खाङ्‌मुमा 7:14 - बान्‍तावा राई

¹⁴ खोन्‍कि अ़ङ्‌का मो लासुङ्‌लोङ, “उवा, खानानिन्‌ङा त़सिन्‍तिन।” खोन्‍कि खोसाआ अ़ङ्‌का अ़लोवाङ, “ओचि तोक्‍पो ल़क्‍माचिदा निनाम्‍हाङ्‌एदा सोम्‍कुवा कामु म़लिसाओ म़नाचि ओ। मोचिआ अ़चुतित्‌चि थुबाछाओ अ़चुह़दा वाअ़सुवाकि ओम्‍पुवाचिचिओ अ़मुवायुङ्‌सा।

खाङ्‌मुमा 7:14 Σταυροειδείς Αναφορές

मत्‍ति 24:21

देकिनालो मोन्‍ग़रि ओवाको तोक्‍पो अ़चाअ़त्‍मा लि, मो हेन्‍खामाओ अ़पुङ्‌चिपुक्‌दाङ्‌का आइमित्‌तारि मान्‍लियुक खोन्‍कि देम्‍खाछाङ अ़लानिन्‍लिनिन।

मर्कुस 13:19

देकिनालो मो लेन्‍चिदा ओवाको तोक्‍पो अ़चाअ़त्‍मा लि, मो निनाम्‍हाङ्‌आ हेन्‍खामा अ़मुयाओ अ़पुङ्‌चिपुक्‌दाङ्‌का आइमित्‌तारि मान्‍लियुक खोन्‍कि देम्‍खाछाङ अ़लानिन्‍लिनिन।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

रोमि 5:3

मोन ओन्‍ङा माआङ, मेन आन्‍कान आन्‍दुखाचिदाछाङ ऩङानुसिन्‍चिन, देकिनालो आन्‍कान सिन्‍तुम्‌योम दुखाआ आङ्‌मा सावा तारु।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

२ थेसलोनिकि 1:4

खोन्‌ओसा खानानिन्‌आ आङ्‌माय़ङ खोन्‍कि झारा दुखाचिदाओ सोम्‍कुवा मुमाय़ङ खोन्‍कि अ़चाअ़त्‍माचि खानानिन्‌आ त़आङ्‌तुम्‌योम्‌ओ अ़तुक्‌वादा तोक्‍पो लियाङ्‌सा निनाम्‍हाङ्‌ओ नि अ़चुसाम्‍भुङ्‌चि आन्‍कान्‍का खाएत्‍तुम्‍च़म्‍का।

हिब्रु 13:12

मोवात्‍निओसा येसुआछाङ खोक्‍कोसोओ अ़चुह़लाम्‍पा म़नाचि अ़चुहेवादाङ्‌का सेङ्‌सि सहराओ अ़वाङ्‌खालाम्‌ओ बुङ्‌खालिप्‍पादा दुखा अ़आङ्‌ता।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

१ पत्रुस 1:19

मेन खेन मान्‌वान्‍माय़ङ खोन्‍कि थुपि मात्‍द़ङ्‌ओ अ़क्‌तात थुबाछावाको ख्रिस्‍तओ छ़ओ अ़चुह़आ खानानिन ऩफोङ्‌सिन्‌ओ।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।

खाङ्‌मुमा 12:11

ब़ब़, नाना खोन्‍कि निछाचिआ थुबाछाओ अ़चुह़ खोन्‍कि अ़चुओ सालुम्‍स़ङ य़ङ्‌ओ अ़तुक्‌वाआ मोएदा म़छोसायुङ्‌सा। मोचिआ अ़चुस़मातारिछाङ अ़चुह़ङ्‌म़ङ सोमामान्‍तुक्‌अ़दा।

खाङ्‌मुमा 15:2

मि खोन्‍कि सिसा होलाङाओ धियाङ्‌वामावाको अ़ङ्‌का खाङ। मोचिआ मो साक्‍स़ङ, मोसोओ अ़सेम्‍पोक खोन्‍कि अ़सेप्‍मा मान्‍पाक्‌अ़दाओ झारा म़छोसाओ म़नाचि अ़ङ्‌का खाङ्‌च़ङ। अ़चुछुक्‌दा निनाम्‍हाङ्‌आ म़प़चिओ वाकेन अ़क़क्‍ताकि मो सिसावाओ धियाङ्‌वामाओ अ़केम्‌दा म़एवाङा।

खाङ्‌मुमा 17:6

येसुएदा मोचि सोम्‍कुवा म़मुवाओसा मेत्‍छामाआ साकोङ्‌छ़ङ कामुचि सेरुचिओ खोन्‍कि मोसाआ अ़चुह़ दुङुकि सेरुओ खाङ्‌कि अ़ङ्‌का चाअ़त्‍लो अ़दोम्‍ताङ्‌दाङ।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।

खाङ्‌मुमा 22:14

अ़चुतित्‌चि वाकाधाप्‌चि आसिखा कातोक्‌चि ओ। मो सहराओ लाप्‍तिखोप्‌चिदाङ्‌का वाङ्‌मा खोन्‍कि ह़ङ्‌म़ङ काप़ स़ङ्‌ताङ्‌दाङ्‌का अ़सिवा चामा पाङ अ़तोक।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।

खाङ्‌मुमा 7:9

खोन्‍किना साङ्‌आछाङ खिप्‍मा अ़ऱन्‍चिन्‌ओ अ़क्‌तात अ़धिवाङ म़ना मुक्‍ला अ़ङ्‌का खाङ। मोचि झारा हेन्‍कोप्‌चि झारा रावाचि झारा भुङ्‌चि खोन्‍कि य़ङ्‌काचेप्‌चिदाङ्‌का म़तायुङ्‌सा। मोचि ओम्‍प़चिवा तित म़हुम्‍साङा खोन्‍कि अ़चुछुक्‌दा खजुराताङ्‌ओ अ़खेक्‌चि म़क़क्‍ताकि हाङ्‌युङ्‌खा खोन्‍कि थुबाछाओ अ़चुबुदा म़एवाङाओ अ़ङ्‌का खाङ्‌च़ङ।