खाङ्‌मुमा 8:7 - बान्‍तावा राई

⁷ बुयाओ निनाम्‍हाङ काफाआ अ़थुथुरि मुत्‍तु, खोन्‍कि ह़एनान होलाङाओ नाङ खोन्‍कि मि ता, खोन्‍कि मो हेन्‍खामादा वेइसाधान्‍ता। खोन्‍कि हेन्‍खामादाओ सुम्‌कालोक्‌ओ स़ङ्‌ताङ्‌चिओ अ़क लोक खोन्‍कि झारा ल़क्‍ल़क्‍ल़क्‌वाओ घासाचि म़ह़त्‍ताखारा।

खाङ्‌मुमा 8:7 Σταυροειδείς Αναφορές

याकुब 1:11

देकिनालो अ़राङ्‌खाखान्‍खा उप्‍लाक्‌वाएनान नाम लोन खोन्‍कि चाच़ङ युलुखाइसु। बुङ्‌वा धाखात खोन्‍कि मोसोओ अ़खान्‍नुमा लुक्‍खात। मोवात्‍निङा कातोक म़नाछाङ अ़काचिचि मुङुचिहिदाङा युन्‍खात।

१ पत्रुस 1:24

देकिनालो, “झारा म़नाचि घासावात्‍नि म़मुयाङ, खोन्‍कि मोसोओ अ़खान्‍नुमाछाङ घासाओ अ़बुङ्‌वावात्‍निङा मुयाङ। घासा युन्‍खात खोन्‍कि अ़बुङ्‌वा धाखात,

खाङ्‌मुमा 12:4

मोसोओ अ़मिरिआ निनाम्‍मादुओ सुम्‌कालोक साङ्‌केन्‍माचि ब़उचिकि हेन्‍खामादा वेइसुधान्‍तुचि। नुनु छा लिछाङ मो ख़ङ्‌माखात्‍मा निम्‍पाङ मो अ़धिवा प़ नुनु छातोक्‍मा मुवाङाओ मेत्‍छामाओ अ़बुदा एवाङा।

खाङ्‌मुमा 16:2

खोन्‍किना बुदाओ निनाम्‍हाङ काफाआ अ़खुङ हेन्‍खामादा थोउ। खोन्‍कि मो साक्‍स़ङ्‌ओ अ़सेप्‍मा याआङाओ खोन्‍कि मोसोओ अ़सेम्‍पोक काब़क म़नाचिएदा चिप्‍माकात्‌ओ खोन्‍कि तुक्‌ओ खोवा लोन्‍ता।

खाङ्‌मुमा 16:21

पचास-पचास किलो लेकाओ नाङ्‌चि म़नाचिएदा धामा पुङ्‌सु। मो म़नाचिआ नाङ्‌ओ अ़चाअ़त्‍माओ अ़तुक्‌वाआ निनाम्‍हाङ माङ्‌अ़हिम्‍सा। देकिनालो ओ अ़चाअ़त्‍मा अ़न्‍नुनु क़माकात्‍तुओ मुवाङा।

खाङ्‌मुमा 6:8

खोन्‍किना अ़ङ्‌का हारादिदिओ युक्‌वा खाङ। युक्‌वा कायुक्‌ओ अ़ऩङ ‘स़मा’नि याआङा, खोन्‍कि सित्‍म़ङ्‌चि दुखा तोक्‍खाआ मोसोओ अ़देङ-अ़देङ त़ङ्‌तुङु। हेन्‍खामाओ चारकालोक्‌ओ अ़क लोक म़नाचि बान्‍छोन, स़ङ्‌साक्‌वा, अ़धिवा सारिमा खोन्‍कि खोक्‍लिदाओ साक्‍स़ङ्‌चिलाम्‍पा सेत्‍मा पाङ मोचि म़प़चि।

खाङ्‌मुमा 7:1

खोन्‍किना हेन्‍खामा, धियाङ्‌वामा माङ्‌लो खाक्‍कोछाङ स़ङ्‌ताङ्‌ओ अ़देङ्‌सालाप्‍पादा ह़क्‌आ अ़वेरुन्‍ने निकिना चारकालिप्‍पा ह़क अ़थेम्‍ताकि चारकापाङ निनाम्‍हाङ काफाचि हेन्‍खामाओ चारकातात्‍माङ अ़चोम्‌दा म़एवाङाओ अ़ङ्‌का खाङ्‌च़ङ।

खाङ्‌मुमा 9:15

खोन्‍कि मो चारकापाङ निनाम्‍हाङ काफाचि म़लेरुचि। मोचि म़ना रावाओ सुम्‌कालोक्‌ओ अ़क लोक सेत्‍सि मोन्‍ग़रि, मो लेन, मो दोङ्‌वात खोन्‍कि मो दोङ्‌ओ निम्‍पाङ म़चुम्‍सायुङ्‌सा।

खाङ्‌मुमा 9:18

मोचिओ अ़चुदोदाङ्‌का लोन्‍ताओ मि, तुङ्‌ऱक खोन्‍कि गन्‍दक सुम्‌कातात अ़चाअ़त्‍माचिआ सुम्‌कालोक्‌ओ अ़क लोक म़नाचि म़सेरुचि।

खाङ्‌मुमा 9:4

मोचि म़लोचि, हेन्‍खामादाओ घासा, स़ङ्‌ताङ्‌चि माङ्‌लो खाक्‍कोछाङ ल़क्‍ल़क्‍ल़क्‌वाओ अ़चुबाक्‌वा याक्‌याङ्‌ओचि देत्‍छाङ मान्‍मुदानुम्‍च़म। मोचि म़लोचि म़नाचि ओन्‍ङा दन्‍दा पुवानुम्‍च़म, साङ्‌कोओ अ़त़ऱबुप्‌दा निनाम्‍हाङ्‌ओ अ़चुसेप्‍मा मात्‍द़ङ।