Tesalonikika reè jɔ̀naà 2:8 - Bible Dzùùngoo Unicode

⁸ ye goojaa na ni ɲe vunun tsɛ tà tsuru. À na ni niu'n kur'la, fɔ ɲe naà n'a re ɲe yè dàn Ŋaablà re Kùnàgoo Dziɔ̀ bàsɔùn dèè mà ye ra waa, ŋà ɲe yè e re jaamabee sìn sìùn'n kur'la sapɛ ra ye kamà, kàtsu ɲe ye kɛ̀niun fɔ è be geren.

Tesalonikika reè jɔ̀naà 2:8 Σταυροειδείς Αναφορές

Lukì 7:2

Kaadzin jɛrɛ̀blàtsi sɔn na ni tɔ̀ wɔ̀ɔ̀ doùn. Jòn kpiri soo na ni à re, tɔ̀ jòn kpir'là goojaa yè bà na xɔ à re, fɔ è bè geren. Yesù dɔ̀un wɔ̀ɔ̀ doùn, tɔ̀ y'a tàrà, jòn kpir'là na ɲìniɔ̀n jàci à ni san.

Ɔ̀rɔ̀mùnka reè 1:1

Nèe mun Pol'lè sɛbɛn, Yesù Kirisà rè jòn kpir'là. Mun kiriu min bà kɛɛradzin, min bo n si, min Ŋaablà re Kùnàgoo Dziɔ̀ dè.

Ɔ̀rɔ̀mùnka reè 10:1

Neema reè, mun nìi gaa gaaŋ'n kur'la sapɛ, min bà Ŋaablà mafyɛ̀ɛn à ra Dzyèèsìbee mòdzin neè rè, tɔ̀ rii yɛ, yè tsi.

Ɔ̀rɔ̀mùnka reè 15:29

M'a tɔ̀ min ba nà bè ye re, mun ko Kirisà rè dzwɛ dziitsyɛunmaà nì nà bè.

Korɛntsika reè fiiraa 12:15

Àwà mun ne, à ni mun mà, min suun gee sìn ye kamà, mun to nà n yɛrɛ ko e kur'la sapɛ rii sìn ye xɔɔn kamà. Min ye kɛ̀n è bè jɔun, mun kɛ̀nbààbee ni dzyɛnbe ye re o ?

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Galatsika reè 4:19

Mun dzin nèè, mun byɛnkɔɔn siin ye ka a ci tàan donkunkɔɔn, fɔ Kirisà yè bè e tsuùma bo ye ɲan.

Filipika reè 1:8

Ŋaablà yɛr'la mun shɛɛrɛ, ci ye sapɛ goojaa ni mun duùn fɔ è bè geren, è ɲɛn Yesù Kirisà ɲàn kɛ̀nbààbe brisià tsɛ.

Filipika reè 2:17

Ŋà, arì mun kɛ̀nsɛɛn ye ba nà kon a ci mììngè saaka rìì è ɲɛn ye re ɲɛynaà saakaà ko a faagoò tsɛ, mun taama dzi, mun taama to yè bà dzi ye sapɛ ka.

Filipika reè 2:20

È ɲɛn à tsɛ, Tsimotè boshɔ̀ùn, mòò pɛn kpɛrɛ na ni nìi ko mun kɛ̀sɛmàà sa soo ye raa goò tsɛ, è bà à vyɛ̀ɛ goo taki waa.

Filipika reè 4:1

Tà doùn, mun neema reè, mun ye nìì reè kɛ̀niɔ̀n, ye kuru yè bà ni mun na fɔ è bè geren, ye yè bà mun ne taamadzibeè ko mun ne dzi tar'la màsà baanflaa, e san gbaunma yè to Tsìfaà ɲàn, n ne kɛ̀niunma rèè.

Kolosika reè 1:28

Ɲe Kirisà rìi gooma deè, ɲe yè mòdzian sapɛ lasɔ̀nmin, ɲe yè è kàràn akiriblabeè sapɛ ka, à wò rii. Ɲe tɔ̀ faa gè riì ni à to, ɲe yè mòdzian sapɛ dziitsyɛunma kpàdè Kirisà ɲàn.

Kolosika reè 1:7

Epafarasì, ɲe faagoofasi kɛ̀niunmaà tɔ̀ rii tɔ̀ kàr'nà sìun ye ra. À Kirisà rè faagoofadzin vusootsi, è bà faagoò faa ye re.

Kolosika reè 4:12

Epafarasì, Yesù Kirisà rè faagoofadzian, è bà ye sɔn, tɔ ye tswàa. À re Ŋaabla mafyɛyn nèè doùn kudɛyn, à ni kaà rà ye kamà, gè riì ni à to ye sàn gbaunma yè to, ye dzii yè bà tsyɛɔ̀n, ye yè bà mɔɔ̀n Ŋaablà saɔ sapɛ doùn.

Filemɔ̀n 1:1

Mun Polì, Yesù Kirisà rè kàsòdzian ko Tsìmotè, mùn neema kpir'la, nèe ɲe re sɛbɛn, è sìn wo Filemɔ̀n nà, ɲe re kɛ̀niunmaà, ko ɲe faagoofasià.

Dzyèèsìbee mòdzin neè 13:17

Ye e toro wɔ e jɔundzin neè rè, ye e majàà è re, kàtsu, ye rìì ye kààwɔɔ̀ kudɛyn. È taa n'a mà, ci sii sɔn see, ye nà e re faagoò kpunan bo Ŋaablà re. Ye ye tɔ̀ fa, tɔ̀ rii nà à to, yè e re faagoò fa taamadzibe ka, à fa bà taamaŋununbe ka waa. Tà boshɔ̀ùn, è fa taamaŋununbe ka, ye re mɛɛy rìì ni tɔ̀ ɲan.

Yùxanà jɔ̀naà 3:16

Ɲe kɛ̀nbààbee tɔ̀ è ɲɛn nìi tsɛ, tɔ̀ rii siin: Kirisà yè e xɔɔn sìun ɲe kamà. Tà doùn, ɲe sa wù ɲe yè e xɔɔn sìn neema reè kamà.