खाङ्‌मुमा 3:12 - बान्‍तावा राई

¹² साङ्‌चि म़छो, अ़ङ्‌निनाम्‍हाङ्‌ओ अ़चुब़क्‍खाखिम्‌दाओ अ़खाबो अ़ङ्‌का मोचि मुङ्‌च़ङ। खोचि मोदाङ्‌का देम्‍खाछाङ बुङ्‌खादा ऩलानिन्‍लोन्‍निन। अ़ङ्‌का मोचिएदा अ़ङ्‌निनाम्‍हाङ्‌ओ अ़चुओ ऩङ छाप्‍तुङ, खोन्‍कि अ़ङ्‌निनाम्‍हाङ्‌ओ अ़चुसहराओ अ़ऩङ, अ़ऩङ्‌वा यरुसलेम छाप्‍तुङ। मो अ़ङ्‌निनाम्‍हाङ्‌दाङ्‌का निनाम्‍मादुङ्‌का ह्‍युना य़, खोन्‍कि आप्‍पि अ़ऩङ्‌वा अ़ङ्‌ऩङ्‌छाङ मोचिएदा छाप्‍तुङ।

खाङ्‌मुमा 3:12 Σταυροειδείς Αναφορές

मर्कुस 12:16

खोन्‍किना मोचिआ अ़क्‌तात फेक्‌वा अ़तारा, खोन्‍कि येसुआ मोचि म़सेनुचि, “ओदा साङ्‌कोओ अ़लावाछाप खोन्‍कि अ़ऩङ याक्‌याङ?” “कैसरओ”नि मोचि म़य़ङा।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

एफिसि 3:15

खोक्‍कोलाम्‍पा निनाम्‍मादुओ खोन्‍कि हेन्‍खामादाओ झारा खिम्‍लुम्‍पाओ अ़नुछ्‍याओ अ़चुह़ङ्‌म़ङ अ़तोक।

हिब्रु 12:22

मेन खानानिन सियोन भ़ऱदा त़तान्‌युङ्‌सिन। मो अ़ह़ङ निनाम्‍हाङ्‌ओ अ़चुसहरा, खोन्‍कि निनाम्‍मादुओ यरुसलेम ओ। मोदा खिप्‌दिअ़तेत्‍निन्‌ओ निनाम्‍हाङ काफाचि ऩङानुयाङ्‌सा म़कोप्‍नान्‍चिन।

हिब्रु 13:14

देकिनालो ओदा आन्‍को निम्‍पाङ अ़धुन युङ्‌युङ्‌ओ सहरा मात्‍द़ङ, मेन तायाङ्‌ओ सहरा आन्‍कान हुङुम्‌योम।

१ युहन्‍ना 4:4

सोमातुक्‍नाङ्‌नानिन्‌ओ छाचि ओ, खानानिन निनाम्‍हाङ्‌दाङ्‌का ओ, खोन्‍कि सोज्‍जेओ निनाम्‍हाङ्‌य़ङ खाकालुचिएदा त़छोसिन्‌युङ्‌सिन। देकिनालो खानानिन्‌एदा कायुङ सेङ्‌लावा हेन्‍खामादाओ लावादाङ्‌का तोक्‍पो म़मुयाङ।

खाङ्‌मुमा 14:1

अ़ङ्‌का खाङ्‌हिदा सियोन भ़ऱदु, थुबाछा म़एवाङा। खोक्‍कोएनान अ़क्‌लाखा चवालिस हजारा म़नाचि म़याआङा। मोचिओ अ़चुत़ऱबुप्‌दा खोक्‍कोसोओ अ़चुऩङ खोन्‍कि खोक्‍कोसोओ अ़चुपापाओ अ़चुओ ऩङ छाप्‍ताङा।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 2:11

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, ह्‍वादुओदुओ स़माआ खो देत्‍छाङ अ़मुन।

खाङ्‌मुमा 2:17

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, अ़ङ्‌का मो सुकुलादाओ मन्‍ना प़ङ, खोन्‍कि अ़ङ्‌का मो अ़ऩङ्‌वा ऩङ छाप्‌याङ्‌ओ अ़क्‌तात ओम्‌याङ्‌ओ लुङ प़ङ, मो लुङ कातोक्‌आ ओन्‍ङा मो ऩङ सिन्‍तु।

खाङ्‌मुमा 2:7

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, अ़ङ्‌का खो निनाम्‍हाङ्‌ओ अ़चुस़ङ्‌सिबात्‍बुङ्‌खादाओ ह़ङ्‌म़ङ्‌ओ स़ङ्‌ताङ्‌ओ अ़सिवा चामा पाङ प़ङ।

खाङ्‌मुमा 21:2

खोन्‍कि निनाम्‍मादुङ्‌का सेङाङाओ सहरा अ़ऩङ्‌वा यरुसलेम निनाम्‍हाङ्‌आ अ़धान्‍ताङाओ अ़ङ्‌का खाङ। मो सायाकाकाम्‍मा अ़सायाकाकाम्‍पा तुप्‍मा निम्‍पाङ चोङ्‌सान्‍चिन्‌कि चुम्‍सान्‍चिन्‌ओवा मुवाङा।

खाङ्‌मुमा 22:4

मोचिआ खोक्‍कोसोओ अ़चुङाइवा अ़खाङ, खोन्‍कि निनाम्‍हाङ्‌ओ अ़चुऩङ म़नाचिओ अ़चुत़ऱबुप्‌चिदा छाप।

खाङ्‌मुमा 3:5

साङ छो, खो ओवात्‍नि ओम्‌याङ्‌ओ तित हुम्‍मेत। अ़ङ्‌का देम्‍खाछाङ मोसोओ अ़ऩङ ह़ङ्‌म़ङ्‌ओ छाप्‍लाखादाङ्‌का अ़सोप्‍ऩङ्‌खान्‍ऩङ। अ़ङ्‌का मोसोओ अ़ऩङ अ़ङ्‌पापाओ अ़चुबुदा खोन्‍कि खोक्‍को काफाचिओ अ़चुबुदा मो अ़ङ्‌को ओ निकिना लोउङ।