खाङ्‌मुमा 7:9 - बान्‍तावा राई

⁹ खोन्‍किना साङ्‌आछाङ खिप्‍मा अ़ऱन्‍चिन्‌ओ अ़क्‌तात अ़धिवाङ म़ना मुक्‍ला अ़ङ्‌का खाङ। मोचि झारा हेन्‍कोप्‌चि झारा रावाचि झारा भुङ्‌चि खोन्‍कि य़ङ्‌काचेप्‌चिदाङ्‌का म़तायुङ्‌सा। मोचि ओम्‍प़चिवा तित म़हुम्‍साङा खोन्‍कि अ़चुछुक्‌दा खजुराताङ्‌ओ अ़खेक्‌चि म़क़क्‍ताकि हाङ्‌युङ्‌खा खोन्‍कि थुबाछाओ अ़चुबुदा म़एवाङाओ अ़ङ्‌का खाङ्‌च़ङ।

खाङ्‌मुमा 7:9 Σταυροειδείς Αναφορές

लुका 12:1

मोवात्‍नि लिसाङाहिदा मोदा ब़द्‍धेकाहजाराओ मुक्‍ला म़कोवान्‍चिन्‌ओसा अ़क्‍छा निएदा नेप्‍कानेप मुमा अ़पुङ्‌सा। येसुआ बुया अ़चुकाखेङ्‌पाचि लोमा म़पुङ्‌सुचि, “फरिसिचिओ खमिरादाङ्‌का चाप्‍चेत्‍तानिन्‍चिन। मोवात्‍नि च़मा मोचिओ कोङ्‌क़त्‌वा काचि ओ।

लुका 21:36

खोन्‌ओसा तामा मुयाङ्‌ओ झारा य़ङ्‌चिदाङ्‌का रात्‍मा त़ऱन्‍चिन्‍ने निकि अ़ङ्‌का म़नाओ अ़छाओ अ़ङ्‌बुदा एप्‍मा त़ऱन्‍ने निकिना अ़धुन चेत्‍चेत्‍चेत्‌वा युङानिन्‌कि यामारानिन।”

युहन्‍ना 12:13

खोन्‍किना मोचिआ खजुराताङ्‌ओ अ़खेक्‌चि अ़खात्‍ताकि खोक्‍को साऩङ्‌वा मेत्‍सि पात्‌याङ्‌सा म़लोन्‍ता, “होसन्‍ना! खोक्‍को निनाम्‍हाङ्‌आ आसिखा अ़प़ने, साङ हाङ्‌पा निनाम्‍हाङ्‌ओ अ़चुऩङ्‌दा म़ता! खोक्‍को इस्राएलिचिओ अ़चुहाङ ओ!”

रोमि 11:25

ब़ब़, नाना खोन्‍कि निछाचि ओ, आम्‍नुओ आप्‍पिओ तोक्‍पोदा काले लिमा त़लामिन हे निकिना खानानिन्‌आ ओ अ़कोङ्‌दुम त़तुप्‍तुम्‍नेनि अ़ङ्‌का मिन्‍ङाङा। तामादोत्‌ओ झारा निरावाचि ख्रिस्‍तदा ऩतानिन्‌तारि इस्राएलिचिओ अ़चुसाकोङ्‌वा छाक्‍लो लि।

एफिसि 6:13

खोन्‌ओसा निनाम्‍हाङ्‌ओ झारा अ़चुबान्‍छुबिछु बित्‍तानुम्‍च़म। मोवात्‍नि अ़अ़त्‍पा लेन तेम्‍मा रुवानुम, खोन्‍कि झारा काचि मुवानुम्‌कि पुक्‍मालोन्‍मा रुवानिन।

हिब्रु 11:12

अब्राहाम छातोक्‍मा मान्‍ऱकादा अ़न्‍नुनु खोक्‍पा लिसाओनुछाङ अ़क्‍छा म़नादाङ्‌का नाम्‍छ़ऱदुओ साङ्‌केन्‍माचि ओन्‍तेकाङा खोन्‍कि धियाङ्‌वामाओ अ़केम्‌दाओ खिप्‍मा अ़ऱन्‍मिन्‌ओ लुङ्‌च़क़य़क ओन्‍तेकाङा छाचि पुक्‍तुचि।

हिब्रु 12:22

मेन खानानिन सियोन भ़ऱदा त़तान्‌युङ्‌सिन। मो अ़ह़ङ निनाम्‍हाङ्‌ओ अ़चुसहरा, खोन्‍कि निनाम्‍मादुओ यरुसलेम ओ। मोदा खिप्‌दिअ़तेत्‍निन्‌ओ निनाम्‍हाङ काफाचि ऩङानुयाङ्‌सा म़कोप्‍नान्‍चिन।

खाङ्‌मुमा 11:15

खोन्‍किना सात्‌कातात्‌ओ निनाम्‍हाङ काफाआ अ़थुथुरि मुत्‍तु, खोन्‍कि निनाम्‍मादु ओवात्‍नि य़ङाङाओ अ़धिवा य़ङ्‌चि मुक्‍तुचि, “हेन्‍खामादाओ हाङ्‌होन आन्‍हाङ्‌पा निनाम्‍हाङ्‌ओ खोन्‍कि खोक्‍कोसोओ अ़चुख्रिस्‍तओ हाङ्‌होन लिसायुङ्‌सा, खोन्‍कि खोक्‍को अ़धुन्‌तारि हाङ म़मुयुङ!”

खाङ्‌मुमा 22:3

हान्‌दाङ्‌का मोह्‍यात्‍नि मो सहरा देम्‍खाछाङ माङ्‌अ़हिम्‍निन। निनाम्‍हाङ खोन्‍कि थुबाछाओ अ़चुहाङ्‌युङ्‌खा मोदा लि, खोन्‍कि खोक्‍कोसोओ अ़चुहारुक्‌चिआ खोक्‍को अ़ब़क।

खाङ्‌मुमा 3:18

खोन्‌ओसा कातोक लिमा मिआ हेङ्‌माय़ङ हाराक्‌वा, खोन्‍कि आम्‍कालाङ्‌द़क्‌ओ लेजो दिप्‍मा निम्‍पाङ ओम्‌याङ्‌ओ तित खोन्‍कि खाना खाङ्‌मा त़ऱने निकिना आम्‍म़क्‌दा पाक्‍मा ओक्‍तो, अ़ङ्‌काएदाङ्‌का खित्‍माछाङ खाना यायोक प़ना।

खाङ्‌मुमा 4:4

मो हाङ्‌युङ्‌खाओ अ़ऱङ्‌कोप्‍नि चौबिस्‌कातात हाङ्‌युङ्‌खाचि म़युङाङा, खोन्‍कि अ़चुताङ्‌दु हाराक्‌वाओ ताङ्‌बोप्‍खाचि खोन्‍कि ओमाङाओ तित्‌चि म़हुम्‍साङाओ चौबिस्‌कापाङ साम्‌योक ताङ्‌पाचि मो हाङ्‌युङ्‌खादा म़युङाङाओ अ़ङ्‌का खाङ्‌च़ङ।

खाङ्‌मुमा 5:11

खोन्‍किना अ़ङ्‌का चोउङ्‌च़ङ, हाङ्‌युङ्‌खादा अ़ह़ङ साक्‍स़ङ्‌चि खोन्‍कि साम्‌योक ताङ्‌पाचिओ अ़चुऱङ्‌कोप्‍नि खिप्‌दिमान्‍तेत्‍लो निनाम्‍हाङ काफाचि खाङ्‌च़ङ।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।

खाङ्‌मुमा 6:11

खोन्‍किना मो झारा म़सेरुचिओचि अ़क्‌तातात ओमाङाओ तित म़प़चि, खोन्‍कि म़लोचि, “मोदा ब़द्‍धे खानानिन्‌वाङा निनाम्‍हाङ काब़क साकोङ्‌छ़ङ कामुचि म़युङ्‌याङ, खानानिन ऩसेरिन्‌वाङा म़नाचिआ मोचि म़सेरुचि। मोन्‍ग़रितारि खानानिन थुत्‍मेत्‍लो सावा तोम्‍सानिन।”

खाङ्‌मुमा 7:8

जबुलुन्‌ओ अ़भुङ्‌दाङ्‌का बार हजारा, योसेफ्‌ओ अ़भुङ्‌दाङ्‌का बार हजारा, बेन्‌यामिन्‌ओ अ़भुङ्‌दाङ्‌का बार हजारा सेप्‍खा म़पाक्‍तुचि।