तितस 3:12 - बान्‍तावा राई

¹² अर्तिमास माङ्‌लो तुखिकस अ़ङ्‌का खानाएदा बाइसुङ्‌योङ्‌वा खाना निकोपोलिस्‌दा अ़ङ्‌का तुप्‍सि देत्‍निकिनुछाङ बाना। देकिनालो अ़ङ्‌का मोदाङा चुङ्‌हिप ओन युङ्‌मानि मिनाङ्‌युङ्‌साङ।

तितस 3:12 Σταυροειδείς Αναφορές

छाम्‍माय़ङ 20:4

थोरेत्‌कापाङ म़नाचि पावल्‌एनान अ़क्‍नि म़कोला, मोचि बेरिया सहरादाओ पुरसओ अ़छा सोपात्रोस, थेसलोनिकेदाओ अरिस्‍तार्खस खोन्‍कि सिकन्‍दस खोन्‍कि दर्बिदाओ गायस खोन्‍कि तिमोथि खोन्‍किना एसिया धिखाहुप्‌दाङ्‌काओ तुखिकस खोन्‍कि त्रोफिमस म़याआङा।

१ कोरिन्‍थि 16:6

मात्‌दे, खानानिन्‌एनान अ़क्‍चित्‍कालेन युङ्‌ङा माङ्‌लो चुङ्‌हिप्‌छाङ क़प्‍तुङ। खोन्‍कि अ़ङ्‌का खादा खात्‍ङानुछाङ खानानिन्‌आ अ़ङ्‌कोन्‍खा तोङ्‌माप़मा त़ऱङाऩङ्‌ने।

एफिसि 6:21

अ़ङ्‌का दियाको मुङाङा खोन्‍कि दे च़ङाङा, मो खानानिन्‌आछाङ त़सिन्‍तुम्‍ने निकिना सोमातुक्‍तुङ्‌योङ्‌ओ निछा खोन्‍कि हाङ्‌पाएदा सोम्‍कुवा मुमा खान्‍तुओ हाङ्‌पाओ काचि कामु तुखिकस्‌आ झारा य़ङ्‌चि खानानिन खात़एत्‍तिन।

कलस्‍सि 4:7

अ़ङ्‌तुक्‌वादाओ झारा य़ङ्‌चि सोमातुक्‍तुङ्‌योङ्‌ओ निछा सोम्‍कुवा मुमा खान्‍तुओ काचि कामु खोन्‍कि हाङ्‌पाएदाओ यावा हारुक तुखिकस्‌आ खानानिन खात़एत्‍तिन।

२ तिमोथि 4:12

तुखिकस अ़ङ्‌का एफिसस्‌दा खाइसुङ्‌युङ्‌सुङ।

२ तिमोथि 4:21

चुङ्‌हिप्‍पा बुयाङा बान्‍मा अ़न्‍नुनु लामा। युबुलस्‌आ खाना सेवा ऩछोक्‍तायुङ्‌सा, खोन्‍कि मोवात्‍निङा पुदेस, लिनस, क्‍लौदिया खोन्‍कि झारा ब़ब़, नाना खोन्‍कि निछाचिआछाङ।

२ तिमोथि 4:9

अ़ङ्‌काएदा अ़न्‍नुनु च़क्‍नि बान्‍मा लामा।