खाङ्‌मुमा 7:3 - बान्‍तावा राई

³ “आन्‍कान्‍का आन्‍काओ निनाम्‍हाङ्‌ओ अ़चुहारुक्‌चिओ अ़चुत़ऱबुप्‌दा सेप्‍खा मान्‍पाक्‌युक्‍तुम्‍च़म्‍कातारि हेन्‍खामा, धियाङ्‌वामा माङ्‌लो स़ङ्‌ताङ्‌चि देत्‍छाङ मान्‍मुदानुम्‍च़म।”

खाङ्‌मुमा 7:3 Σταυροειδείς Αναφορές

मत्‍ति 24:22

मो लेन्‌चि मान्‍दुन्‍म़दोचिओ खाङ्‌दे साङ्‌छाङ ह़ङ्‌मा मान्‍ऱचिओ, मेन निनाम्‍हाङ्‌आ म़छेन्‍तुचिओ म़नाचिओ निम्‍पाङ मो लेन्‌चि म़दुइसुचि।

मत्‍ति 24:31

खोक्‍कोसाआ निनाम्‍हाङ काफाचि थुथुरिओ अ़धिवो अ़साङ्‌माएनान म़छुत्‍तुचि, खोन्‍कि मोचिआ हेन्‍खामादाओ अ़क च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

युहन्‍ना 3:33

साङ्‌आ खोक्‍कोसोओ अ़सालुम्‍स़ङ लोउयुङ्‌सु, मोसाआ निनाम्‍हाङ अ़छ़ङ म़मुयाङ्‌निओ य़ङ अ़छ़ङ खाङ्‌मुसु।

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

खाङ्‌मुमा 13:16

खोन्‍किना मोसाआ अ़धिवा खोन्‍कि अ़चुप्‍पा, कातोक खोन्‍कि मान्‍तोक्‍कादा खोन्‍कि लेत्‌वा खोन्‍कि हारुक झारा म़नाचिओ अ़चुचुप्‍ताङ्‌छुक माङ्‌लो अ़चुत़ऱबुप्‌दा सेप्‍खा राकाङ्‌थेत्‍नि पाक्‍मेत्‍तुचि

खाङ्‌मुमा 13:17

मो सेप्‍खा मात्‍द़ङ साङ्‌आछाङ खित्‍मा माङ्‌लो इन्‍मा ऩतोक्‍तुन। मो सेप्‍खा मो साक्‍स़ङ्‌ओ अ़ऩङ ओ माङ्‌लो मो अ़खिप्‌आ मोसोओ अ़ऩङ खाङ्‌मुसु।

खाङ्‌मुमा 14:1

अ़ङ्‌का खाङ्‌हिदा सियोन भ़ऱदु, थुबाछा म़एवाङा। खोक्‍कोएनान अ़क्‌लाखा चवालिस हजारा म़नाचि म़याआङा। मोचिओ अ़चुत़ऱबुप्‌दा खोक्‍कोसोओ अ़चुऩङ खोन्‍कि खोक्‍कोसोओ अ़चुपापाओ अ़चुओ ऩङ छाप्‍ताङा।

खाङ्‌मुमा 14:9

खोन्‍किना सुम्‌कातात्‌ओतात निनाम्‍हाङ काफा अ़धिवाङ य़ङ्‌आ ओवात्‍नि य़ङ्‌सा मोचिओ अ़चुदेङ्‌देङ त़ङ्‌तुचि, “मोवात्‍नि साङ्‌आ मो साक्‍स़ङ खोन्‍कि मोसोओ अ़सेम्‍पोक ब़क्‍तु खोन्‍कि अ़त़ऱबुप माङ्‌लो अ़छुक्‌दा मोसोओ अ़सेप्‍मा पाक्‍तुनालो

खाङ्‌मुमा 19:2

देकिनालो खोक्‍कोसोओ अ़चुछ़ङ छेन्‍माचि तोङ्‌लो खोन्‍कि अ़छ़ङ मुयाङ। झारा हेन्‍खामा मोसोओ अ़पोप्‍माआ अ़त्‍लोकामु मो तोक्‍पो काचान्‍चामा खोक्‍कोसाआ दन्‍दा अ़पुवायुङ्‌सा। निनाम्‍हाङ्‌आ मो दन्‍दा अ़पुवायुङ्‌सा देकिनालो खोक्‍कोसोओ अ़चुहारुक्‌चि मोसाआ सेरुचि।”

खाङ्‌मुमा 20:4

खोन्‍किना अ़ङ्‌का हाङ्‌युङ्‌खाचि खोन्‍कि मोचिदा कायुङ्‌चि खाङ्‌च़ङ, मोचि छ़ङ्‌छेन्‍मा पाङ म़प़युङ्‌सुचि। खोन्‍कि येसुओ अ़चुसालुम्‍स़ङ्‌ओ निम्‍पाङ खोन्‍कि निनाम्‍हाङ्‌ओ अ़चुय़ङ खाअ़लुसाओसा अ़चुताङ म़क़प्‍ताओचि, खोन्‍कि मो साक्‍स़ङ खोन्‍कि मो साक्‍स़ङ्‌ओ अ़सेम्‍पोक मान्‍ब़क्‍कादाचि खोन्‍कि मोसोओ अ़सेप्‍मा अ़चुछुक त़ऱबुप्‌दा मान्‍पाक्‍कादाचि अ़ङ्‌का खाङ्‌च़ङ। मोचि म़लासाखोन्‍तालोन्‍ता, खोन्‍कि ख्रिस्‍तएनान अ़क हजाराकादोङ हाङ म़मुवा।

खाङ्‌मुमा 22:4

मोचिआ खोक्‍कोसोओ अ़चुङाइवा अ़खाङ, खोन्‍कि निनाम्‍हाङ्‌ओ अ़चुऩङ म़नाचिओ अ़चुत़ऱबुप्‌चिदा छाप।

खाङ्‌मुमा 6:6

मो चारकातात अ़ह़ङ साक्‍स़ङ्‌चिओ अ़चुरादा अ़क्‌तात य़ङ ओवात्‍नि य़ङिन्‌वा अ़ङ्‌का एनुङ, “अ़क्‌लेन्‌ओ काचिलुङ्‌दा अ़क़ किलो छुमाचा, खोन्‍कि अ़क्‌लेन्‌ओ काचिलुङ्‌दा सुम्‌काकिलो छोङ। मेन आक्‌वा खोन्‍कि अङ्‌गुरा माङ्‌वा मान्‍लुक्‍दानुम।”

खाङ्‌मुमा 7:1

खोन्‍किना हेन्‍खामा, धियाङ्‌वामा माङ्‌लो खाक्‍कोछाङ स़ङ्‌ताङ्‌ओ अ़देङ्‌सालाप्‍पादा ह़क्‌आ अ़वेरुन्‍ने निकिना चारकालिप्‍पा ह़क अ़थेम्‍ताकि चारकापाङ निनाम्‍हाङ काफाचि हेन्‍खामाओ चारकातात्‍माङ अ़चोम्‌दा म़एवाङाओ अ़ङ्‌का खाङ्‌च़ङ।

खाङ्‌मुमा 7:2

खोन्‍कि अ़ह़ङ निनाम्‍हाङ्‌ओ अ़चुसेप्‍माएनान नि निनाम्‍हाङ काफा बुसुहोन्‌याङ्‌का बानाङाओ अ़ङ्‌का खाङ। हेन्‍खामा खोन्‍कि धियाङ्‌वामा लुक्‍मा सावा निनाम्‍हाङ्‌आ म़प़युङ्‌सुचिओ मो चारकातात निनाम्‍हाङ काफाचि अ़धिवा य़ङ्‌आ खोक्‍कोसाआ म़लोचि।

खाङ्‌मुमा 9:4

मोचि म़लोचि, हेन्‍खामादाओ घासा, स़ङ्‌ताङ्‌चि माङ्‌लो खाक्‍कोछाङ ल़क्‍ल़क्‍ल़क्‌वाओ अ़चुबाक्‌वा याक्‌याङ्‌ओचि देत्‍छाङ मान्‍मुदानुम्‍च़म। मोचि म़लोचि म़नाचि ओन्‍ङा दन्‍दा पुवानुम्‍च़म, साङ्‌कोओ अ़त़ऱबुप्‌दा निनाम्‍हाङ्‌ओ अ़चुसेप्‍मा मात्‍द़ङ।