Διαδικτυακή Βίβλος

« Προηγούμενος

Επόμενο »

Piyɛrì jɔ̀naà 3:18 - Bible Dzùùngoo Unicode

¹⁸ Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Δείτε το κεφάλαιο αντίγραφο

« Προηγούμενος

πήγαινε πίσω ⬆

Επόμενο »

Piyɛrì jɔ̀naà 3:18
34 Σταυροειδείς Αναφορές

Matsiyù 27:19

Tà doùn, Pilatsì tsùuŋmaà kitsikununma nɔ̀n, à re tààn yè nèe kɛɛrɛbe rèe ka à re, è dzin à ra ci: «Maà a san ji nèe mòdzin tereonma rèe re goò ɲàn dɛ ! Mun byɛn gereun feèn dzuun sìrààn ɲàn à kamà.»

Δείτε το κεφάλαιο

Matsiyù 27:24

Àwà Pilatsì nàu à jà wò fa gèsɔn pɛn wùbe à ɲan dɛ, màànkaan blàbe beè vu rìi mà à blàbe beè tɔ̀ vuà rìì mà, è yu sen è sira foò jàmaà jaa ra, è dzin è ra ci: «Nèe kpir'lee vua na n ne goo, à ye rìì lè goo.»

Δείτε το κεφάλαιο

Yùxanà 16:10

À y'à kpàdè è ra, ci è fìriɔ̀ goo tereonmaà raa goò kàjaa tsɛ, kàtsu mun bèe Fà Ŋaablà re, ye to fa mun jà dɛ.

Δείτε το κεφάλαιο

Kɛɛradzin neè faadziɛ 22:14

È dzin mun na kɔn ci: "Ɲe fàbɔɔ rèè rè Ŋaablà na wo bo tsùuŋnà e jaara, sànko, nìi y'à sàɔ, wo yè tɔ̀ tɔ̀. Mòò sɔn nìi tereòn tɔ̀ yeè bà Yesù, wo yè tɔ̀ jà, tà ko wo y'à vu myɛ̀n.

Δείτε το κεφάλαιο

Kɛɛradzin neè faadziɛ 3:14

Ɔ̀ɔn, ye yè e nɔun mòdzìn fɛnɛ tereonmaà rè, ye y'à gaa ci yè mòdzìnvubaà rìì bo bàji.

Δείτε το κεφάλαιο

Ɔ̀rɔ̀mùnka reè 1:4

À kpunan boumaà fùn nèè fi, Ŋaablà re Dzi Fɛnɛɛ y'à kpàdèu dzibaabe ka ci à Ŋaablà dzin, Yesù Kirisà, mùn Tsìfaà.

Δείτε το κεφάλαιο

Ɔ̀rɔ̀mùnka reè 4:25

À dɔ̀un dziira mùn ne fìrìgoo rèè rìì kamà, è sèè kpunan bo saàn ɲàn, è kpadè ci mùn tereòn.

Δείτε το κεφάλαιο

Ɔ̀rɔ̀mùnka reè 5:2

Yesù rìì baraka ɲan, è kòrò ɲɛynaà ka, mùn nìn bàu ni Ŋaablà ɲanwùɔ ɲàn, mùn sàn gbaunma ni tɔ̀ niì ɲàn. Ɲe wàsau, è ɲɛn à tsɛ, ɲe si xɔ à tsɛ ci ɲe nà Ŋaablà nɔɔrɔɔ̀ tàrà.

Δείτε το κεφάλαιο

Ɔ̀rɔ̀mùnka reè 8:11

Tà doùn, mòò riì rè Dzi Yesù kpunan bou fùn nèè fi, tɔ̀ ye ba ni ye ɲan, tɔ̀ niì Kirisà kpunan bou fùn nèè fi, tɔ nà à to ye gɔn nìì reè saàn, twɛy yè jaamabee fa e re Dzia baraka rɔ̀n, tɔ̀ niì tsùuŋnà ye ɲan.

Δείτε το κεφάλαιο

Ɔ̀rɔ̀mùnka reè 8:3

Àwà sàrìyaa fa ni dzi nìi fa waa kàtsu à ŋɔn fyɛnbeu mòdzin ne fààn dzyɛnbee kamà, Ŋaablà tɔ̀ fau. Gooɲaan yè bà saabu, è yɛr'la Dzin Kpir'la bàji nau adamàdzin mòdzin gooɲaantsi rèè bosi, è nà gooɲaan raa bara gɔɔ̀n ɲàn.

Δείτε το κεφάλαιο

Korɛntsika reè fiiraa 1:24

À na ni a ci ɲe ye kùntsii ì rìì ye re ɲɛynaà kàjaa tsɛ dɛ. À na tà tsuru waa, ŋà ɲe ye re taamadzibeè rìì faa ye ka. È ɲɛn à tsɛ, ɲɛynaà doùn, ye san gbaɔn.

Δείτε το κεφάλαιο

Korɛntsika reè fiiraa 13:4

À sààben, à kpɛ̀yn gbaun gɔɔ̀ rà è ɲɛn à re ŋɔ̀nfyɛ̀nbeè tsɛ. Ŋà à jaama ni dòònuùn, Ŋaablà re dzibaabee baraka rɔ̀n. À ɲan, ɲe sa ŋɔn fyɛn, ŋà Ŋaablà re dzibaabee baraka rɔ̀n, ɲe nà bà jaama ko à ka ye kàjaa tsɛ.

Δείτε το κεφάλαιο

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Δείτε το κεφάλαιο

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Δείτε το κεφάλαιο

Galatsika reè 3:13

Kirisà ɲe kùngɔ màbou sàrìyaa dangaa suun, à yɛ̀r'la yè bà danga ɲe kamà, kàtsu à sɛbɛɔ̀n ci: «Mòò o moò nà gban gɔɔ̀ rà, tɔ̀ yeè danga.»

Δείτε το κεφάλαιο

Efɛsika reè 3:12

Kirisà rìì ɲàn, ɲɛynaà baraka ɲan à ra, mùn ko akiritsuu dzia e kpɛrɛ̀ Ŋaablà ra, mìn gooma à ka, mùn na shiɔ̀ waa.

Δείτε το κεφάλαιο

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Δείτε το κεφάλαιο

Dzyèèsìbee mòdzin neè 10:10

È bà à kpàdèe sa, ci Ŋaablà Jaara Moo Yesù Ŋaablà saɔ fau. È gɔɔ̀n siun saaka jaa soo pe, à y'à ka mùn fòò fyɛ bo e re gooɲaantsiɛ ɲàn.

Δείτε το κεφάλαιο

Dzyèèsìbee mòdzin neè 9:14

Twɛy gè rèè ye ba dzia mòdzian fɛnɛbe tɔ̀ tsuru, Ŋaablà Jaara Modzìàn raa tsììn niì vùn tɔ̀ sapɛ ma do, tɔ̀ fa mùn duɔ̀n fòò fyɛ bo fabɛy goo reè ɲàn, à to mìn faagoò fa Ŋaablà jaamaa rè ò ? Ŋaablà re Dzi dobɛɛ baraka rɔ̀n, wò rii yè e yɛrɛ siun Ŋaablà ra a ci dzwɛka saaka, fyɛ̀ na ni nìi rà waa.

Δείτε το κεφάλαιο

Dzyèèsìbee mòdzin neè 9:26

È ba na tɔ̀ tsuru, è sen fɔ dziɲaan jɔ̀n bwey, à na nà bà byɛn jaa giri faɔ̀. Ŋà, nèe waatsi latan nee ɲan, à nàu, è nà e yɛrɛ sin saaka jaa soo pe rii, sànko è gooɲaan fàan bara.

Δείτε το κεφάλαιο

Dzyèèsìbee mòdzin neè 9:28

Tɔ̀ fau'n kuru soo rà, Ŋaablà Jaara Modzìàn sa bàu saaka jaa soo pe rii, è mòdzian rè gooɲaantsiɛ mɛɛy bo è vu ra. À tou è nà e jaa fiira ɲan kɔn. Tɔ̀un, à fa bà gooɲaantsii reè mɛɛy kamà dɛ waa, Ŋà, nìì reè y'à màshua, à nà bà naɔ̀ twɛy rìì tsi.

Δείτε το κεφάλαιο

Yàkubà 5:6

Ye kitsi mɛrɔun mòdzin tereonmaà tsɛ y'a vu, à na dzi ye sɔ̀swɛy tsu waa.

Δείτε το κεφάλαιο

Piyɛrì jɔ̀naà 3:19

Nìì reè xɔɔn ni kàsoò rà laxaran, à bèu tɔ̀ rii tsuru, è bè Kùnàgoo Dziɔ̀ dè twɛy rà.

Δείτε το κεφάλαιο

Piyɛrì jɔ̀naà 4:1

Àwà, a ci Kirisà byɛun gɔɔ̀n ɲàn nìi tsuru, e sa yeè fààn wɔ e ɲan tɔ̀ kɛ̀sɛmà soo ka. È ɲɛn à tsɛ, mòò riì byɛun gɔɔ̀n ɲàn, tɔ dzi tarau gooɲaan tsɛ.

Δείτε το κεφάλαιο

Piyɛrì jɔ̀naà 4:6

È ɲɛn tɔ̀ tsɛ, Kùnàgoo Dziɔ̀ bèu dè fùn nèè sa ra, gè riì ni à to è kitsiumaà shɔ̀ùn gɔɔ̀n ɲàn adamadzin dzyee reè tsuru, yè jaamabee fa Ŋaablà re Dzia baraka rɔ̀n.

Δείτε το κεφάλαιο

Yùxanà jɔ̀naà 1:9

Mìn ba e tsiɛ à ra ci gooɲaantsiɛ ni mùn vu ra, à vusootsi è bà tereòn. À nà e yɛrɛ to mùn ne, è mùn fòò bo e re terenbɛy goo sapɛ ɲan.

Δείτε το κεφάλαιο

Ακολουθησε μας:

Διαφημιζόμενοι χορηγοί

Διαφημίσεις

Διαφημίσεις