रोमि 3:8 - बान्‍तावा राई

⁸ मोवात्‍नि ओन्‍ङा माआङ, खा-खाक्‍को म़नाचिआ “नुलोक लिने निकिना देकि अ़त्‍लो मान्‍च़दामा”नि आन्‍कान्‍का सुङ्‌याङ्‌सा लाहि ऩपाक्‍तिन्‌येन्‍का। साङ-साङ्‌चि मोवात्‍नि म़य़ङ, निनाम्‍हाङ्‌आ मोचि छ़ङ म़छेन्‍तुचि।

रोमि 3:8 Σταυροειδείς Αναφορές

मत्‍ति 5:11

खानानिन अ़ङ्‌का कात़ङ्‌चिओसा म़नाचिआ खानानिन ऩसुङ्‌तिन खोन्‍कि ऩल़क्‍तिन खोन्‍कि सोज्‍जेओ चेप्‌याङ्‌सा आम्‍नुओ देङ्‌सालाप्‍पादा झाराकापाराओ अ़त्‍लो ऩलोन्‌नालो खानानिन आसिखा कातोक्‌चि ओ।

रोमि 5:20

झारा म़नाचिआ देम हेवा म़मुवायुङ्‌सा, मो अ़सिन्‍ने निकिना निनाम्‍हाङ्‌आ अ़चुय़ङ्‌हुप म़पुवा, मेन खादा हेवा पोया, मोदा सोमाम्‍तुक्‍माछाङ च़लोक पोया।

रोमि 6:1

खोन्‍नालो आन्‍कान दे य़ङिन? दि निनाम्‍हाङ्‌ओ अ़चुसोम्‍तुक्‍मा पोन्‍ने निम्‍पाङ आन्‍कान हेवा मुमायुङ्‌मा म़ल़क?

रोमि 6:15

हान दि म़ल़क? दि आन्‍कान य़ङ्‌हुप्‌ओ अ़क़म्‍मादा अ़याइमिन्‌येन, मेन सोम्‍तुक्‍माओ अ़क़म्‍मादा आन्‍कान याइन्‌येन्‌ओसा हेवा मुमा म़ल़क? देम्‍खाछाङ माआङ।

रोमि 7:7

खोन्‍नालो आन्‍कान दे य़ङिन म़ल़क? य़ङ्‌हुप हेवा ओ? देम्‍खाछाङ माआङ! मेन य़ङ्‌हुप मात्‍द़ङ्‌याङ्‍ओदे, हेवा दि ओ अ़ङ्‌का मान्‍सिन्‍ङाओ। “खाना च़क्‍ख़य़ मान्‍मुदा”नि य़ङ्‌हुप मान्‌य़ङ्‌ओदे च़क्‍ख़य़ मुमा अ़अ़त्‍पाओ निकिना मान्‍सिन्‍ङाओ।

२ कोरिन्‍थि 11:15

खोन्‌ओसा ओ म़दोम्‍दाओ य़ङ माआङ, मोसोओ अ़हारुक्‌चिआछाङ साम्‌योक्‍मि म़नाचिओ अ़चुकात्‍मावात्‍नि म़फान्‍नान्‍चिन। मोचिओ अ़चुलुक्‍मा मोचिओ अ़चुकाचिवात्‍निङा लि।

२ कोरिन्‍थि 6:8

साया तोक्‍मादा खोन्‍कि साया मान्‍तोक्‍दामादा, अ़अ़त्‍पा ऩङ्‌दा खोन्‍कि अ़नुवाक ऩङ्‌दा, आन्‍कान्‍का म़नाकाच़न्‍चिवात्‍नि ऩमुन्‍का, खोन्‍नुछाङ अ़नुछ्‍याओ मुन्‌येन्‍का।

यहुदा 1:4

मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा। खा-खाक्‍को म़नाचि मान्‍सिन्‍मान्‍तोक आम्‍नुओ रादा म़ताचिआयुङ्‌सा। मोचि निनाम्‍हाङ मान्‍ब़क्‍कादा म़नाचि ओ, मोचिआ आन्‍निनाम्‍हाङ्‌ओ अ़चुसोमातुक्‍मा ताङ्‌लान्‌दा अ़फान्‍तायुङ्‌सा। आन्‍को अ़क्‍छा ओन्‍ङा ओ आन्‍हाङ्‌काचि कामु खोन्‍कि हाङ्‌पा येसु ख्रिस्‍त ऩङाअ़छित। मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा।