खाङ्‌मुमा 9:2 - बान्‍तावा राई

² मो साङ्‌केन्‍माआ अ़थेन मात्‍द़ङ्‌ओ हुत होरु, खोन्‍कि मो अ़थेन मात्‍द़ङ्‌ओ हुत्‌दाङ्‌का अ़धिवो मिराक्‍लाम्‍पा तुङ्‌ऱक लोन्‍तिन्‌वा तुङ्‌ऱक लोन्‍ता, मो तुङ्‌ऱक्‌आ नाम्‍साम खोन्‍कि नाम्‍छ़ऱ कुन्‌यामा मु।

खाङ्‌मुमा 9:2 Σταυροειδείς Αναφορές

छाम्‍माय़ङ 2:19

अ़ङ्‌का नाम्‍छ़ऱदु म़दोम्‍दाओ काचिचि मुङ्‌च़ङ, खोन्‍कि हेन्‍खामायु ह़, मि खोन्‍कि धेक्‍धेक्‍धेक्‌वाओ तुङ्‌ऱक्‌ओ बुन्‌चि खाङ्‌मुसुङ्‌च़ङ।

खाङ्‌मुमा 14:11

मो दुखा काप़ गन्‍धक्‌ओ तुङ्‌ऱक अ़धुन्‌तारि धात्‍नि खात। खाक्‍कोचिआ मो साक्‍स़ङ खोन्‍कि मोसोओ अ़सेम्‍पोक अ़ब़क, खोन्‍कि मोसोओ अ़सेप्‍मा अ़लोक, मोचिआ अ़खाखुत-अ़खोलेन देम्‍खाछाङ सावातोम्‍मा ऩतोक्‍तुन।”

खाङ्‌मुमा 16:10

खोन्‍किना पाच्‌कातात्‌ओतात निनाम्‍हाङ काफाआ अ़खुङ मो साक्‍स़ङ्‌ओ अ़हाङ्‌युङ्‌खादा थोउ, खोन्‍किना मोसोओ अ़हाङ्‌होन्‌दा कुन्‌यामा लिसा, खोन्‍कि योक्‍मादा म़नाचिआ अ़चुलेम अ़ङेआ।

खाङ्‌मुमा 8:12

चारकातात्‌ओतात निनाम्‍हाङ काफाआ अ़थुथुरि मुत्‍तु, खोन्‍कि नाम, लादिप्‍मा खोन्‍कि साङ्‌केन्‍माओ सुम्‌कालोक्‌ओ अ़क लोक्‌दा वेरा, खोन्‌ओसा मोचिओ अ़चुसाम्‌ओ सुम्‌कालोक्‌ओ अ़क लोक कुन्‌यामा लिसा। खोन्‍कि लेन्‌ओ सुम्‌कालोक्‌ओ अ़क लोक अ़साम माखारा, मोवात्‍निङा अ़खाखुत्‌ओ सुम्‌कालोक्‌ओ अ़क लोक्‌छाङ कुन्‌यामा लिसा।

खाङ्‌मुमा 9:1

खोन्‍किना पाच्‌कातात्‌ओतात निनाम्‍हाङ काफाआ अ़थुथुरि मुत्‍तु, खोन्‍कि अ़ङ्‌का अ़क्‌तात साङ्‌केन्‍मा खाङ, मो निनाम्‍मादुङ्‌का हेन्‍खामादा धालावा। मो साङ्‌केन्‍मा अ़थेन मात्‍द़ङ्‌ओ हुतओ अ़होत्‍खा पुवा।

खाङ्‌मुमा 9:11

अ़थेन मात्‍द़ङ्‌ओ हुत्‌दाओ हुत्‌दाङ्‌काओ य़ङ्‌काखुन मो रुइचिएदा हाङ्‌काचि मु। हिब्रु य़ङ्‌दा मोसोओ अ़ऩङ ‘एबाद्‍दोन’ खोन्‍कि ग्रिक य़ङ्‌दा मोसोओ अ़ऩङ ‘अप्‍पोल्‍लियन’ ओ। ओसोओ अ़तुप्‌य़ङ ‘कालुक’।

खाङ्‌मुमा 9:17

अ़ङ्‌सेन्‍चिदा खाङ्‌ओ युक्‌वाचि खोन्‍कि युक्‌वा कायुक्‌चि ओवाको म़मुवाङा। मोचिओ अ़चुकोङ्‌कोम्‌ओ अ़दिप्‍खा हालापाक्‍पाक्‌ओ, माक़ल़ङ्‌ल़ङ्‌ओ खोन्‍कि हारादिदिओ मुवाङा। मो युक्‌वाचिओ अ़चुताङ्‌चि धिनाराचिओ अ़चुताङ्‌चिवा म़काराङा। मोचिओ अ़चुदोचिदाङ्‌का मि, तुङ्‌ऱक, खोन्‍कि गन्‍दक लोन्‍ताङा।