खाङ्‌मुमा 6:4 - बान्‍तावा राई

⁴ खोन्‍कि हालापाक्‍पाक मुवाङाओ नितात युक्‌वा बुङ्‌खादा लोन्‍ता। म़नाचि अ़क्‍छाआ नि सेत्‍म़मुने निकिना मो युक्‌वा कायुक अ़क्‌तात अ़धिवा बान्‍छोन्‌छाङ पुवा, खोन्‍कि हेन्‍खामादाङ्‌का सेवाङ्‌नि ङाप्‍माखात्‍मा झारा सावा पुवा।

खाङ्‌मुमा 6:4 Σταυροειδείς Αναφορές

मत्‍ति 10:34

अ़ङ्‌का हेन्‍खामादा सेवाङ्‌नि तात्‍सि ताङ्‌ओनि मान्‍मिन्‍दानिन! सेवाङ्‌नि तात्‍सि माआङ, मेन बान्‍छोन याङ्‌सि ताङ्‌ओ।

मत्‍ति 24:6

खानानिन्‌आ च़क्‍चिदात्‍नि म़लियाङ्‌ओ ङेन्‌चि खोन्‍कि अ़थाह्‍तात्‍नि लिमा मुयाङ्‌ओ ङेन्‍चिओ य़ङ्‌खान्‌चि त़एनुम्‍च़म्‌हिदा मान्‍क़दानिन। खानुम, ओ झारा य़ङ्‌चि लिमाङादोत, मेन अ़लुक्‍मा तामा ना हान्‍छाङ युङ्‌याङ।

युहन्‍ना 19:11

येसुआ अ़लासालोवा, “खानानिन्‌आ धानाङ्‌का मान्‍तोक्‍त़दोम्‌ओदे अ़ङ्‌काएदा आम्‍नुओ पाङ दित्‍छाङ मान्‍लिओ। खोन्‌ओसा अ़ङ्‌का आम्‍नुओ छुक्‌दा कापाक प़ तोक्‍पो हेवामि ओ।”

खाङ्‌मुमा 12:3

खोन्‍किना निनाम्‍मादु नि बुन दारा, सात्‌कातात अ़ताङ, दस्‌कातात अ़खुक्‍खा खोन्‍कि अ़ताङ्‌दु सात्‌कातात ताङ्‌बोप्‍खा बोम्‍साङाओ अ़क्‌तात हालापाक्‍पाक्‌ओ अ़धिवा प़ दारा।

खाङ्‌मुमा 13:10

छेक्‍खादा खात्‍मादोत्‌ओ अ़नुछ्‍या छेक्‍खादाङा खात, बान्‍छोन्‌आ सेत्‍मादोत्‌ओ अ़नुछ्‍या बान्‍छोन्‌आङा सेत। खोन्‌ओसा निनाम्‍हाङ्‌ओ अ़चुम़नाचिआ आङ्‌मादोत खोन्‍कि साकोङ्‌छ़ङ मुमादोत।

खाङ्‌मुमा 17:3

खोन्‍किना निनाम्‍हाङ काफाआ लावादा अ़ङ्‌का अ़खुयाङ्‌कि अ़क्‌तात लेक्‍लेक्‍लेक्‌वाओदा अ़खात्‍ताङ। हालापाक्‌वा साक्‍स़ङ युक्‍तुङुओ अ़क्‍छा मेत्‍छामा अ़ङ्‌का खाङ। मो साक्‍स़ङ्‌ओ सात्‌कातात अ़ताङ्‌चि खोन्‍कि दस्‌कातात अ़खुक्‍खाचि म़याआङा, खोन्‍कि निनाम्‍हाङ सुङ्‌माय़ङ ऩङ्‌चिआ मोसोओ झारा अ़याम भेप्‍लो छाप्‍तायुङ्‌सा।

खाङ्‌मुमा 17:6

येसुएदा मोचि सोम्‍कुवा म़मुवाओसा मेत्‍छामाआ साकोङ्‌छ़ङ कामुचि सेरुचिओ खोन्‍कि मोसाआ अ़चुह़ दुङुकि सेरुओ खाङ्‌कि अ़ङ्‌का चाअ़त्‍लो अ़दोम्‍ताङ्‌दाङ।