Yùxanà jɔ̀naà 2:2 - Bible Dzùùngoo Unicode

² Wò rii bàu saaka, è mùn ne gooɲaantsiɛ mɛɛy bo mùn vu ra, à to na ɲe bàsɔùn waa, à dziɲantsiɛ sapɛ rii.

Yùxanà jɔ̀naà 2:2 Σταυροειδείς Αναφορές

Lukì 14:22

Tɔ̀un, jòn kpir'là yè bè twɛy mòdzin neè gaa na. À nàu wɔ, è dzin e kuntsiɛ̀ rà ci: "Kùntsiɛ̀ mun kpɛ̀yn wo re dèumaà fau, ŋà, gàneè na tsyɛn ŋe waa."

Yùxanà 1:29

Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà.

Yùxanà 12:32

Min na ɲansen fu jìran nɔ̀n waatsi riì bwèy, mun nà mòdzian sapɛ lawɔ n tsɛ.»

Yùxanà 4:42

Yè dziàn taàn nà ci: «Wo raa goomaa shɔ̀ùn ɲe ɲɛun à ra. Ɲe yè ɲɛn à ra kɔn, kàtsu à goomau ɲe yɛ̀r'la jaa ra. Ɲe y'à tɔu, ci mòò riì dziɲaan mòdzian tsibaà e re gooɲaan nà, à wò rii taki.»

Dzyèèsìbee mòdzin neè 2:17

Tɔ̀ rii kamà, à na wù, è bà e neema reè tsuru mòdzin kàjaa sapɛ tsɛ, sànko, è bà Saaka Jɔundzin, wùù ni nìi ɲàn, è bà vusootsi Ŋaablà re faagoò doùn. Tɔ̀ na wù è fa, sànko è mòdzian rè gooɲaantsii reè bo è vu ra.

Piyɛrì jɔ̀naà 2:24

À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Yùxanà jɔ̀naà 1:7

Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.

Yùxanà jɔ̀naà 3:5

Y'a tɔ̀ ci Yesù nàu, è bà ni mòdzian rè gooɲaantsiɛ mɛɛy bo è vu ra, nìi to y'à yɛ̀r'la, gooɲaantsii na ni à vu ra waa.

Yùxanà jɔ̀naà 4:10

Kɛ̀nbààbee rìì siin nèe: À na ni a ci ɲe rìì Ŋaablà kɛniun dɛ, ŋà wò rii ɲe kɛ̀niun, nìi yɛ è Dzin Kpir'la sìun saaka, è bà ni ɲe re gooɲaantsiɛ mɛɛy bo ɲe vu ra.

Yùxanà jɔ̀naà 4:14

Nìi ɲe, ɲe y'à jàu, ɲe to y'à shɛɛrɛbe faa, ci Fà Ŋaablà yeè e Dzin Kpir'la ka nau, è nà bà dziɲantsiɛ Tsibaa.

Yùxanà jɔ̀naà 5:19

Ɲe y'à tɔ̀ ci ɲe Ŋaablà raa, dziɲan ko e kur'la, tɔ̀ sapɛ ye bà ni Sùtana suun.

Goo kpàdèuma rèè 12:9

Kparan ɲan blaa yè maa bo jìrànxɔɔ̀ doùn tɔ̀un, tɔ̀ niì myɛn bɔrɔɔ, è bà kir'là Sànwɔbaà ko Sùtana, nìi mòdzian sàn fìr'la dzɔ̀nxɔɔ̀ tsɛ. À ko e kpɛyn mɛ̀rɛ̀kɛ rèè sa yeè maa dzɔ̀nxɔɔ̀ tsɛ.