Korɛntsika reè jɔ̀naà 1:5 - Bible Dzùùngoo Unicode

⁵ Ɔ̀ɔn, Yesù Kirisà ɲàn, Ŋaabla ye bàu gètsi kàjaa sapɛ tsɛ. Goomaa kàjaa tsɛ, twɛ̀ɛ kàjaa tsɛ.

Korɛntsika reè jɔ̀naà 1:5 Σταυροειδείς Αναφορές

Korɛntsika reè fiiraa 9:11

Tà tsuru, ye nà bà gètsi kàjaa sapɛ tsɛ, ye yè dzi e si foro, ye yè kwɛ̀ɛ fa fau'n kur'la sapɛ, nìi nà bà saabu mòò giri yè baraka sìn Ŋaablà ra è ɲɛn ɲe re faagoò tsɛ.

Korɛntsika reè fiiraa 8:7

Àwà ye gètsi kàjaa sapɛ tsɛ. Ɲɛynaà kàjaa tsɛ, goomaa kàjaa tsɛ, twɛ̀ɛ kàjaa tsɛ, sɔ̀bɛ̀nbee kàjaa tsɛ, kɛ̀nbààbee kàjaa tsɛ, ye tɔ̀ riì tàrau ɲe re. Tɔ̀ soo tsuru, ye bà gètsi si for'la sa kajaa tsɛ, nèe goo rèe doùn.

Kolosika reè 2:3

akiriblabeè ko twɛ̀ɛ nàfor'la sapɛ mɛnɛn tsùuŋnà tɔ̀ niì ɲàn.

Filipika reè 1:9

Mun Ŋaablà mafyɛ̀ɛn nìi rà, tɔ̀ rii yɛ ci sɔn yeè bà beè ye re kɛ̀nbààbee tɛ̀y kudɛyn, twɛ̀ɛ ko akiritsifabee sapɛ ni nìi ɲàn,

Ɔ̀rɔ̀mùnka reè 15:14

Mun neema reè, nìi mun yɛ̀r'la, mun ɲɛɔ̀n à ra è fyɛ, ci nìi ye, ye ɲan tsyɛɔ̀n ŋɛ̀nɛ̀ɲan wuɔ rà, twɛ̀ɛ sapɛ ni ye ɲan, ye yè bà dzia e si latsi.

Yàkubà 3:13

Tsì rii ni ye ɲan è b'a jàa ci wò akiri blà, è bà dzi ? À tsìfa yè e faadziɛ ka à kpàdè e fau'n kuru wuɔ saabu rɔ̀n. È vununmacin ka à kpàdè ci wò akiri blà.

Kolosika reè 3:10

ye yè yeo ji e ma. Ye tɔ̀ niì jiu e ma, tɔ bà beè yeu, è twɛ̀y dziitsyɛunma sìn ye ra è kòrò à ɲɛnbaà niu'n kur'la ka.

Efɛsika reè 6:19

Ye Ŋaablà mafyɛ̀n mun sa re gè riì ni à to, mun ye n dzu san ci mun nà gooma, min dzi Kùnàgoo Dziɔ̀ gòndoo dè fyɛ ko akiritsuu ka.

Efɛsika reè 1:17

Mun tɔ̀ faa, gè riì ni à to, mùn Tsìfa Yesù Kirisà rè Ŋaablà, nɔɔrɔɔ̀ Fàà, tɔ̀ yeè akiriblabe sìn ye ra, è bà goo rèè kpàdèe, ye yè dzi Ŋaablà tɔ cɛyn.

Korɛntsika reè jɔ̀naà 12:8

Akiritsifabe goòmàà, Ŋaablà re Dzia tɔ̀ sìan sɔn na. Twɛ̀ɛ goomaa, è tɔ̀ sìn sɔn na tɔ̀ Dzi soo rìì baraka ɲan.

Piyɛrì fiiraa 3:18

Ŋà ye bɔɔ bè jɔun ni, mùn Tsìfa ko mùn Tsibaa Yesù Kirisà ɲanwùɔ ko à tɔ̀ɔ̀ doùn. Nɔɔrɔ yè ɲɛn à tsɛ dòònuùn, fɔ waatsi sen ɲɛn waatsi tsɛ ! Àmiinà !

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

Efɛsika reè 2:7

À tɔ̀ fau, è bà ni e ɲanwùù brisi dàn tɔ̀ bɛɛ kpàdè waatsi nakɔɔn doùn è kòrò à re wùɔ ka mùn kàjaa tsɛ, Yesù Kirisà ɲàn.

Korɛntsika reè jɔ̀naà 13:2

Mun to kɛ̀nsɛɛn ye ba dzia kɛɛrabee fa, min bà gòndo reè sapɛ tɔ, twɛ̀ɛ sapɛ yeè bà ni mun ɲan, ɲɛyna yè bà ni mun ɲan arì nìi dzia jèn nèè bo e shɔùn, kɛ̀nbààbe ma ba ni mun ɲan, mun na gèsɔn pɛn waa.

Korɛntsika reè fiiraa 4:6

È ɲɛn à tsɛ, Ŋaablà riì dziun ci: «Vyevyeè yè den tsitsiɛ̀ fi», wò rii deun ɲe dùsùkun neè tsɛ, gè riì ni à to è bà ni e nɔɔrɔɔ̀ twɛ̀ɛ vyevyeè bo, tɔ̀ niì den deèn Kirisà jaakɔrɔun.

Korɛntsika reè jɔ̀naà 14:26

Tà doùn n neema ì, fee rìì wù è fa ? Ye ye e ladzyèè, sɔn dzia ye ceè, sɔn yeè mòò kàràn tàmafa è goò sɔn kpadè. Sɔn yeè gooma kun kpɛrɛ goòmà ì ɲàn, tàmafa à y'à dzuun de. Goò sapɛ yeè fa rii, è ka fààn wɔ mòdzian sapɛ ɲan.

Korɛntsika reè jɔ̀naà 13:8

Kɛ̀nbààbee fa mɛɛy jà waa. Kɛɛrabe goòmà rèè nà dò, kun kpɛrɛ goòmà rèè dèè dzii yè bà, twɛ̀ɛ yè dò.

Korɛntsika reè jɔ̀naà 12:10

À kabagoo goo reè faa dzia sìan sɔn na, è kɛɛrabe gooma rèè dèè dzia sìn sɔn na. À dzi siàn sɔn na è dzi dzi reè tɔ̀ bo e si ɲan, è dzi sin sɔn na, è bà dzia kungoòmà kpɛrɛkuru ì dè. È dzi sin sɔn na kɔn, tɔ̀ yeè bà dzia kungoòmà kpɛrɛkuru ì dzuun de.

Korɛntsika reè jɔ̀naà 8:11

Tà tsuru, Kirisà saun tɔ̀ neema faàn bɛy riì kamà, wo raa twɛ̀ɛ nà tɔ̀ bara.

Ɔ̀rɔ̀mùnka reè 15:4

Nìi sapɛ sɛbɛun dan, tɔ fau nì, è bà ni mùn kàràn. Tà ko twɛy gooma reè nà mɔ̀ɲɔn niì sìn mùn na, yè mùn màxɔ̀n, tɔ̀ yeè bà saabu mìn sixɔbema tarà.

Ɔ̀rɔ̀mùnka reè 11:12

Tà doùn, è re fìr'là ye ba bàu saabu tɔ̀ yeè nàfa blà wɔ dziɲaan tsɛ, è re mɛɛ̀ yè bà saabu tɔ̀ yeè nàfa blà wɔ kun kpɛrɛ mòdzin neè tsɛ, tɔ̀ na à kpàdèe ci è dziitsyɛunmaà fa à to goo blà yeè fa è geren tɔ̀ sapɛ tsɛ ɔ ?

Kɛɛradzin neè faadziɛ 2:4

Tɔ fau min niì, Ŋaablà re Dzi Fɛnɛɛ baraka rɔ̀n, è sa yeè e maa, yè goomaa kun kpɛrɛ goòmàà ì ɲàn, è naà nìi reè tɔ̀ bɔrɔɔ waa.

Korɛntsika reè fiiraa 6:10

Mùn jàa ci mùn taama ŋunun, mùn taama to dzi kudɛyn. Mùn jàa ci mun gbakɔɔn, tɔ̀ to y'à tàrà mùn mòò giri baɔ̀ gètsi. Mùn jàa ci gèsɔn na ni mùn suun, tɔ̀ to y'à tàrà gè sapɛ ni ɲe re.