रोमि 2:12 - बान्‍तावा राई

¹² देम्‍साआ मोसाओ अ़य़ङ्‌हुप मात्‍द़ङ हेवा म़मुवायुङ्‌सा, मोचि य़ङ्‌हुप मात्‍द़ङ्‌ङा म़लुक्‍खात। खोन्‍कि देम्‍साआ य़ङ्‌हुप्‌दा म़युङ्‌कि हेवा म़मु, मोचिओ य़ङ्‌हुप्‌लाम्‍पाङा अ़चुछ़ङ्‌छेन।

रोमि 2:12 Σταυροειδείς Αναφορές

मत्‍ति 11:22

मेन अ़ङ्‌का खानानिन लोनानिन, छ़ङ्‌छेन्‍खा लेन खानानिन्‌दाङ्‌का तुरोस खोन्‍कि सिदोन सहरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।

मत्‍ति 11:24

मेन अ़ङ्‌का खानानिन लोनानिन, छ़ङ्‌छेन्‍खा लेन खानानिन्‌दाङ्‌का सदोम सहरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।”

युहन्‍ना 19:11

येसुआ अ़लासालोवा, “खानानिन्‌आ धानाङ्‌का मान्‍तोक्‍त़दोम्‌ओदे अ़ङ्‌काएदा आम्‍नुओ पाङ दित्‍छाङ मान्‍लिओ। खोन्‌ओसा अ़ङ्‌का आम्‍नुओ छुक्‌दा कापाक प़ तोक्‍पो हेवामि ओ।”

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

रोमि 1:32

ओवाको काचि कामुचि स़मा खान्‍तुचि निकिना निनाम्‍हाङ्‌ओ अ़चुसाम्‌योक्‍मि य़ङ्‌हुप मोचिआ अ़सिन्‌याङ। खोन्‍नुछाङ, मोचिआ ओ काचिचि मुमा ओन्‍ङा माआङ, मेन मोवाको काचिचि मुमा राक नि म़नाचिछाङ म़प़चि।

रोमि 4:15

देकिनालो म़ना य़ङ्‌हुप्‌वा च़मा अ़ऱनिन खोन्‌ओसा निनाम्‍हाङ्‌ओ अ़चुमाइसुङ ता। मेन य़ङ्‌हुप्‍ङा मात्‍द़ङ्‌नालो ना य़ङ्‌हुप फियाङ्‌सा हेवा मुमा काचिछाङ मान्‍लिओ।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

१ कोरिन्‍थि 9:21

य़ङ्‌हुप्‌दा मान्‌युङ्‌कादाचि तात्‍माचि निम्‍पाङ अ़ङ्‌का य़ङ्‌हुप्‌दा मान्‌युङ्‌कादाचिवाङा लिसाङ, खोन्‍नुछाङ निनाम्‍हाङ्‌ओ अ़चुय़ङ्‌हुप्‌दाङ्‌का अ़ङ्‌का अ़फोङ्‌ऩङ्‌ऩङ। मेन अ़ङ्‌का ख्रिस्‍तओ अ़चुय़ङ्‌हुप्‌ओ अ़चुक़म्‍मादा याक्‍ङाङा।

गलाति 3:10

य़ङ्‌हुप्‌दा सोम्‍कुवा कामु झारा माङ्‌म़हिम, देकिनालो साम्‍कालिन्‌दा ओवात्‍नि छाप्‍तायुङ्‌सा, “य़ङ्‌हुप छाप्‍लाखादा छाप्‍ताओ झारा य़ङ्‌चिदा मान्‌युङ्‌कादा खोन्‍कि मो मान्‍मुकादाचि झारा माङ्‌म़हिम।”

गलाति 3:22

मेन साम्‍कालिन्‌आ खालुसु, झारा हेन्‍खामा हेवाआ क़म्‍तुयुङ्‌सु, खोन्‌ओसा खाक्‍को हिप्‍माय़ङ येसु ख्रिस्‍तएदा साकोङ्‌छ़ङ्‌लाम्‍पा प़माय़ङ्‌ओ, मो साकोङ्‌छ़ङ कामुचि म़प़ने।

याकुब 2:10

साङ्‌आ झारा य़ङ्‌हुप्‌चि मुचि, मेन अ़क्‌तात य़ङ्‌हुप ओन्‍ङा फिसुनालो झारा य़ङ्‌हुप्‌चि काफि कान।