खाङ्‌मुमा 8:2 - बान्‍तावा राई

² खोन्‍किना अ़ङ्‌का खाङ्‌च़ङ्‌ओ सात्‌कापाङ निनाम्‍हाङ काफाचिङा निनाम्‍हाङ्‌ओ अ़चुबुदा काएप्‌चि ओ, खोन्‍कि मोचि सात्‌कातात थुथुरि म़प़चि।

खाङ्‌मुमा 8:2 Σταυροειδείς Αναφορές

मत्‍ति 18:10

चाप्‍चेत्‍तानिन्‍चिन, खानानिन्‌आ ओ अ़चुप्‍पाचिदाङ्‌का अ़क्‍छाछाङ अ़काचि मात्‍द़ङ्‌ओनि मान्‍मित्‌दानुम्‍च़म। देकिनालो अ़ङ्‌का खानानिन लोनानिन, निनाम्‍मादु मोचिओ अ़चुकाफाचि अ़धुन निनाम्‍मादुओ अ़ङ्‌पापाओ अ़चुबुदा म़युङ्‌याङ।

मत्‍ति 24:31

खोक्‍कोसाआ निनाम्‍हाङ काफाचि थुथुरिओ अ़धिवो अ़साङ्‌माएनान म़छुत्‍तुचि, खोन्‍कि मोचिआ हेन्‍खामादाओ अ़क च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

लुका 1:19

निनाम्‍हाङ काफाआ य़ङ लासुप़, “अ़ङ्‌ऩङ गब्रिएल ओ। निनाम्‍हाङ्‌आ अ़ङ्‌का अ़धिवाङ पाङ ऩपुवाङ्‌युङ्‌साङ। खोक्‍कोसाआङा अ़ङ्‌का ओक्‍को ऩङानुमाओ य़ङ्‌खान खाना खाएत्‌सि ऩय़साङ्‌ओ।

लुका 21:36

खोन्‌ओसा तामा मुयाङ्‌ओ झारा य़ङ्‌चिदाङ्‌का रात्‍मा त़ऱन्‍चिन्‍ने निकि अ़ङ्‌का म़नाओ अ़छाओ अ़ङ्‌बुदा एप्‍मा त़ऱन्‍ने निकिना अ़धुन चेत्‍चेत्‍चेत्‌वा युङानिन्‌कि यामारानिन।”

१ कोरिन्‍थि 15:52

मेन आदेङ्‌ओ थुथुरि साङ्‌हिदा अ़क्‍म़प्‍च़क़क्‌दा खोन्‍कि अ़क्‍चिम़क्‌दा आन्‍कान झारा फान्‍तिन। थुथुरि साङ, खोन्‍कि म़सुवादाओचि देम्‍खाछाङ ऩलुक्‍निन्‍खात्‍निन्‌ओ म़लिकि म़खोन्‍लोन। खोन्‍किना आन्‍कान फान्‍तिन।

१ थेसलोनिकि 4:16

देकिनालो हाङ्‌पा अ़धिवो अ़मुक्‍माएनान, मुलो निनाम्‍हाङ काफाओ य़ङ्‌दा खोन्‍कि निनाम्‍हाङ्‌ओ अ़चुथुथुरिओ अ़ऱङ्‌माएनान निनाम्‍मादुङ्‌का म़य़, खोन्‍कि ख्रिस्‍तदा म़सुवादाओचि बुया म़खोन्‍लोन।

खाङ्‌मुमा 1:4

एसियादाओ सात्‌कातात साम्‍भुङ्‌चिएदा युहन्‍नाओ अ़सेवा। खोक्‍कोसोओ अ़चुहाङ्‌मुखा बुदाओ सात्‌कातात लावादाङ्‌का खानानिन सोमातुक्‍मा खोन्‍कि सेवाङ्‌नि लिसानिन। खोक्‍को म़युङ्‌याङ, म़युङाङा, खोन्‍कि म़तायाङ।

खाङ्‌मुमा 11:15

खोन्‍किना सात्‌कातात्‌ओ निनाम्‍हाङ काफाआ अ़थुथुरि मुत्‍तु, खोन्‍कि निनाम्‍मादु ओवात्‍नि य़ङाङाओ अ़धिवा य़ङ्‌चि मुक्‍तुचि, “हेन्‍खामादाओ हाङ्‌होन आन्‍हाङ्‌पा निनाम्‍हाङ्‌ओ खोन्‍कि खोक्‍कोसोओ अ़चुख्रिस्‍तओ हाङ्‌होन लिसायुङ्‌सा, खोन्‍कि खोक्‍को अ़धुन्‌तारि हाङ म़मुयुङ!”

खाङ्‌मुमा 15:1

अ़ङ्‌का निनाम्‍मादु अ़धिवाङ खोन्‍कि म़दोम्‍दाओ नि बुन खाङ। मोदा सात्‌कापाङ निनाम्‍हाङ काफाचिआ सात्‌कातात आदेङ्‌ओ अ़चाअ़त्‍माचि म़क़क्‍तुङुचि, देकिनालो मोचिएदा निनाम्‍हाङ्‌ओ अ़चुमाइसुङ सेम्‍तायुङ्‌सा।

खाङ्‌मुमा 16:1

खोन्‍किना निनाम्‍हाङ ब़क्‍खाखिम्‌दाङ्‌का अ़क्‌तात तोक्‍पो य़ङ्‌आ सात्‌कातात निनाम्‍हाङ काफाचि ओवात्‍नि लोङुचिओ अ़ङ्‌का एनुङ, “खारानिन, खोन्‍कि निनाम्‍हाङ्‌ओ अ़चुमाइसुङ्‌ओ सात्‌काखुङ हेन्‍खामादा थोआनुम।”

खाङ्‌मुमा 8:13

खोन्‍किना अ़ङ्‌का चोउङ, खोन्‍कि नाम्‍छ़ऱदु अ़क्‌तात कोकोङ्‌वेत्‍मा अ़धिवा य़ङ्‌दा पात्‌याङ्‌सा पियाङाओ एनुङ, मो ओवात्‍नि य़ङाङा, “अ़चाअ़त्‍मा! अ़चाअ़त्‍मा! अ़चाअ़त्‍मा! झारा साङ ओ हेन्‍खामादा युङ्‌याङ। हान सुम्‌कातात निनाम्‍हाङ काफाचिआ अ़चुथुथुरि मुत्‍मा अ़मुयाङ।”

खाङ्‌मुमा 8:6

मो सात्‌कातात थुथुरि कातोक सात्‌कातात्‍माङ निनाम्‍हाङ काफाचि थुथुरि मुत्‍सि म़चुम्‍सान्‍चिन।

खाङ्‌मुमा 9:1

खोन्‍किना पाच्‌कातात्‌ओतात निनाम्‍हाङ काफाआ अ़थुथुरि मुत्‍तु, खोन्‍कि अ़ङ्‌का अ़क्‌तात साङ्‌केन्‍मा खाङ, मो निनाम्‍मादुङ्‌का हेन्‍खामादा धालावा। मो साङ्‌केन्‍मा अ़थेन मात्‍द़ङ्‌ओ हुतओ अ़होत्‍खा पुवा।