Korɛntsika reè jɔ̀naà 5:4 - Bible Dzùùngoo Unicode

⁴ Àwà, ye na e ladzyèè mùn Tsìfa Yesù tsoo ra, mun sa yeè bà ni ye ka tɔ̀ làdzyee koùn akir'là kàjaa tsɛ, è kòrò à re fàan ka,

Korɛntsika reè jɔ̀naà 5:4 Σταυροειδείς Αναφορές

Kolosika reè 3:17

E naà goo o goo dè, e to nà goo o goo fa, y'a sapɛ fa Tsìfa Yesù tsoo ra, ye baraka sìn Fà Ŋaablà ra à baraka rɔ̀n.

Korɛntsika reè fiiraa 13:3

È ɲɛn à tsɛ ye tàànmàshɛn ni gaa nìi nà à kpàdè ye ra, ci Kirisà goomaa mun ɲan. Kirisà ŋɔ̀n na fyɛn ye kàjaa tsɛ waa, ŋà è re dzibaabee kpàdèe ye ɲan.

Yùxanà 20:23

Ye ye mòò o moò raa gooɲaantsii mɛɛy bo tɔ̀ vu ra, tɔ mɛɛy bou taki rii. Ye to ma mòò o moò raa mɛɛy bo tɔ̀ vu ra, à ni tsuù à vu ra.»

Tesalonikika reè fiiraa 3:6

Neema reè, mùn nìi dè wɔɔ e suun mùn Tsìfa Yesù Kirisà tsoo ra, tɔ̀ rii yɛ ci neema ge o ge pìrìpàrà modzìn, à to na jiɛ ɲe re kàràn sìunmaà tsɛ waa, ye e mabo tɔ̀ ra.

Matsiyù 16:19

Mun nà Jìrànxɔɔ̀ Màsà ganee nèèdzin neè wɔ wo suun. Wo y'a nɔn goo o goo mà dzɔ̀nxɔɔ̀ tsɛ, mòò fa e tsiì tɔ̀ ra jìrànxɔ rɔ̀n tsu waa. Wo to y'a tsiì goo o goo ra dzɔ̀nxɔɔ̀ tsɛ, mòò fa e nɔn tɔ̀ mà jìrànxɔ rɔ̀n tsu waa.»

Efɛsika reè 5:20

Ye baraka sìan mùn Fà Ŋaablà ra waatsi sapɛ, goo sapɛ doùn, mùn Tsìfa Yesù Kirisà tsoo ra.

Korɛntsika reè fiiraa 13:10

Tɔ̀ kamà è mun to mun dan gbàn ye ra, mun nèe sɛbɛn nee kaà ye re, gè riì ni à to min na bà ni mɔn, mun mà goo rèè jaa bo ɲinmataanbe ka è kòrò Tsìfaà rè fààn siunmaà ka mun na waa. È ɲɛn à tsɛ, à na tɔ̀ siɔ̀n mun na ye bara kamà waa, ŋà ye yè fààn tarà.

Kɛɛradzin neè faadziɛ 16:18

È tɔ̀ fa, è bè tàrà, fɔ jisee giri. Sii sɔn see, à goò yè nà Polì vunun ta, è jaa kere tɔ̀un, è dzin kweè rà ci: «Ŋaablà Jaara Moo Yesù Kirisà tsoò baraka rɔ̀n, mun ci e bo tàan rèe kpɛyn !» Tɔ̀ nɔ̀nkɔɔrɔn ko e sa, kweè yè bo à kpɛyn.

Kɛɛradzin neè faadziɛ 3:6

Piyɛrì yè dzin à ra tɔ̀ rii ɲàn ci: «Warifyɛ na ni mun ne, sɛnu tsu to na ni mun ne waa. Ŋà, nìi ni mun ne, mun nà tɔ̀ sìn wo ra. Nazarɛtsika kpiri Ŋaablà Jaara Moo Yesù tsoò baraka rɔ̀n, fù e jìì !»

Matsiyù 28:20

N goo o goo dèu e ra, ye tɔ̀ sapɛ karàn è ra, y'à màrà. Àwà fɔ dziɲan yeè bè dò, màan ji o ji seroun, mun ni ye ka.»

Matsiyù 28:18

Yesù yè e kpɛrɛ̀ tɔ̀un, è gooma è ka. À ci: «Dzia sapɛ dzyeèma sìun mun na, jìrànxɔɔ̀ doùn ko dzɔ̀nxɔɔ̀ tsɛ.

Matsiyù 18:20

Àwà, mòkun fii, tàmafa mòkun zhiigi ye e ladzyèè min o min mun tsoo ra, mun ni è fi.»

Kɛɛradzin neè faadziɛ 4:30

A re dzia kpàdè, sànko wo re faagoofadzin fɛnɛ Yesù tsoò baraka rɔ̀n, mìn dzi ɲìnìnkɔɔn reè cɛrɛmabe, mìn kabagoo goo ì fa.»

Korɛntsika reè fiiraa 2:6

Mòò giri nìi dèu ye ɲan, y'à ka tɔ̀ kpir'la jààki, tɔ boyi faa.