खाङ्‌मुमा 3:4 - बान्‍तावा राई

⁴ मेन सार्दिस्‌दा थोरेत म़नाचि म़युङ्‌याङ, मोचिआ अ़चुहेवाआ अ़चुतित्‌चि मान्‍पोप्‍म़युक्‍तुचि। मोचि अ़ङ्‌काएनान ओम्‌याङ्‌ओ तित म़हुम्‌कि म़कोन, देकिनालो मोचि अ़ङ्‌काएनान कोन्‍मा खान्‍तुचिओ म़मुयाङ।

खाङ्‌मुमा 3:4 Σταυροειδείς Αναφορές

मत्‍ति 10:11

खाउ सहरा माङ्‌लो तेन्‌दा खानानिन त़वाङिन, मोदा साङ खान्‍तुओ म़ना युङ्‌याङ, खो लामानुम, खोन्‍कि मोदाङ्‌का त़हासिमिन्‍चिन्‌तारि मोदाङा युङानिन।

मर्कुस 16:5

खोन्‍किना मोचि एप्‍माहुत्‌दा म़वाङाहिदा मोचिआ छोक्‍छोक्‍छोक्‌वाओ तित हुम्‍साङाओ अ़क्‍छा सावाछा अ़चुचुप्‍ताङ्‌लिप्‍पा युङाङाओ अ़खाकि मोचि म़क़सा।

लुका 20:35

मेन म़स़दाओदाङ्‌का खोन्‍मालोन्‍माकि मो जुगातारि तामालामा खान्‍तुचिओचिआ ना मोचि सायाम़काम ना सायाङा म़काम्‍सुप़चि।

लुका 21:36

खोन्‌ओसा तामा मुयाङ्‌ओ झारा य़ङ्‌चिदाङ्‌का रात्‍मा त़ऱन्‍चिन्‍ने निकि अ़ङ्‌का म़नाओ अ़छाओ अ़ङ्‌बुदा एप्‍मा त़ऱन्‍ने निकिना अ़धुन चेत्‍चेत्‍चेत्‌वा युङानिन्‌कि यामारानिन।”

छाम्‍माय़ङ 1:15

खोन्‍कि अ़क्‌लेन पत्रुस पुवालोन्‍ताकि साकोङ्‌छ़ङ कामुचिओ अ़चुरादा चेप्‍मा पुङ्‌सु, मोदा आप्‍फात अ़क सये बिस्‌कापाङ हाङ्‌पा येसुदा साकोङ्‌छ़ङ कामु म़नाचि म़कोवान्‌युङ्‌सान्‍चिन।

२ थेसलोनिकि 1:5

ओ झारासा निनाम्‍हाङ्‌ओ अ़चुछ़ङ्‌छेन्‍मा साम्‌योक्‍मि मुयाङ्‌ओ खाङ्‌मुसु। खोन्‌ओसा निनाम्‍हाङ्‌ओ अ़चुहाङ्‌होन्‌दा खानानिन अ़नुवाक ऩकाइसिन, मोसोओ निम्‍पाङ खानानिन्‌आ दुखाछाङ त़आङ्‌तुम्‌योम।

यहुदा 1:23

खा-खाक्‍कोचि मिओ दन्‍दादाङ्‌का लावालोत्‍तानुम्‍च़म्‌कि लेइसानुम्‍च़म। खा-खाक्‍कोचि सोमात़योक्‍तुम्‌योम्‍च़म्‌हिदा चाप्‍चेत्‍तानिन्‍चिन, हेवा काचिलाम्‍पा म़पोप्‍ताओचिओ अ़चुतित्‌छाङ चिप्‍माकात्‍तानुम।

खाङ्‌मुमा 1:11

मो य़ङ्‌आ लो, “खाना दि त़खा, मो अ़क्‌तात छाप्‍लाखा भोङ्‌दा छाप्‍तु, खोन्‍किना ओ सात्‌कातात्‍माङ साम्‍भुङ्‌चि छोक्‍तुचि: एफिसस, स्‍मुर्ना, पर्गामम, थिआतिरा, सार्दिस, फिलादेल्‍फिया खोन्‍कि लाउदिकिया।”

खाङ्‌मुमा 11:13

मोन्‍ग़रिङा अ़धिवाङ लुत्‍लि खारा, खोन्‍कि सहराओ दस्‌कालोक्‌ओ अ़क लोक लुक्‍ता, खोन्‍कि लुत्‍लिदा सात्‌हजारा म़नाचि म़सुवा। म़हेनाओ म़नाचिओ अ़चुक़माकाराकि निनाम्‍मादुओ निनाम्‍हाङ अ़लोङ्‌सा।

खाङ्‌मुमा 14:4

मोचि मेत्‍छामाचिएनान मान्‍पोप्‍म़युक्‍ता, खोन्‍कि खोचि म़सेङाङा। थुबाछा खादा-खादा म़खात मोचिआ खोक्‍को अ़त़ङ्‌ताङा। निनाम्‍हाङ खोन्‍कि थुबाछाओ निम्‍पाङ बुयाओ अ़सिवावात्‍नि म़नाचिओ अ़चुरादाङ्‌का ओचिओ अ़चुलुङ छोराकि म़खिरा ओ।

खाङ्‌मुमा 19:14

निनाम्‍मादुओ रात्‍खामिचि ओम्‍प़चिवा खोन्‍कि सेङाङाओ बाङ्‌गाय़ओ तित म़हुम्‍साकि म़ओमाङाओ युक्‌वादा म़वाङा खोन्‍कि खोक्‍कोसोओ अ़चुदेङ्‌देङ म़खारा।

खाङ्‌मुमा 19:8

बाङ्‌गाय़ओ छोक्‍छोक्‍छोक्‌वाओ खोन्‍कि सेङाङाओ तित हुम्‍मा मो पुवा।” बाङ्‌गाय़ओ छोक्‍छोक्‍छोक्‌वाओ तित निनाम्‍हाङ्‌ओ अ़चुम़नाचिओ अ़नुवाक काचिचि ओ।

खाङ्‌मुमा 3:18

खोन्‌ओसा कातोक लिमा मिआ हेङ्‌माय़ङ हाराक्‌वा, खोन्‍कि आम्‍कालाङ्‌द़क्‌ओ लेजो दिप्‍मा निम्‍पाङ ओम्‌याङ्‌ओ तित खोन्‍कि खाना खाङ्‌मा त़ऱने निकिना आम्‍म़क्‌दा पाक्‍मा ओक्‍तो, अ़ङ्‌काएदाङ्‌का खित्‍माछाङ खाना यायोक प़ना।

खाङ्‌मुमा 3:5

साङ छो, खो ओवात्‍नि ओम्‌याङ्‌ओ तित हुम्‍मेत। अ़ङ्‌का देम्‍खाछाङ मोसोओ अ़ऩङ ह़ङ्‌म़ङ्‌ओ छाप्‍लाखादाङ्‌का अ़सोप्‍ऩङ्‌खान्‍ऩङ। अ़ङ्‌का मोसोओ अ़ऩङ अ़ङ्‌पापाओ अ़चुबुदा खोन्‍कि खोक्‍को काफाचिओ अ़चुबुदा मो अ़ङ्‌को ओ निकिना लोउङ।

खाङ्‌मुमा 4:4

मो हाङ्‌युङ्‌खाओ अ़ऱङ्‌कोप्‍नि चौबिस्‌कातात हाङ्‌युङ्‌खाचि म़युङाङा, खोन्‍कि अ़चुताङ्‌दु हाराक्‌वाओ ताङ्‌बोप्‍खाचि खोन्‍कि ओमाङाओ तित्‌चि म़हुम्‍साङाओ चौबिस्‌कापाङ साम्‌योक ताङ्‌पाचि मो हाङ्‌युङ्‌खादा म़युङाङाओ अ़ङ्‌का खाङ्‌च़ङ।

खाङ्‌मुमा 6:11

खोन्‍किना मो झारा म़सेरुचिओचि अ़क्‌तातात ओमाङाओ तित म़प़चि, खोन्‍कि म़लोचि, “मोदा ब़द्‍धे खानानिन्‌वाङा निनाम्‍हाङ काब़क साकोङ्‌छ़ङ कामुचि म़युङ्‌याङ, खानानिन ऩसेरिन्‌वाङा म़नाचिआ मोचि म़सेरुचि। मोन्‍ग़रितारि खानानिन थुत्‍मेत्‍लो सावा तोम्‍सानिन।”

खाङ्‌मुमा 7:9

खोन्‍किना साङ्‌आछाङ खिप्‍मा अ़ऱन्‍चिन्‌ओ अ़क्‌तात अ़धिवाङ म़ना मुक्‍ला अ़ङ्‌का खाङ। मोचि झारा हेन्‍कोप्‌चि झारा रावाचि झारा भुङ्‌चि खोन्‍कि य़ङ्‌काचेप्‌चिदाङ्‌का म़तायुङ्‌सा। मोचि ओम्‍प़चिवा तित म़हुम्‍साङा खोन्‍कि अ़चुछुक्‌दा खजुराताङ्‌ओ अ़खेक्‌चि म़क़क्‍ताकि हाङ्‌युङ्‌खा खोन्‍कि थुबाछाओ अ़चुबुदा म़एवाङाओ अ़ङ्‌का खाङ्‌च़ङ।