खाङ्‌मुमा 5:6 - बान्‍तावा राई

⁶ खोन्‍किना अ़क्‌तात थुबाछा एवाङाओ अ़ङ्‌का खाङ, खोक्‍को सेरिन्‌ओवा दाराङा। खोक्‍को हाङ्‌युङ्‌खाओ अ़च़क्‌दा खोन्‍कि चारकातात अ़ह़ङ साक्‍स़ङ्‌चिआ खोन्‍कि साम्‌योक ताङ्‌पाचिआ अ़कोम्‍तायुङ्‌सा। खोक्‍कोसोओ सात्‌कातात अ़खुक्‍खाचि खोन्‍कि सात्‌कातात अ़म़क्‌चि म़याआङा। मोचि झारा हेन्‍खामादा म़छुत्‍तुचिओ निनाम्‍हाङ्‌ओ सात्‌कातात अ़चुलावाचि ओ।

खाङ्‌मुमा 5:6 Σταυροειδείς Αναφορές

लुका 1:69

खोक्‍कोसाआ आप्‍पिओ अ़चुहारुक दाउद्‌ओ अ़छावारिचिदाङ्‌का आन्‍को निकि अ़क्‍छा सावापोरिओ कालेन्‍पा अ़तासा।

युहन्‍ना 1:29

अ़माङ्‌कोलेन युहन्‍नाआ येसु म़बानाङाओ खाकि य़ङा, “खानुम, हेन्‍खामादाओ हेवा काखुन्‍खात निनाम्‍हाङ्‌ओ अ़चुथुबाछा!

युहन्‍ना 1:36

खोसाआ येसु म़खाराङाओ खाकि य़ङा, “खानुम, निनाम्‍हाङ्‌ओ अ़चुथुबाछा!”

छाम्‍माय़ङ 8:32

खोसाआ खिप्‍तुङुओ साम्‍कालिन्‌ओ अ़धाङ्‌दा ओवाको याआङा, “खोक्‍को भेरावात्‍निङा सेत्‍सि अ़खात्‍ता। खोन्‍कि देत्‍नि थुबाछा अ़मुवा काक़प्‍पाओ अ़बुदा वाइवेत युङ, खोवात्‍निङा खोक्‍कोछाङ मान्‍चेप्‍माङ म़युङा।

खाङ्‌मुमा 1:4

एसियादाओ सात्‌कातात साम्‍भुङ्‌चिएदा युहन्‍नाओ अ़सेवा। खोक्‍कोसोओ अ़चुहाङ्‌मुखा बुदाओ सात्‌कातात लावादाङ्‌का खानानिन सोमातुक्‍मा खोन्‍कि सेवाङ्‌नि लिसानिन। खोक्‍को म़युङ्‌याङ, म़युङाङा, खोन्‍कि म़तायाङ।

खाङ्‌मुमा 12:11

ब़ब़, नाना खोन्‍कि निछाचिआ थुबाछाओ अ़चुह़ खोन्‍कि अ़चुओ सालुम्‍स़ङ य़ङ्‌ओ अ़तुक्‌वाआ मोएदा म़छोसायुङ्‌सा। मोचिआ अ़चुस़मातारिछाङ अ़चुह़ङ्‌म़ङ सोमामान्‍तुक्‌अ़दा।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

खाङ्‌मुमा 14:1

अ़ङ्‌का खाङ्‌हिदा सियोन भ़ऱदु, थुबाछा म़एवाङा। खोक्‍कोएनान अ़क्‌लाखा चवालिस हजारा म़नाचि म़याआङा। मोचिओ अ़चुत़ऱबुप्‌दा खोक्‍कोसोओ अ़चुऩङ खोन्‍कि खोक्‍कोसोओ अ़चुपापाओ अ़चुओ ऩङ छाप्‍ताङा।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 21:22

अ़ङ्‌का मो सहरादा खाक्‍कोछाङ निनाम्‍हाङ ब़क्‍खाखिम मान्‍खाङ्‌ङा, देकिनालो झारा सावाकातोक हाङ्‌पा निनाम्‍हाङ खोन्‍कि थुबाछाङा मोदाओ निनाम्‍हाङ ब़क्‍खाखिम म़युङ्‌याङ।

खाङ्‌मुमा 21:23

मो सहरा उप्‍मा निम्‍पाङ नाम खोन्‍कि लादिप्‍मा मान्‍दोत्‌याङ देकिनालो निनाम्‍हाङ्‌ओ अ़चुसाम्‌आङा मो सहरा अ़उप खोन्‍कि थुबाछाङा मो सहराओ अ़कुपि ओ।

खाङ्‌मुमा 22:1

खोन्‍किना निनाम्‍हाङ काफाआ अ़ङ्‌का फत्‍किरिवाको छोक्‍छोक्‍छोक्‌वाओ ह़ङ्‌म़ङ काप़ चाक्‌वाओ याङ्‌वामा खाङ्‌अ़मेत्‍ताङ। मो याङ्‌वामा निनाम्‍हाङ्‌ओ खोन्‍कि थुबाछाओ हाङ्‌युङ्‌खादाङ्‌का लोन्‍ताकि

खाङ्‌मुमा 22:3

हान्‌दाङ्‌का मोह्‍यात्‍नि मो सहरा देम्‍खाछाङ माङ्‌अ़हिम्‍निन। निनाम्‍हाङ खोन्‍कि थुबाछाओ अ़चुहाङ्‌युङ्‌खा मोदा लि, खोन्‍कि खोक्‍कोसोओ अ़चुहारुक्‌चिआ खोक्‍को अ़ब़क।

खाङ्‌मुमा 4:8

मो चारकातात्‍माङ अ़ह़ङ साक्‍स़ङ्‌चिओ छ-छकातात अ़चुलाप याआङा, खोन्‍कि मो लाप्‌चिओ अ़कोङ खोन्‍कि अ़दुङ्‌लिप्‍पा म़क्‌चिआ म़भेप्‍तायुङ्‌सा। अ़खोलेन अ़खाखुत मोचि मान्‌एम्‍माङ ओवात्‍नि य़ङ्‌सा छाम म़लुवायुङ्‌साङा, “सेङ्‌याङ्‌ओ, सेङ्‌याङ्‌ओ, सेङ्‌याङ्‌ओ, हाङ्‌पा निनाम्‍हाङ झारा सावाकातोक खोक्‍को म़युङाङा खोन्‍कि म़युङ्‌याङ खोन्‍कि खोक्‍को म़ता!”

खाङ्‌मुमा 5:11

खोन्‍किना अ़ङ्‌का चोउङ्‌च़ङ, हाङ्‌युङ्‌खादा अ़ह़ङ साक्‍स़ङ्‌चि खोन्‍कि साम्‌योक ताङ्‌पाचिओ अ़चुऱङ्‌कोप्‍नि खिप्‌दिमान्‍तेत्‍लो निनाम्‍हाङ काफाचि खाङ्‌च़ङ।

खाङ्‌मुमा 5:12

मोचि अ़धिवा य़ङ्‌दा छाम म़लुवाङाओ अ़ङ्‌का एनुङ्‌च़ङ। “सेत्‍माय़ङ थुबाछा सावा, चासुम्‍छेन्‍बि, खारु, खोन्‍कि ऱमा, साऩङ्‌वा, साम खोन्‍कि चोन्‍मा लोक्‍माखान्‍तुओ म़मुयाङ!”

खाङ्‌मुमा 5:13

खोन्‍किना निनाम्‍मादु, हेन्‍खामादा, हेन्‍खामा भेन्‌यु, धियाङ्‌वामादा खोन्‍कि मोदा म़याआङाओ झारा अ़ह़ङ साक्‍स़ङ्‌चि ओवात्‍नि म़य़ङाङाओ अ़ङ्‌का एनुङ, “हाङ्‌युङ्‌खादा कायुङ खोन्‍कि थुबाछा चोन्‍मा, साया, साम खोन्‍कि छोमा अ़धुन-अ़धुन्‌तारि लियुङ्‌ने!”

खाङ्‌मुमा 5:14

खोन्‍किना मो चारकातात्‍माङ अ़ह़ङ साक्‍स़ङ्‌चि म़य़ङा, “मोवात्‍निङा लिने!” खोन्‍कि मो साम्‌योक ताङ्‌पाचि म़बोम्‍सान्‍चिन्‌कि अ़ब़क्‍ता।

खाङ्‌मुमा 6:16

मोचिआ भ़ऱचि खोन्‍कि लुङ्‌छ़ङ्‌चि म़लोचि, “आन्‍कान्‍काएदा धा! खोन्‍कि हाङ्‌युङ्‌खादा कायुङ्‌ओसोओ अ़चुङाइवादाङ्‌का खोन्‍कि थुबाछाओ अ़चुच़ऱपादाङ्‌का आन्‍कान्‍का कुम्‍नि।