìi tsoo na Yudasì, à fàà tsoo yè bà Shimɔn Sikariyɔtsì, à na tɔ̀ rii gooma deè tɔ̀ tsuru. Wò rii na Yesù jàànfabaà, tà to y'à tàrà, à sa na Yesù rè kàràndzin teeŋ fii rèè sɔn ni.

Yùxanà 6:8

Shimɔn Piyɛr'laa tseyn kpiri Andère, è bà Yesù rè kàràndzian sɔn, tɔ̀ yeè dzin à ra ci:

Kɛɛradzin neè faadziɛ 1:13

È nàu wɔ Yerusalɛmùn, è dɛ̀rɔɔ̀n yè e si ladzyee sangaso nìi doùn, yè bè dɔ̀n mɔn. À na Piyɛrì, ko Yùxanà, ko Yàkubà, ko Andère, ko Fìlipù, ko Tomà, ko Batelemin, ko Matsiyù, ko Àlifù raa dzin kpiri Yàkubà, ko Shimɔ̀n, nìi kir'là ci Zhèlɔtsì fàtsiɛ kùùnkààfabaà, tɔ̀ yeè kòmànà ɲɛn Yàkubà raa dzin kpiri Yudè tsɛ.

Kɛɛradzin neè faadziɛ 1:26

Àwà, è Ŋaablà mafyɛ̀n dòu tà tsuru waatsi riì bwèy, yè kaan ji. È kaan jiu, kaan yè Matsiyasì rìì kpàdè. Tɔ̀un, Matsiyasì yè bà kɛɛradzin neè dzyee teeŋ sɔɔn tɛ̀y.

Kɛɛradzin neè faadziɛ 12:2

Tɔ̀un, nìi kɛɛradzin Yùxanà raa tsìnà kpiri Yàkubà, à y'à to, yè tɔ̀ vu kaamunun ka.

Kɛɛradzin neè faadziɛ 3:1

Àyìwà, sii sɔn see ɲɛ̀rɛɛ̀ rà, è dɛ̀rɔɔ̀n yè Ŋaablà blabee waatsi riì ɲàn, Piyɛrì ko Yùxanà yè fù, yè dɔ̀n be Ŋaablà re gbà blàa rà esire.

Korɛntsika reè jɔ̀naà 15:7

Tà shɔ̀ùn kɔn è yɛrɛ kpadè Yàkubà rà, tà ko è yɛrɛ kpadè kɛɛradzin neè sapɛ ra.

Efɛsika reè 4:11

Wò rii swey bou yè bà kɛɛradzin ì, swey yè bà kɛɛra ì, swey yè bà kùnàgòòdzìùdebaa ì, swey yè bà kplatsuubaa ì ko kààmoo ì.

Dzyèèsìbee mòdzin neè 3:1

Tɔ̀ rii kamà n neema ì, Ŋaabla ye nìì reè kiriɔ è ye bà e raa, m'a gaa, ye e akiri to Yesù tsɛ, wò rii Ŋaablà re kɛɛraa è bà Saaka Jɔundzin, Ŋaablà re shia doùn, mùn tɔ̀ niì goo dèe.

Piyɛrì jɔ̀naà 1:1

Mun Piyɛrì, Yesù Kirisà rè kɛɛradzian, nèe mun ne sɛbɛn, è sìn Ŋaablà jaara moo rèè rà, twɛy nìì reè jee jiɔ̀ yè bà ni tɔnɔnbee rà Pɔn mar'la, ko Galatsi mar'la, ko Kapadɔsi mar'la, ko Azhi mar'la, ko Bitsinin mar'la ɲàn.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Yùxanà fiiraa 1:1

Mun ɲɛynamoo kur'là bɔɔ̀, nèe mun ne sɛbɛn, è sìn Ŋaablà re tàan ɲankɛrɛunmaà ko e dzin nèè rà, mun twɛy nìì reè kɛ̀niɔ̀n è ɲɛn sààbeen tsɛ. À na mun soo re è kɛ̀niunma waa, ŋà nìì reè sapɛ rii sààbeen tɔɔ̀.

Yùxanà zhììgìraa 1:1

Mun ɲɛynamoo kur'là bɔɔ̀, nèe mun ne sɛbɛn, è sìn wo Gayusì rà, wo rìi mun ne kɛ̀niunmaà, min bà wo kɛ̀niɔ̀n sààbeen tsɛ.

Goo kpàdèuma rèè 1:1

Àyìwà, nèe Yesù Kirisà rè goo kpàdèuma, Ŋaabla nìi wɔu à suun, è bà ni à kpàdè e re jòn nèè rà, nìi nà fa sani dɛyn. Tà doùn, Yesù sa yeè e re mɛ̀rɛ̀kɛɛ̀ ka e re jòn kpiri Yùxanà rè, à y'à goò rèè kpàdè tɔ̀ ra.

Goo kpàdèuma rèè 1:9

Àyìwà mun Yùxanà, ye neema kpir'la, ko ye byɛnbefasià è ɲɛn Yesù rè goo rèè tsɛ, ye ko mun sa yeè bà soo à re màsàbee doùn, mìn bà e mɔɲɔɔ̀n à kamà, mun kun bèu Patsimɔsì kòòyua fi dzɔ̀nxɔ̀ gane sɔn ɲan, Ŋaablà re Goomaa ko Yesù rè shɛɛrɛbee yè bà saabu.

Goo kpàdèuma rèè 18:20

Jìrànxɔɔ̀, a taama dzibe ! Ŋaa re mòdzin neè, ko kɛɛradzin neè, ko Ŋaa re kɛɛra reè, e sa yeè e taama dzibe ! Ye taama dzibe, kàtsu Ŋaabla kitsia kùnuun à tsɛ, è tɔ̀ ka ye tsìì sàrà à ɲan.»

Goo kpàdèuma rèè 22:8

Mun Yùxanà, mun twɛy goo rèè myɛ̀un, mun yè è jà. È myɛ̀unmaà, mun yè è jà, mɛ̀rɛ̀kɛ rìi yè è kpàdèu mun na, min kunun gban ji tɔ̀ bììn, ci mun nà n kuu m'a blàbe.